Basic information
Number
N 766-Ն
Type
Որոշում
Act type
Base act (17.07.2003-04.01.2007)
Status
Չի գործում
Source
ՀՀՊՏ 2003.07.16/37(272) Հոդ.666
Enactment organisation
ՀՀ կառավարություն
Enactment date
13.06.2003
Signing organisation
ՀՀ վարչապետ
Signing date
16.06.2003
Ratification organisation
ՀՀ Նախագահ
Ratification date
30.06.2003
Effective date
17.07.2003
Interrupt date
04.01.2007

«Վավերացնում եմ»
Հայաստանի Հանրապետության
Նախագահ Ռ. Քոչարյան
30 հունիսի 2003 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 հունիսի 2003 թվականի N 766-Ն

 

ԵՐԵՎԱՆԻ ՕԼԻՄՊԻԱԿԱՆ ՀԵՐԹԱՓՈԽԻ ՊԵՏԱԿԱՆ ՄԱՐԶԱԿԱՆ ՈՒՍՈՒՄՆԱՐԱՆԻ ԲԱՐՁՐ ԱՌԱՋԱԴԻՄՈՒԹՅՈՒՆ ԵՎ ՄԱՐԶԱԿԱՆ ՎԱՐՊԵՏՈՒԹՅՈՒՆ ՑՈՒՑԱԲԵՐԱԾ ՇՐՋԱՆԱՎԱՐՏՆԵՐԻ ՈՒՍՈՒՄՆԱՌՈՒԹՅՈՒՆԸ ՇԱՐՈՒՆԱԿԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՄԱՅԻՍԻ 20-Ի N 589 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ՈՒ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

 

Հայաստանի Հանրապետության կառավարության 2002 թվականի մայիսի 25-ի N 589 որոշմամբ հաստատված կարգի 2-րդ կետին համապատասխան` Հայաստանի Հանրապետության կառավարությունը որոշում է.

1. Թույլատրել Երևանի օլիմպիական հերթափոխի պետական մարզական ուսումնարանի «0307 ֆիզիկական կուլտուրա և սպորտ» մասնագիտությամբ 2003 թվականի և հաջորդ տարիների` բարձր առաջադիմություն և մարզական վարպետություն ցուցաբերած շրջանավարտներին շարունակել ուսումնառությունը ֆիզիկական կուլտուրայի հայկական պետական ինստիտուտում` համաձայն Հայաստանի Հանրապետության կառավարության 2002 թվականի մայիսի 25-ի N 589 որոշմամբ հաստատված կարգի պահանջների:

2. Հայաստանի Հանրապետության կառավարության 2002 թվականի մայիսի 20-ի «Միջին մասնագիտական ուսումնական հաստատությունների բարձր առաջադիմություն ցուցաբերած շրջանավարտների` համապատասխան բարձրագույն ուսումնական հաստատություններում ուսուցումը շարունակելու կարգը հաստատելու մասին» N 589 որոշման մեջ կատարել հետևյալ փոփոխությունները և լրացումը`

որոշմամբ հաստատված կարգի`

ա) կետերի համարակալման «5» թիվը փոխարինել «4» թվով` հաջորդաբար փոխելով հետագա համարակալումը.

բ) 3-րդ կետում «բ» ենթակետը շարադրել հետևյալ խմբագրությամբ.

«բ) վճարովի հիմունքով` բացառությամբ սույն կարգի 12-րդ կետով սահմանված, ինչպես նաև Հայաստանի Հանրապետության կրթության և գիտության նախարարության ու Հայաստանի Հանրապետության կառավարությանն առընթեր ֆիզիկական կուլտուրայի և սպորտի պետական կոմիտեի համաձայնությամբ` մարզական մասնագիտությունների գծով բարձր առաջադիմություն և մարզական վարպետություն ցուցաբերած շրջանավարտների տեղափոխության դեպքերի».

գ) 4-րդ կետը «շրջանավարտների 10 տոկոսը» բառերից հետո լրացնել «(բացառությամբ մարզական մասնագիտությունների)» բառերով:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 

Հայաստանի Հանրապետության
վարչապետ

 Ա. Մարգարյան
   

2003 թ. հունիսի 16
Երևան

Change History
Changing Act Corresponding incorporation
16.11.2006, N 1760-Ն 04.01.2007, N 766-Ն
Changed acts
Changing Act Corresponding incorporation