Basic information
Number
ՀՕ-124-Ն
Type
Օրենք
Act type
Base act (18.04.2023-till now)
Status
Գործում է
Source
Միասնական կայք 2023.04.17-2023.04.30 Պաշտոնական հրապարակման օրը 17.04.2023
Enactment organisation
ՀՀ Ազգային ժողով
Enactment date
22.03.2023
Signing organisation
ՀՀ Նախագահ
Signing date
14.04.2023
Effective date
18.04.2023

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

Օ Ր Ե Ն Ք Ը

 

Ընդունված է 2023 թվականի մարտի 22-ին

 

«ՏԵՍԱԼՍՈՂԱԿԱՆ ՄԵԴԻԱՅԻ ՄԱՍԻՆ» ՕՐԵՆՔՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

 

Հոդված 1. «Տեսալսողական մեդիայի մասին» 2020 թվականի հուլիսի 16-ի ՀՕ-395-Ն օրենքի (այսուհետ` Օրենք) 46-րդ հոդվածը լրացնել հետևյալ բովանդակությամբ 9.1-ին մասով.

«9.1. Սույն հոդվածի 8-րդ և 9-րդ մասերով սահմանված հիմքերով կարգավորող պետական մարմինը որոշում է մրցույթում հաղթող ճանաչված Հեռարձակողներին տրամադրել հանրային մուլտիպլեքսի սլոթի օգտագործման լիցենզիա։»։

 

Հոդված 2. Օրենքի 51-րդ հոդվածի 4-րդ մասը «սույն հոդվածով» բառերից հետո լրացնել «կամ 58-րդ հոդվածի 3-րդ մասի 6-րդ կետով» բառերով։

 

Հոդված 3. Օրենքի 58-րդ հոդվածի 3-րդ մասը՝

1) լրացնել հետևյալ բովանդակությամբ 6-րդ և 7-րդ կետերով.

«6) դատարանի՝ օրինական ուժի մեջ մտած դատական ակտով անվավեր է ճանաչվել սույն օրենքի 46-րդ հոդվածի 9.1-ին մասով մրցույթում հաղթող ճանաչելու և լիցենզիան տրամադրելու որոշումը.

7) օրենքով սահմանվել են լիցենզիայի գործողությունը դադարեցնելու այլ դեպքեր։».

2) լրացնել հետևյալ բովանդակությամբ 7-րդ մասով.

«7. Եթե հանրային մուլտիպլեքսի սլոթի օգտագործման լիցենզիա տալու մասին կարգավորող պետական մարմնի որոշումը դատարանի՝ օրինական ուժի մեջ մտած դատական ակտով ճանաչվել է անվավեր, ապա այդ որոշման անվավեր ճանաչվելու պահին հանրային մուլտիպլեքսի սլոթ օգտագործող Հեռարձակողն իր դիմումի հիման վրա նույն պայմաններով շարունակում է իրականացնել հեռարձակում մինչև օրենքով սահմանված կարգով սլոթի համար նոր մրցույթի արդյունքների ամփոփումը և լիցենզիայի տրամադրումը կամ դրա հիմնավոր մերժումը։»։

 

Հոդված 4. Եզրափակիչ մաս և անցումային դրույթ

1. Սույն օրենքն ուժի մեջ է մտնում պաշտոնական հրապարակմանը հաջորդող օրվանից։

2. Սույն օրենքի 3-րդ հոդվածով սահմանված 58-րդ հոդվածի 7-րդ մասը գործում է մինչև սույն օրենքն ուժի մեջ մտնելը դատարանի՝ օրինական ուժի մեջ մտած դատական ակտով հանրային մուլտիպլեքսի սլոթի օգտագործման լիցենզիա տալու մասին կարգավորող պետական մարմնի որոշումն անվավեր ճանաչված Հեռարձակողի նկատմամբ՝ դիմումի առկայության դեպքում։

 

Հանրապետության նախագահ

 Վ. ԽԱՉԱՏՈՒՐՅԱՆ

 

2023 թ. ապրիլի 14

Երևան

ՀՕ-124-Ն

Պաշտոնական հրապարակման օրը՝ 17 ապրիլի 2023 թվական:

Change History
Changing Act Corresponding incorporation
Changed acts
Changing Act Corresponding incorporation