Մեր մասին

«ՀՀ պաշտոնական տեղեկագիր» և «ՀՀ գերատեսչական նորմատիվ ակտերի տեղեկագիր» պարբերականների հրատարակումը 1997 թվականից ՀՀ կառավարության որոշմամբ իրականացնում է «Պաշտոնական տեղեկագիր» ՓԲ ընկերությունը:

2002 թվականի հունիսից «ՀՀ պաշտոնական տեղեկագիրը» հրատարակվում է յուրաքանչյուր չորեքշաբթի‚ իսկ «ՀՀ գերատեսչական նորմատիվ ակտերի տեղեկագիրը»` յուրաքանչուր ամսվա 1-ին և 15-ին, եռամսյակը մեկ`«Քաղաքային եվ գյուղական համայնքների նորմատիվ իրավական ակտերի ժողովածուն»: Հրատարակվում է նաև «Երևան համայնքի իրավական ակտերի տեղեկագիրը», իսկ իրավական ակտում բազմաթիվ փոփոխությունների կամ լրացումների դեպքում կատարվում է պաշտոնական վերահրատարակություն: Ըստ անհրաժեշտության հրատարակվում են նաև արտահերթ համարներ:

Ընկերության հրատարակած գրքերը վաղուց դարձել են օրենսդիր, գործադիր մարմինների, դատական համակարգի և հանրության սեփականությունը: «Պաշտոնական տեղեկագիր» վերտառությամբ հրատարակված բոլոր օրենսգրքերը բարձր վստահություն են ձեռք բերել սպառողների միջավայրում: Ընկերությունը շնորհակալ է իր սպառողին և ընթերցողին, որոնց դիտողությունների, առաջարկությունների հաշվառումով այսօր այն գործում է իբրև մասնագիտացված կառույց:

Համաշխարհային բանկի և ՀՀ արդարադատության նախարարության նախաձեռնությամբ 2005 թվականից գործում է Հայաստանի Իրավական Տեղեկատվական Համակարգը (ՀԻՏՀ) (Armenian Legal Information System (ARLIS) www.arlis.am, www.laws.am, www.legislation.am), որի իրավական ակտերի բազայի համալրման և սպասարկման աշխատանքները ՀՀ կառավարության որոշմամբ իրականացնում է «Պաշտոնական տեղեկագիր» ՓԲ ընկերությունը:

Համակարգից օգտվողներն ունեն որոնման լայն հնարավորություն: Տեղեկությունը մատուցվում է մատչելի, առանց որևէ սահմանափակման` պատճենահանելու և տպելու հնարավորությամբ:

Կայքի օրենսդրական բազան ամեն շաբաթ թարմացվում է` օգտվողին հնարավորություն ընձեռելով հետևել իրավական ակտերում կատարվող փոփոխություններին և ստանալ իրավական ակտերի վերջնական տարբերակը:

Իրավական ակտերի էլեկտրոնային բազան թողարկվում է նաև DVD տարբերակով:

Հարգելի գործընկեր

«Պաշտոնական տեղեկագիր» փակ բաժնետիրական ընկերությունն սկսել է պաշտոնական տեղեկագրերի 2010 թվականի բաժանորդագրությունը: Տարեկան բաժնեգինն արժի 182.000 (մեկ հարյուր ութսուներկու հազար) դրամ (շուրջ 102 տեղեկագիր):

«ՀՀ պաշտոնական տեղեկագիրը» հրատարակվում է յուրաքանչյուր չորեքշաբթի:

Այն ներառում է.

• Միջազգային պայմանագրերը

• Հայաստանի Հանրապետության օրենքները

• Հայաստանի Հանրապետության սահմանադրական դատարանի որոշումները

• Հայաստանի Հանրապետության Նախագահի հրամանագրերը

• Հայաստանի Հանրապետության Ազգային ժողովի և Հայաստանի Հանրապետության Ազգային ժողովի նախագահի որոշումները

• Հայաստանի Հանրապետության Նախագահի կարգադրությունները

• Հայաստանի Հանրապետության կառավարության որոշումները

• Հայաստանի Հանրապետության վարչապետի որոշումները

• Հայաստանի Հանրապետության վճռաբեկ դատարանի դատական ակտերը

• Արդարադատության խորհրդի որոշումները:

«ՀՀ գերատեսչական նորմատիվ ակտերի տեղեկագիրը» հրատարակվում է յուրաքանչյուր ամսվա 1-ին և 15-ին:

Այն ներառում է.

• Հայաստանի Հանրապետության կենտրոնական բանկի խորհրդի որոշումները

• Հայաստանի Հանրապետության կենտրոնական ընտրական հանձնաժողովի որոշումները

• Հայաստանի Հանրապետության էներգետիկայի հանձնաժողովի որոշումները

• Հայաստանի Հանրապետության վիճակագրության պետական խորհրդի որոշումները

• Հայաստանի Հանրապետության տնտեսական մրցակցության պաշտպանության պետական հանձնաժողովի որոշումները

• Հեռուստատեսության և ռադիոյի ազգային հանձնաժողովի որոշումները

• Հայաստանի Հանրապետության քաղաքացիական ծառայության խորհրդի որոշումները

• Հայաստանի Հանրապետության նախարարների հրամանները

• Երևանի քաղաքապետի որոշումները կամ կարգադրությունները

• Հայաստանի Հանրապետության մարզպետների որոշումները կամ կարգադրությունները:

Հարկ է նշել, որ տեղեկագրերը հանրության օրենսդրական դաշտի միակ պաշտոնական աղբյուրն են: Այլ հրապարակումները (այդ թվում նաև` էլեկտրոնային) պարտավոր են հղել պաշտոնական տեղեկագրերին իբրև սկզբնաղբյուրի:

Ձեռք բերելով պարբերաբար հրատարակվող տեղեկագրերը` Դուք մեծապես կտիրապետեք հանրապետության օրենսդրական դաշտին:

Տեղեկագրերը ունեն նաև էլեկտրոնային հրատարակություն: Տարեկան բաժնեգինն արժի 50.000 (հիսուն հազար) դրամ: Հատավաճառության դեպքում մեկ սկավառակն արժի 6.000 (վեց հազար) դրամ:

Ակտիվ համագործակցության դեպքում Ձեզ անվճար կտրվեն ընկերության կողմից հրատարակվող զանազան օրենսդրական փաթեթներ:

 

Բաժանորդագրության համար դիմեք`

( 565078, 544441:

* Երևան 0010, Տիգրան Մեծի 4

  1-ին սենյակ