Համարը 
թիվ 349-Ն
Տեսակը 
Հիմնական
Տիպը 
Որոշում
Կարգավիճակը 
Գործում է
Սկզբնաղբյուրը 
ՀՀԳՏ 2011.12.26/29(412).1 Հոդ.416.5
Ընդունման վայրը 
Երևան
Ընդունող մարմինը 
Կենտրոնական բանկի խորհուրդ
Ընդունման ամսաթիվը 
16.12.2011
Ստորագրող մարմինը 
Կենտրոնական բանկի նախագահ
Ստորագրման ամսաթիվը 
16.12.2011
Վավերացնող մարմինը 
Վավերացման ամսաթիվը 
Ուժի մեջ մտնելու ամսաթիվը 
05.01.2012
Ուժը կորցնելու ամսաթիվը 


ՀՀ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ ՈՐՈՇՈՒՄԸ 2012-2013 ԹՎԱԿԱՆՆԵՐԻ ՀՈՒՇԱԴՐԱՄՆԵՐԻ ԹՈՂԱՐԿՄԱՆ ԾՐԱԳՐՈՎ ՆԱԽԱՏԵՍՎԱԾ ՀՈՒՇԱԴՐԱՄՆԵՐԸ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ԵՎ ԴՐԱՆՑ ՆԿԱՐԱԳՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ

 

«Գրանցված է»

ՀՀ արդարադատության

նախարարության կողմից

19 դեկտեմբերի 2011 թ.

Պետական գրանցման թիվ 05011555

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

 

16 դեկտեմբերի 2011 թ.

թիվ 349-Ն 

 

Ո Ր Ո Շ ՈՒ Մ

 

2012-2013 ԹՎԱԿԱՆՆԵՐԻ ՀՈՒՇԱԴՐԱՄՆԵՐԻ ԹՈՂԱՐԿՄԱՆ ԾՐԱԳՐՈՎ ՆԱԽԱՏԵՍՎԱԾ ՀՈՒՇԱԴՐԱՄՆԵՐԸ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ԵՎ ԴՐԱՆՑ ՆԿԱՐԱԳՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ

 

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «է» կետը` Հայաստանի Հանրապետության կենտրոնական բանկի խորհուրդը որոշում է.

1. 2012 թվականի հունվարի 25-ից շրջանառության մեջ դնել «Սայաթ-Նովայի ծննդյան 300-ամյակ», «Շուշիի ազատագրման 20-ամյակ», «Հայկական բանակի կազմավորման 20-ամյակ» ոսկե և «Հովսեփ Օրբելու ծննդյան 125-ամյակ», «Հայ գրքի տպագրության 500-ամյակ», «Հայկական բանակի կազմավորման 20-ամյակ» արծաթե հուշադրամները:

2. Հաստատել սույն որոշման 1-ին կետով սահմանված հուշադրամների նկարագրությունները, որոնք հուշադրամների էսքիզների հետ մեկտեղ ներկայացված են Հավելվածում (կցվում է):

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

ՀՀ կենտրոնական բանկի նախագահ

Ա. Ջավադյան

 

2011 թ. դեկտեմբերի 16
Երևան

 

 

Հավելված

 

Հաստատված է

ՀՀ կենտրոնական բանկի խորհրդի

2011 թվականի դեկտեմբերի 16-ի

թիվ 349-Ն որոշմամբ

 

Ն Կ Ա Ր Ա Գ Ր ՈՒ Թ Յ ՈՒ Ն

 

1. «Սայաթ-Նովայի ծննդյան 300-ամյակ» հուշադրամի նկարագրությունը

 

Հայաստանի Հանրապետության կենտրոնական բանկը թողարկել է Սայաթ-Նովայի ծննդյան 300-ամյակին նվիրված ոսկե հուշադրամը:

 

Հուշադրամի դիմերեսին պատկերված է նուռ, որը խորհրդանշում է ռեժիսոր Սերգեյ Փարաջանովի` Սայաթ-Նովային նվիրված «Նռան գույնը» հայտնի կինոնկարը: Նռան ֆոնին պատկերված են քամանչա, գիրք և փետրագրիչ: Քամանչայից աջ մակագրված է հուշադրամի թողարկման տարեթիվը՝ «2012», իսկ ձախ մասում` հայկական զարդանախշ է: Վերևի ձախ անկյունում անվանական արժեքն է` «10000 ԴՐԱՄ DRAM», իսկ շրջագծով՝ «CENTRAL BANK OF ARMENIA» և «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ» մակագրություններն են:

 

Հուշադրամի դարձերեսին Սայաթ-Նովայի դիմաքանդակն է, որից վերև զարդանախշ է, աջ մասում, ուղղահայց՝ «300 ՍԱՅԱԹ-ՆՈՎԱ» մակագրությունն է:

 

Հուշադրամի էսքիզների հեղինակն է Տիգրան Չոբանյանը:

Հուշադրամը հատվել է Նիդեռլանդների արքայական դրամահատարանում:

 

Հուշադրամի բնութագիրը

 
 

Անվանական արժեքը
Մետաղը և հարգը
Զանգվածը
Տրամագիծը
Դրամաշուրթը
Որակը
Տպաքանակը

10 000 դրամ
ոսկի, 9000
8,6 գ
22,0 մմ
ատամնավոր
պրուֆ
1000 հատ

 

1.1 «Սայաթ-Նովայի ծննդյան 300-ամյակ» ոսկե հուշադրամի դիմերեսի և դարձերեսի էսքիզները

 

Ներմուծեք նկարագրությունը_1549

 

Ն Կ Ա Ր Ա Գ Ր ՈՒ Թ Յ ՈՒ Ն

 

2. «Շուշիի ազատագրման 20-ամյակ» հուշադրամի նկարագրությունը

 

Հայաստանի Հանրապետության կենտրոնական բանկը թողարկել է Շուշիի ազատագրման 20-ամյակին նվիրված ոսկե հուշադրամը:

 

Հուշադրամի դիմերեսին հավերժության նշանի ֆոնի վրա պատկերված է Շուշիի Սուրբ Ամենափրկիչ Ղազանչեցոց եկեղեցին: Ներքևի մասում հուշադրամի անվանական արժեքն է` «10000 դրամ», իսկ եզրագծով՝ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ» մակագրությունը և թողարկման տարեթիվը՝ «2012»:

 

Հուշադրամի դարձերեսին պատկերված են «Ոսկե արծիվ» շքանշանը և Հայաստանի Հանրապետության զինված ուժերի զինանշանը:

Եզրագծով՝ «ՇՈՒՇԻԻ ԱԶԱՏԱԳՐՄԱՆ 20-ԱՄՅԱԿ» մակագրությունն է:

 

Հուշադրամի բնութագիրը

 
 

Անվանական արժեքը
Մետաղը և հարգը
Զանգվածը
Տրամագիծը
Դրամաշուրթը
Որակը
Տպաքանակը

10 000 դրամ
ոսկի, 9000
8,6 գ
22,0 մմ
ատամնավոր
պրուֆ
500 հատ

 

Էսքիզների հեղինակն է Հարություն Սամուելյանը

Հուշադրամը հատվել է Նիդեռլանդների արքայական դրամահատարանում:

 

2.1 «Շուշիի ազատագրման 20-ամյակ» ոսկե հուշադրամի դիմերեսի և դարձերեսի էսքիզները

 

Ներմուծեք նկարագրությունը_1550

 

Ն Կ Ա Ր Ա Գ Ր ՈՒ Թ Յ ՈՒ Ն

 

3. «Հայկական բանակի կազմավորման 20-ամյակ» հուշադրամի նկարագրությունը

 

Հայաստանի Հանրապետության կենտրոնական բանկը թողարկել է Հայկական բանակի կազմավորման 20-ամյակին նվիրված ոսկե հուշադրամը:

 

Հուշադրամի դիմերեսին պատկերված է ՀՀ զինանշանը: Զինանշանից ներքև հուշադրամի անվանական արժեքն է` «10000 դրամ», իսկ եզրագծով՝ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ» մակագրությունը և թողարկման տարեթիվը՝ «2012»:

 

Հուշադրամի դարձերեսին պատկերված են Հայաստանի Հանրապետության զինված ուժերի զինանշանը և «Հայրենիք» շքանշանը:

Եզրագծով՝ «ՀԱՅՈՑ ԲԱՆԱԿԻ ԿԱԶՄԱՎՈՐՄԱՆ 20-ԱՄՅԱԿ» մակագրությունն է:

 

Հուշադրամի բնութագիրը

 
 

Անվանական արժեքը
Մետաղը և հարգը
Զանգվածը
Տրամագիծը
Դրամաշուրթը
Որակը
Տպաքանակը

10 000 դրամ
ոսկի, 9000
8,6 գ
22,0 մմ
ատամնավոր
պրուֆ
500 հատ

 

Էսքիզների հեղինակն է Հարություն Սամուելյանը:

Հուշադրամը հատվել է Նիդեռլանդների արքայական դրամահատարանում:

 

3.1 «Հայկական բանակի կազմավորման 20-ամյակ» ոսկե հուշադրամի դիմերեսի և դարձերեսի էսքիզները

 

Ներմուծեք նկարագրությունը_1551

 

Ն Կ Ա Ր Ա Գ Ր ՈՒ Թ Յ ՈՒ Ն

 

4. «Հովսեփ Օրբելու ծննդյան 125-ամյակ» հուշադրամի նկարագրությունը

 

Հայաստանի Հանրապետության կենտրոնական բանկը թողարկել է հայ նշանավոր արևելագետ, հնագետ և հասարակական գործիչ Հովսեփ Օրբելու ծննդյան 125-ամյակին նվիրված արծաթե հուշադրամը:

 

Հուշադրամի դիմերեսին պատկերված են Օրբելու հնագիտական արշավանքի չափագրումներից գծագիր, Էրմիտաժի արծաթյա ցուցանմուշներ և գրառումով քարե սալիկ՝ Աղթամար կղզուց: Հուշադրամի վերևի աջ մասում թողարկման տարեթիվն է՝ «2012», ներքևի մասում անվանական արժեքը` «1000 դրամ» և ամբողջ եզրագծով` «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ» մակագրությունը:

 

Հուշադրամի դարձերեսի աջ մասում Օրբելու դիմապատկերն է, ձախ մասում` Անիի 1910 թ. հնագիտական արշավանքի ցուցանմուշ` կարաս: Վերևի մասում` «125 ամյակ» և ներքևի մասում` «ՀՈՎՍԵՓ ՕՐԲԵԼԻ JOSEPH ORBELI 1887 1961» մակագրություններն են:

 

Հուշադրամի բնութագիրը

 
 

Անվանական արժեքը
Մետաղը և հարգը
Զանգվածը
Տրամագիծը
Դրամաշուրթը
Որակը
Տպաքանակը

1000 դրամ
արծաթ, 9250
33,6 գ
40,0 մմ
ատամնավոր
պրուֆ
500 հատ

 

Էսքիզների հեղինակն է Վարդան Վարդանյանը:

Հուշադրամը հատվել է Նիդեռլանդների արքայական դրամահատարանում:

 

4.1 «Հովսեփ Օրբելու ծննդյան 125-ամյակ» արծաթե հուշադրամի դիմերեսի և դարձերեսի էսքիզները

 

Ներմուծեք նկարագրությունը_1552

 

Ն Կ Ա Ր Ա Գ Ր ՈՒ Թ Յ ՈՒ Ն

 

5. «Հայ գրքի տպագրության 500-ամյակ» հուշադրամի նկարագրությունը

 

Հայաստանի Հանրապետության կենտրոնական բանկը թողարկել է Հայ գրքի տպագրության 500-ամյակին նվիրված արծաթե հուշադրամը:

 

Հուշադրամի դիմերեսին պատկերված են «Երևանը Գրքի համաշխարհային մայրաքաղաք» միջոցառումների պատկերանիշը և հուշադրամի թողարկման տարեթիվը` «2012»: Ներքևի մասում անվանական արժեքն է` «1000 դրամ» և եզրագծով՝ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ» մակագրությունը:

 

Հուշադրամի դարձերեսին պատկերված են Վենետիկի տեսարաններից մեկը, առաջին հրատարակիչ Հակոբ Մեղապարտի նշանադրոշմը, «Ուրբաթագիրքը» և գրքից մի պատկեր` «Հիվանդի այցը»: Ձախ կողմում, ուղղահայաց՝ «Ուրբաթագիրք» գրառումն է, իսկ աջ եզրագծով՝ «ՀԱՅ ԳՐՔԻ ՏՊԱԳՐՈՒԹՅԱՆ 500-ԱՄՅԱԿ» մակագրությունը:

 

Հուշադրամի բնութագիրը

 
 

Անվանական արժեքը
Մետաղը և հարգը
Քաշը
Տրամագիծը
Դրամաշուրթը
Որակը
Տպաքանակը

1000 դրամ
արծաթ, 9250
33,6 գ
40,0 մմ
ատամնավոր
պրուֆ
500 հատ

 

Էսքիզների հեղինակն է Վարդան Վարդանյանը:

Հուշադրամը հատվել է Նիդեռլանդների արքայական դրամահատարանում:

 

5.1 «Հայ գրքի տպագրության 500-ամյակ» արծաթե հուշադրամի դիմերեսի և դարձերեսի էսքիզները

 

Ներմուծեք նկարագրությունը_1553

 

Ն Կ Ա Ր Ա Գ Ր ՈՒ Թ Յ ՈՒ Ն

 

6. «Հայկական բանակի կազմավորման 20-ամյակ» հուշադրամի նկարագրությունը

 

Հայաստանի Հանրապետության կենտրոնական բանկը թողարկել է Հայկական բանակի կազմավորման 20-ամյակին նվիրված արծաթե հուշադրամը:

 

Հուշադրամի դիմերեսին պատկերված է ՀՀ զինանշանը: Զինանշանից ներքև հուշադրամի անվանական արժեքն է` «1000 դրամ», իսկ եզրագծով՝ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ» մակագրությունը և թողարկման տարեթիվը՝ «2012»:

 

Հուշադրամի դարձերեսին պատկերված են Հայաստանի Հանրապետության զինված ուժերի զինանշանը և «Հայրենիք» շքանշանը:

Եզրագծով՝ «ՀԱՅՈՑ ԲԱՆԱԿԻ ԿԱԶՄԱՎՈՐՄԱՆ 20-ԱՄՅԱԿ» մակագրությունն է:

 

Հուշադրամի բնութագիրը

 
 

Անվանական արժեքը
Մետաղը և հարգը
Զանգվածը
Տրամագիծը
Դրամաշուրթը
Որակը
Տպաքանակը

1000 դրամ
արծաթ, 9250
33,6 գ
40,0 մմ (ութանկյուն)
ատամնավոր
պրուֆ
500 հատ

 

Էսքիզների հեղինակն է Հարություն Սամուելյանը:

Հուշադրամը հատվել է Նիդեռլանդների արքայական դրամահատարանում:

 

6.1 «Հայկական բանակի կազմավորման 20-ամյակ» արծաթե հուշադրամի դիմերեսի և դարձերեսի էսքիզները

 

Ներմուծեք նկարագրությունը_1554