ՀԱՅԿԱԿԱՆ ԽՍՀ ՄԻՆԻՍՏՐՆԵՐԻ ԽՈՐՀՈՒՐԴ

Ո Ր Ո Շ ՈՒ Մ

27 հոկտեմբերի 1989 թ. N 533

Քաղ. Երևան

«ԲՈՂԱՔԱՐ» ՊԵՏԱԿԱՆ ԱՐԳԵԼՈՑԻ ԿԱՆՈՆԱԴՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ

Հայկական ԽՍՀ Մինիստրների խորհուրդը որոշում է.

Հաստատել «Բողաքար» պետական արգելոցի առդիր կանոնադրությունը:

«ԲՈՂԱՔԱՐ» ՊԵՏԱԿԱՆ ԱՐԳԵԼՈՑԻ ԿԱՆՈՆԱԴՐՈՒԹՅՈՒՆԸ

I. Ընդհանուր դրույթներ

1. «Բողաքար» պետական արգելոցը կազմակերպվել է Մեղրու շրջանում 2728 հեկտար ընդհանուր տարածության վրա` բույսերի ու կենդանիների հազվագյուտ և անհետացող տեսակների պահպանության և վերարտադրության նպատակով:

2. Պետական արգելոց հայտարարված տարածքը առաջ չի բերում հողօգտագործողներից հողամասերի հետ վերցնում:

Այն կոլտնտեսությունները, որոնց հողերում կազմակերպված է արգելոցը, պարտավոր են պահպանել «Բողաքար» պետական արգելոցում սահմանված ռեժիմը:

II. «Բողաքար» պետական արգելոցի խնդիրները

3. «Բողաքար» պետական արգելոցի վրա դրվում են հետևյալ խնդիրները`

ա) ընդհանուր բնապահպանական հաշվեկշռի պահպանումը.

բ) բույսերի ու կենդանիների հազվագյուտ և անհետացող տեսակների վերարտադրության համար բազայի ստեղծումը.

գ) Հայկական ԽՍՀ գիտությունների ակադեմիայի բուսաբանության ինստիտուտի և կենդանաբանության ինստիտուտի հետ համատեղ արգելոցի բուսական ու կենդանական աշխարհի կենսաբանական հետազոտությունների անցկացումը.

դ) Լիճքի անտառապետության անտառների վերին մակարդակի բարձրացման ուղղությամբ աշխատանքների կատարումը:

4. «Բողաքար» պետական արգելոցի ղեկավարումը դրվում է Մեղրու անտառտնտեսության վրա:

III. «Բողաքար» պետական արգելոցի ռեժիմը

5. «Բողաքար» պետական արգելոցի տարածքում արգելվում են տնտեսական գործունեության հետևյալ տեսակները`

ա) հողերի հերկումը.

բ) հատապտուղների, պտուղների և ծաղիկների հավաքումը.

գ) գազանների ու թռչունների ամեն տեսակ որսը.

դ) թունաքիմիկատների օգտագործումը.

ե) մելիորատիվ աշխատանքները.

զ) մեքենայացված տրանսպորտի երթևեկությունը.

է) տուրիզմը և բնակչության հանգստի մյուս տեսակները.

ը) կառուցապատման նպատակով հողամասերի հատկացումը.

թ) հետախուզական աշխատանքները և օգտակար հանածոների մշակումը:

6. Անասունների արածեցումը թույլատրվում է սեզոնային, նախապես վերապահված, խիստ սահմանափակ և վերահսկվող տարածքներում:

7. Մեղրու անտառտնտեսությունը, Լեհվազ և Վահրավար գյուղերի կոլտնտեսությունները, որոնց հողերում կազմակերպված է «Բողաքար» պետական արգելոցը, պարտավոր են պահպանել արգելոցում սահմանված ռեժիմը:

VI. «Բողաքար» պետական արգելոցի պահպանությունը

8. «Բողաքար» պետական արգելոցի պահպանությունն իրականացվում է «Հայանտառ» անտառտնտեսական արտադրական միավորման Մեղրու անտառտնտեսությունը:

Պետական արգելոցի պահպանությանը ներգրավվում են նաև հասարակական տեսուչները, բնության պահպանության գծով հատուկ ժողովրդական դրուժինաները, շրջանային, գյուղական և ավանային խորհուրդները:

Հողաշինարարության շրջանային սխեմաները մշակելիս անհրաժեշտ է հաշվի առնել պետական արգելոցի ռեժիմը:

9. «Բողաքար» պետական արգելոցի ռեժիմի խախտման գործում մեղավոր անձինք ենթարկվում են պատասխանատվության ԽՍՀՄ և Հայկական ԽՍՀ օրենսդրությանը համապատասխան:

10. Կոլտնտեսությունները և մյուս ձեռնարկությունները, հիմնարկություններն ու քաղաքացիները պարտավոր են հատուցել «Բողաքար» պետական արգելոցի ռեժիմի խախտման հետևանքով պատճառված վնասները` Հայկական ՍՍՀ Մինիստրների խորհրդի 1981 թ. հունվարի 21-ի թիվ 26 որոշմամբ հաստատված Հայկական ԽՍՀ տարածքում որսի և որսորդական տնտեսության վարման մասին կանոնադրությամբ ու Հայկական ԽՍՀ անտառային օրենսդրությամբ սահմանված չափերով և կարգով: