ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ

ՆԱԽԱԳԱՀ

«07» ապրիլի 2025 թ.

N 420-Ն

Հ Ր Ա Մ Ա Ն

Հիմք ընդունելով «Նորմատիվ իրավական ակտերի մասին» օրենքի 34-րդ հոդվածի 1-ին մասը՝

Հրամայում եմ`

1. Հայաստանի Հանրապետության կառավարությանն առընթեր պետական եկամուտների կոմիտեի նախագահի 2016 թվականի դեկտեմբերի 30-ի «Շրջանառության հարկի հաշվարկի ձևը և դրա լրացման կարգը հաստատելու մասին» N 299-Ն հրամանի N 1 հավելվածով հաստատված՝

1) Շրջանառության հարկի հաշվարկի ձևի 5.4.2, 6.4.2, 7.4.2 և 9.4.2 կետերում «Իրացման» բառից հետո լրացնել «և վարչական» բառերը.

2) Շրջանառության հարկի հաշվարկի ձևի լրացման կարգի 7-րդ կետը շարադրել հետևյալ խմբագրությամբ.

«7. Հաշվարկի 5.1-ին կետում լրացվում է հաշվետու եռամսյակում առևտրական (առք ու վաճառքի) գործունեությունից ստացվող եկամուտների գումարը։».

3) Շրջանառության հարկի հաշվարկի ձևի լրացման կարգի 10-րդ կետը շարադրել հետևյալ խմբագրությամբ․

«10. Օրենսգրքի 258-րդ հոդվածի 6-րդ մասին համապատասխան՝ հաշվարկի 5.4.1-ին կետում լրացվում է հաշվետու եռամսյակում ձեռք բերված` առևտրական (առք ու վաճառքի) գործունեության առարկա հանդիսացող ապրանքների սկզբնական արժեքը, իսկ հաշվարկի 5.4.2-րդ կետում լրացվում են հաշվետու եռամսյակում կատարված` Օրենսգրքի 121-րդ հոդվածի 7-րդ մասի երրորդ պարբերության 2-րդ կետով սահմանված վարչական ծախսերը և Օրենսգրքի 121-րդ հոդվածի 7-րդ մասի երրորդ պարբերության 3-րդ կետով սահմանված իրացման ծախսերը։ Սույն կետերում չեն լրացվում հիմնական միջոցներ և ոչ նյութական ակտիվներ ձեռք բերելու կամ կառուցելու կամ ստեղծելու կամ մշակելու ծախսերը, հիմնական միջոցների և ոչ նյութական ակտիվների վրա կատարվող կապիտալ և ընթացիկ ծախսերը, հիմնական միջոցների և ոչ նյութական ակտիվների ամորտիզացիոն մասհանումները, հիմնական միջոցների և ոչ նյութական ակտիվների լուծարման ծախսերը, անհատույց ստացված ակտիվների, աշխատանքների և ծառայությունների գծով ծախսերը, գործուղման ծախսերը, ներկայացուցչական ծախսերը։».

4) Շրջանառության հարկի հաշվարկի ձևի լրացման կարգի 19-րդ կետը շարադրել հետևյալ խմբագրությամբ.

«19. Հաշվարկի 6.1-ին կետում լրացվում է հաշվետու եռամսյակում արտադրական գործունեությունից ստացվող եկամուտների գումարը։».

5) Շրջանառության հարկի հաշվարկի ձևի լրացման կարգի 22-րդ կետը շարադրել հետևյալ խմբագրությամբ.

«22. Օրենսգրքի 258-րդ հոդվածի 6-րդ մասին համապատասխան՝ հաշվարկի 6.4.1-ին կետում լրացվում են հաշվետու եռամսյակում կատարված` ապրանքների արտադրության հետ անմիջականորեն կապված ծախսերը, իսկ հաշվարկի 6.4.2-րդ կետում լրացվում են հաշվետու եռամսյակում կատարված` Օրենսգրքի 121-րդ հոդվածի 7-րդ մասի երրորդ պարբերության 2-րդ կետով սահմանված վարչական ծախսերը և Օրենսգրքի 121-րդ հոդվածի 7-րդ մասի երրորդ պարբերության 3-րդ կետով սահմանված իրացման ծախսերը։ Սույն կետերում չեն լրացվում հիմնական միջոցներ և ոչ նյութական ակտիվներ ձեռք բերելու կամ կառուցելու կամ ստեղծելու կամ մշակելու ծախսերը, հիմնական միջոցների և ոչ նյութական ակտիվների վրա կատարվող կապիտալ և ընթացիկ ծախսերը, հիմնական միջոցների և ոչ նյութական ակտիվների ամորտիզացիոն մասհանումները, հիմնական միջոցների և ոչ նյութական ակտիվների լուծարման ծախսերը, անհատույց ստացված ակտիվների, աշխատանքների և ծառայությունների գծով ծախսերը, գործուղման ծախսերը, ներկայացուցչական ծախսերը։».

6) Շրջանառության հարկի հաշվարկի ձևի լրացման կարգի 31-րդ կետը շարադրել հետևյալ խմբագրությամբ.

«31. Հաշվարկի 7.1-ին կետում լրացվում է հաշվետու եռամսյակում հանրային սննդի գործունեությունից ստացվող եկամուտների գումարը։».

7) Շրջանառության հարկի հաշվարկի ձևի լրացման կարգի 34-րդ կետը շարադրել հետևյալ խմբագրությամբ.

«34. Օրենսգրքի 258-րդ հոդվածի 6-րդ մասին համապատասխան՝ հաշվարկի 7.4.1-ին կետում լրացվում են հաշվետու եռամսյակում կատարված` հանրային սննդի ոլորտում իրականացվող գործունեության հետ անմիջականորեն կապված ծախսերը, իսկ հաշվարկի 7.4.2-րդ կետում լրացվում են հաշվետու եռամսյակում կատարված` Օրենսգրքի 121-րդ հոդվածի 7-րդ մասի երրորդ պարբերության 2-րդ կետով սահմանված վարչական ծախսերը և Օրենսգրքի 121-րդ հոդվածի 7-րդ մասի երրորդ պարբերության 3-րդ կետով սահմանված իրացման ծախսերը։ Սույն կետերում չեն լրացվում հիմնական միջոցներ և ոչ նյութական ակտիվներ ձեռք բերելու կամ կառուցելու կամ ստեղծելու կամ մշակելու ծախսերը, հիմնական միջոցների և ոչ նյութական ակտիվների վրա կատարվող կապիտալ և ընթացիկ ծախսերը, հիմնական միջոցների և ոչ նյութական ակտիվների ամորտիզացիոն մասհանումները, հիմնական միջոցների և ոչ նյութական ակտիվների լուծարման ծախսերը, անհատույց ստացված ակտիվների, աշխատանքների և ծառայությունների գծով ծախսերը, գործուղման ծախսերը, ներկայացուցչական ծախսերը, ինչպես նաև խոհարարական արտադրանք չհանդիսացող այլ ակտիվների օտարման դեպքում՝ դրանց սկզբնական արժեքը:».

8) Շրջանառության հարկի հաշվարկի ձևի լրացման կարգի 43-րդ կետը շարադրել հետևյալ խմբագրությամբ.

«43. Հաշվարկի 8.1-րդ կետում լրացվում է հաշվետու եռամսյակում հանրային սննդի գործունեությունից ստացվող եկամուտների գումարը, իսկ 8.4-րդ կետում լրացվում է հաշվետու եռամսյակում հանրային սննդի ոլորտում իրականացվող գործունեության հետ կապված ծախսերի հանրագումարը։».

9) Շրջանառության հարկի հաշվարկի ձևի լրացման կարգի 50-րդ կետը շարադրել հետևյալ խմբագրությամբ.

«50. Հաշվարկի 9.1-ին կետում լրացվում է հաշվետու եռամսյակում այլ գործունեությունից ստացվող եկամուտների գումարը։»

10) Շրջանառության հարկի հաշվարկի ձևի լրացման կարգի 53-րդ կետը շարադրել հետևյալ խմբագրությամբ.

«53. Օրենսգրքի 258-րդ հոդվածի 6-րդ մասին համապատասխան՝ հաշվարկի 9.4.1-ին կետում լրացվում են հաշվետու եռամսյակում կատարված` այլ գործունեության հետ անմիջականորեն կապված ծախսերը, իսկ հաշվարկի 9.4.2-րդ կետում լրացվում են հաշվետու եռամսյակում կատարված` Օրենսգրքի 121-րդ հոդվածի 7-րդ մասի երրորդ պարբերության 2-րդ կետով սահմանված վարչական ծախսերը և Օրենսգրքի 121-րդ հոդվածի 7-րդ մասի երրորդ պարբերության 3-րդ կետով սահմանված իրացման ծախսերը։ Սույն կետերում չեն լրացվում հիմնական միջոցներ և ոչ նյութական ակտիվներ ձեռք բերելու կամ կառուցելու կամ ստեղծելու կամ մշակելու ծախսերը, հիմնական միջոցների և ոչ նյութական ակտիվների վրա կատարվող կապիտալ և ընթացիկ ծախսերը, հիմնական միջոցների և ոչ նյութական ակտիվների ամորտիզացիոն մասհանումները, հիմնական միջոցների և ոչ նյութական ակտիվների լուծարման ծախսերը, անհատույց ստացված ակտիվների, աշխատանքների և ծառայությունների գծով ծախսերը, գործուղման ծախսերը, ներկայացուցչական ծախսերը։»։

2. Սույն հրամանն ուժի մեջ է մտնում պաշտոնական հրապարակման օրվան հաջորդող օրվանից և տարածվում է 2025 հունվարի 1-ից հետո ընկած հաշվետու ժամանակաշրջանների համար ներկայացվող շրջանառության հարկի հաշվարկների մասով:

4/7/2025

Է. ՀԱԿՈԲՅԱՆ

Պաշտոնական հրապարակման օրը՝ 9 ապրիլի 2025 թվական: