ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

14 փետրվարի 1994 թ. N 77

Քաղ. Երևան

Հաշվի առնելով Հայաստանի Հանրապետության Նոյեմբերյանի, Իջևանի, Տաուշի, Թումանյանի շրջաններում, Դիլիջան և Ալավերդի քաղաքներում ստեղծված ռազմաքաղաքական և տնտեսական արտակարգ իրավիճակը, և ելնելով տարածաշրջանի պաշտպանունակության բարձրացման, բնակչության ու տնտեսության կենսագործունեության ապահովման անհրաժեշտությունից, Հայաստանի Հանրապետության կառավարությունը որոշում է.

1. Ստեղծել Հայաստանի Հանրապետության կառավարության հանձնաժողով հետևյալ կազմով`

Ռ. Բագոյան		- ՀՀ պետական նախարար (հանձնաժողովի նախագահ)
Վ. Մովսիսյան		- ՀՀ փախստականների հարցերի պետական վարչության պետ (հանձնաժողովի նախագահի տեղակալ)
Ջ. Անանյան		- պատգամավորների Իջևանի շրջխորհրդի գործկոմի նախագահ
Վ. Հայրապետյան		-  ազգային անվտանգության տարածաշրջանային վարչության պետ
Ա. Գալստյան		- ՀՀ առևտրի նախարարի տեղակալ
Դ. Դերձակյան		- ՀՀ կապի նախարարի տեղակալ
Յու. Իշխանյան		- ՀՀ մաքսային վարչության պետի տեղակալ
Վ. Լալայան		- պատգամավորների Ալավերդու քաղխորհրդի գործկոմի նախագահ
Մ. Ծատուրյան		- պատգամավորների Տաուշի շրջխորհրդի գործկոմի նախագահ
Կ. Կազումյան		- ՀՀ պարենի և մթերումների նախարարության վարչության պետ
Գ. Համբարձումյան		- ՀՀ կառավարության գործերի կառավարչության տարածքային կառավարման վարչության գլխավոր մասնագետ (հանձնաժողովի քարտուղար)
Ս. Հարությունյան		- Հայկոոպի վարչության նախագահի տեղակալ
Հ. Հովհաննիսյան		- ՀՀ ՆԳ տարածքային վարչության պետ
Վ. Հովհաննիսյան		- ՀՀ գլխավոր դատախազի տեղակալ
Կ. Ճշմարիտյան		- ՀՀ նյութական ռեսուրսների նախարարի տեղակալ
Ռ. Մարգարյան		- պատգամավորների Թումանյանի շրջխորհրդի գործկոմի նախագահ
Է. Միլիտոնյան		- ՀՀ հեռուստատեսության և ռադիոհաղորդումների պետական վարչության պետի տեղակալ
Վ. Չիլինգարյան		- պատգամավորների Նոյեմբերյանի շրջխորհրդի գործկոմի նախագահ
Հ. Պալյան		- ՀՀ զինվորական դատախազի տեղակալ
Ա. Պետրոսյան		- ՀՀ պաշտպանության նախարարի տեղակալ
Ժ. Պետրոսյան		- պատգամավորների Դիլիջանի քաղխորհրդի գործկոմի նախագահ
Զ. Ջոլուխավա		- ՀՀ պաշտպանության նախարարության տարածաշրջանային զինվորական ոստիկանության պետ
Գ. Սայադյան		- ՀՀ առողջապահության նախարարության բուժպրոֆիլակտիկ վարչության պետական կոլեգիայի անդամ
Վ. Սարդարյան		- ՀՀ շինարարության նախարարի տեղակալ
Դ. Վարդանյան		- ՀՀ արտակարգ իրավիճակների պետական վարչության հյուսիս-արևելյան տարածաշրջանային քաղպաշտպանության շտաբի պետ

2. Հայաստանի Հանրապետության կառավարության հանձնաժողովին`

ա) հրատապ միջոցներ ձեռնարկել Նոյեմբերյանի, Իջևանի, Տաուշի, Թումանյանի շրջաններում, Դիլիջան և Ալավերդի քաղաքներում պաշտպանական և սոցիալ-տնտեսական խնդիրների լուծման, տնտեսական, նյութատեխնիկական, ֆինանսական, մարդկային ռեսուրսների մոբիլիզացման համար.

բ) ապահովել Հայաստանի Հանրապետության նախարարությունների, պետական վարչությունների, գերատեսչությունների, պատգամավորների տեղական խորհուրդների գործկոմների փոխհամաձայնեցված մասնակցությունը տարածաշրջանի պաշտպանության ամրապնդմանը, բնակչության և տնտեսության բնականոն կենսագործունեության համար անհրաժեշտ պայմանների ստեղծմանն ուղղված աշխատանքներին.

գ) համակարգել և տարածաշրջանի պաշտպանության ամրապնդմանը, հանցագործությունների կանխարգելմանն ու դրանց դեմ պայքարին նպատակաուղղել տարածաշրջանային զինվորական ոստիկանության, ներքին գործերի ու ազգային անվտանգության մարմինների գործունեությունը:

3. Հանձնաժողովին` անհրաժեշտ միջոցներ ձեռնարկել և աջակցել տարածաշրջանային մաքսային ծառայությանը նրա գործունեության արդյունավետության բարձրացման, սահմանային առևտրի կարգավորման, անցումային կետերում օրինականության ու պատշաճ կարգուկանոնի ապահովման ուղղությամբ:

4. Սահմանել, որ Հայաստանի Հանրապետության կառավարության հանձնաժողովի` Հայաստանի Հանրապետության օրենսդրությանը չհակասող որոշումները և հրահանգները ենթակա են պարտադիր կատարման պետական կառավարման տեղական մարմինների, ձեռնարկությունների, հիմնարկների, կազմակերպությունների կողմից (անկախ սեփականության ձևից և գերատեսչական ենթակայությունից):

5. Պատգամավորների Իջևանի շրջխորհրդի գործկոմին` հանձնաժողովի գործունեության համար նրա նստավայրում` Իջևան քաղաքում ստեղծել անհրաժեշտ աշխատանքային պայմաններ:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ