ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Ս Ա Հ Մ Ա Ն Ա Դ Ր Ա Կ Ա Ն  Օ Ր Ե Ն Ք Ը

Ընդունված է 2020 թվականի հունվարի 21-ին

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱԿԱՆ ՕՐԵՆՍԳԻՐՔ» ՍԱՀՄԱՆԱԴՐԱԿԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Հայաստանի Հանրապետության դատական օրենսգիրք» 2018 թվականի փետրվարի 7-ի ՀՕ-95-Ն սահմանադրական օրենքի (այսուհետ` Oրենք) 37-րդ հոդվածում՝

1) 1-ին մասից հանել «դատական ծառայություն,» բառերը.

2) 2-րդ մասի 1-ին կետից հանել «, դատական ծառայողների» բառերը.

3) 3-րդ մասից հանել «և դատական» բառերը, իսկ «ծառայություններին» բառը փոխարինել «ծառայությանը» բառով:

Հոդված 2. Օրենքի 61-րդ հոդվածի 3-րդ մասը շարադրել հետևյալ խմբագրությամբ.

«3. Օգնականի պաշտոնը պետական հայեցողական պաշտոն է, որի պաշտոնի նշանակման և պաշտոնից ազատման հետ կապված հարաբերությունները կարգավորվում են «Հանրային ծառայության մասին» օրենքով: Դատավորի օգնականի անմիջական ղեկավարը համապատասխան դատավորն է:»:

Հոդված 3. Օրենքի 67-րդ հոդվածի 3-րդ մասն ուժը կորցրած ճանաչել:

Հոդված 4. Օրենքի 70-րդ հոդվածի 2-րդ մասի 11-րդ կետն ուժը կորցրած ճանաչել:

Հոդված 5. Օրենքի 89-րդ հոդվածի 1-ին մասում՝

1) 33-րդ կետի «դատական ծառայության և» բառերը հանել.

2) 34-րդ և 35-րդ կետերն ուժը կորցրած ճանաչել.

3) 36-րդ և 38-րդ կետերի «դատական ծառայողների և» բառերը հանել.

4) 37-րդ կետի «դատական ծառայողների,» բառերը հանել:

Հոդված 6. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը: