Basic information
Number
N 2-Ն
Type
Որոշում
Act type
Base act (13.03.2003-01.07.2007)
Status
Չի գործում
Source
ՀՀԳՏ 2003.03.03/5(123) Հոդ.114
Enactment organisation
Էներգետիկայի կարգավորող հանձնաժողով
Enactment date
14.01.2003
Signing organisation
Էներգետիկայի կարգավորող հանձնաժողովի նախագահի տեղակալ
Signing date
14.01.2003
Effective date
13.03.2003
Interrupt date
01.07.2007

«Գրանցված է»

ՀՀ արդարադատության

նախարարության կողմից

11 փետրվարի 2003 թ.

Պետական գրանցման թիվ 60003053

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

ԷՆԵՐԳԵՏԻԿԱՅԻ ԿԱՐԳԱՎՈՐՈՂ ՀԱՆՁՆԱԺՈՂՈՎ

 

14 հունվարի 2003 թ.
ք. Երևան

 N 2-Ն


Ո Ր Ո Շ ՈՒ Մ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿԱՅԻ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2001 ԹՎԱԿԱՆԻ ՄԱՅԻՍԻ 29-Ի N 22 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

 

Հիմք ընդունելով «Էներգետիկայի մասին» Հայաստանի Հանրապետության օրենքի 17-րդ հոդվածի ե) ենթակետը` Հայաստանի Հանրապետության էներգետիկայի կարգավորող հանձնաժողովը որոշում է.

1. Հայաստանի Հանրապետության էներգետիկայի կարգավորող հանձնաժողովի 2001 թվականի մայիսի 29-ի «Էլեկտրական էներգիայի մատակարարման և օգտագործման ժամանակավոր կանոնները հաստատելու մասին» N 22 որոշմամբ հաստատված «Էլեկտրական էներգիայի մատակարարման և օգտագործման ժամանակավոր կանոններում» կատարել հետևյալ փոփոխությունը և լրացումը.

ա) 1-ին կետում «ամրագրված վթարային հզորություն» հասկացության սահմանումը շարադրել հետևյալ խմբագրությամբ.

«Էլեկտրաէներգիայի մատակարարման պայմանագրում ամրագրված այն հզորությունը, որը բավարար է մարդկանց կյանքը և անվտանգությունը, ինչպես նաև շրջակա միջավայրի անվտանգությունն ապահովող էլեկտրասարքավորումների աշխատանքը պայմանագրում ամրագրված ժամկետում ապահովելու համար»:

բ) 21-րդ կետի առաջին նախադասությունից հետո լրացնել հետևյալ պարբերությունը.

«Եթե պայմանագրում ամրագրված են վթարային և (կամ) տեխնոլոգիական հզորությունները, ապա վճարման ժամկետի խախտման դեպքում էլեկտրամատակարարող ընկերությունն իրավունք ունի սահմանափակել սպառողի էլեկտրամատակարարումը մինչև ամրագրված վթարային և (կամ) տեխնոլոգիական հզորությունները` նախապես 3 օրից ոչ պակաս ժամկետում զգուշացնելուց հետո (գրություն, ֆաքս, հեռախոսագիր, էլեկտրոնային փոստ): Վթարային և (կամ) տեխնոլոգիական հզորությունների պայմանագրային ժամկետը լրանալուց հետո էլեկտրամատակարարող ընկերությունն իրավունք ունի դադարեցնել սպառողի էլեկտրամատակարարումը: Էլեկտրամատակարարումը դադարեցվում է դադարեցման ժամի մասին սպառողին գրավոր տեղեկացնելուց հետո:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՀՀ էներգետիկայի
կարգավորող հանձնաժողովի
նախագահի տեղակալ		 Ն. Գրիգորյան

Change History
Changing Act Corresponding incorporation
27.12.2006, N 358-Ն 01.07.2007, N 2-Ն
Changed acts
Changing Act Corresponding incorporation