Basic information
Number
N 1651-Ն
Type
Որոշում
Act type
Base act (15.01.2004-17.07.2014)
Status
Չի գործում
Source
ՀՀՊՏ 2004.01.14/2(301) Հոդ.14
Enactment organisation
ՀՀ կառավարություն
Enactment date
11.12.2003
Signing organisation
ՀՀ վարչապետ
Signing date
16.12.2003
Ratification organisation
ՀՀ Նախագահ
Ratification date
18.12.2003
Effective date
15.01.2004
Interrupt date
17.07.2014

«Վավերացնում եմ»
Հայաստանի Հանրապետության
Նախագահ Ռ. Քոչարյան
18 դեկտեմբերի 2003 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ


 11 դեկտեմբերի 2003 թվականի N 1651-Ն

 

ԱԶԳԱՅԻՆ ԱՆՎՏԱՆԳՈՒԹՅԱՆ ՄԱՐՄԻՆՆԵՐՈՒՄ ԱՐՏԱԺԱՄՅԱ, ՀԱՆԳՍՏՅԱՆ ԵՎ ՏՈՆ ՕՐԵՐԻ ԾԱՌԱՅՈՒԹՅԱՆ ՀԱՄԱՐ ՀԱՎԵԼԱՎՃԱՐՆԵՐԻ ՎՃԱՐՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

 

Համաձայն «Ազգային անվտանգության մարմիններում ծառայության մասին» Հայաստանի Հանրապետության օրենքի 34-րդ և 35-րդ հոդվածների` Հայաստանի Հանրապետության կառավարությունը որոշում է.

1. Սահմանել ազգային անվտանգության մարմիններում արտաժամյա, հանգստյան և տոն օրերի ծառայության համար հավելավճարների վճարման կարգը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:


Հայաստանի Հանրապետության վարչապետ

 Ա. Մարգարյան


2003 թ. դեկտեմբերի 16
Երևան

  

 


Հավելված

ՀՀ կառավարության 2003 թվականի
դեկտեմբերի 11-ի N 1651-Ն որոշման


Կ Ա Ր Գ

ԱԶԳԱՅԻՆ ԱՆՎՏԱՆԳՈՒԹՅԱՆ ՄԱՐՄԻՆՆԵՐՈՒՄ ԱՐՏԱԺԱՄՅԱ, ՀԱՆԳՍՏՅԱՆ ԵՎ ՏՈՆ ՕՐԵՐԻ ԾԱՌԱՅՈՒԹՅԱՆ ՀԱՄԱՐ ՀԱՎԵԼԱՎՃԱՐՆԵՐԻ ՎՃԱՐՄԱՆ

 

1. Սույն կարգով սահմանվում են օրենքով նախատեսված դեպքերում ազգային անվտանգության մարմիններում արտաժամյա, հանգստյան և տոն օրերի ծառայության համար հավելավճարների վճարման կարգը և պայմանները:

2. Արտաժամյա ծառայության համար ազգային անվտանգության մարմինների ծառայողներին վճարվում է հավելավճար` արտաժամյա ծառայության յուրաքանչյուր մեկ ժամվա համար տվյալ ծառայողի դրամական բավարարման մեկ տոկոսի չափով:

3. Հանգստյան և տոն օրերի ծառայության համար ազգային անվտանգության մարմինների ծառայողներին վճարվում է հավելավճար` ծառայության յուրաքանչյուր ժամի համար տվյալ ծառայողի դրամական բավարարման 2 տոկոսի չափով:

4. Արտաժամյա, հանգստյան և տոն օրերի ծառայության համար, ազգային անվտանգության մարմինների ծառայողների ցանկությամբ, սույն կարգի 2-րդ և 3-րդ կետերում նշված հավելավճարների փոխարեն տրամադրվում են համապատասխան քանակի հանգստյան օրեր (ժամեր):

5. Սույն կարգով սահմանված վճարումները կատարվում են ամիսը մեկ անգամ` ազգային անվտանգության մարմինների ծառայողների արտաժամյա, հանգստյան և տոն օրերի ծառայության տվյալ ամսվան հաջորդող ամսվա ընթացքում:

Հայաստանի Հանրապետության
կառավարության աշխատակազմի
ղեկավար-նախարար

 Մ. Թոփուզյան 

Change History
Changing Act Corresponding incorporation
03.07.2014, N 656-Ն 17.07.2014, N 1651-Ն
Changed acts
Changing Act Corresponding incorporation