ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԱՐՉԱԿԱՆ ՎԵՐԱՔՆՆԻՉ ԴԱՏԱՐԱՆ

Հայաստանի Հանրապետության վարչական դատարանի որոշում	Վարչական գործ թիվ ՎԴ/2434/05/21 2025 թ.
Գործ թիվ ՎԴ/2434/05/21
Նախագահող դատավոր՝  Ռ. Մաքեյան դատավորներ՝ Դ. Դանիելյան Կ. Զարիկյան Ա. Ղազարյան Մ. Համբարձումյան

Ո Ր Ո Շ ՈՒ Մ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Հայաստանի Հանրապետության վարչական վերաքննիչ դատարանը (այսուհետ՝ Վերաքննիչ դատարան) հետևյալ կազմով`

«14» հունվարի 2025թ. ք. Երևան

գրավոր ընթացակարգով քննելով սույն վարչական գործով, ըստ «Քլին Էներջի» ՍՊ ընկերության դիմումի ընդդեմ Հայաստանի Հանրապետության հանրային ծառայությունները կարգավորող հանձնաժողովի՝ 22.04.2015 թվականի թիվ 88-Ն որոշման՝ «Մեթոդիկա» հավելվածի 3-րդ կետի 4-րդ ենթակետի «ա» պարբերությունն անվավեր ճանաչելու պահանջի մասին, ՀՀ վարչական դատարանի 11.12.2023 թվականի որոշման դեմ «Քլին Էներջի» ՍՊ ընկերության /ներկայացուցիչ Շուշանիկ Վարդանյան/ կողմից ներկայացված վերաքննիչ բողոքը,

Ո Ր Ո Շ Ե Ց

1. Սույն գործով դիմող «Քլին Էներջի» ՍՊ ընկերության անունից բերված վերաքննիչ բողոքն ամբողջությամբ բավարարել` Հայաստանի Հանրապետության վարչական դատարանի թիվ ՎԴ/2434/05/21 վարչական գործով 11.12.2023 թվականին կայացրած որոշումն ամբողջությամբ բեկանել և փոփոխել՝ կայացնելով նոր դատական ակտ։

2. «Քլին Էներջի» ՍՊ ընկերության դիմումը՝ Հայաստանի Հանրապետության հանրային ծառայությունները կարգավորող հանձնաժողովի 22.04.2015 թվականի թիվ 88-Ն որոշմամբ հաստատված Հայաստանի Հանրապետության տարածքում վերականգնվող էներգետիկ ռեսուրսների օգտագործմամբ էլեկտրական էներգիա արտադրող կայաններից առաքվող էլեկտրական էներգիայի վաճառքի սակագների հաշվարկման մեթոդիկայի 3-րդ կետի 4-րդ ենթակետի «ա» պարբերությունն անվավեր ճանաչելու պահանջի մասին, ամբողջությամբ բավարարել։

3. Հայաստանի Հանրապետության հանրային ծառայությունները կարգավորող հանձնաժողովի 22.04.2015 թվականի թիվ 88-Ն որոշմամբ /ուժը կորցրել է 2022 թվականի դեկտեմբերի 10-ին/ հաստատված Հայաստանի Հանրապետության տարածքում վերականգնվող էներգետիկ ռեսուրսների օգտագործմամբ էլեկտրական էներգիա արտադրող կայաններից առաքվող էլեկտրական էներգիայի վաճառքի սակագների հաշվարկման մեթոդիկայի 3-րդ կետի 4-րդ ենթակետի «ա» պարբերությունը, դրա հետ հետ համակարգային առումով փոխկապակցված տվյալ նորմատիվ իրավական ակտի այլ դրույթները՝ 3-րդ կետի 2-րդ ենթակետի «ա» պարբերությունում «մեծությանը հավասար» բառերից հետո լրացված «, բացառությամբ սույն կետի 4-րդ ենթակետով նախատեսված դեպքերի» բառերը, ինչպես նաև 3-րդ կետի լրացված 4-րդ ենթակետի «բ» պարբերությունը ճանաչել սույն գործով դիմելու պահին դրանց ոչ իրավաչափ եղած լինելը:

4. Հայաստանի Հանրապետությունից հօգուտ դիմող «Քլին Էներջի» ՍՊ ընկերության բռնագանձել 3.000 (երեք հազար) ՀՀ դրամ՝ որպես Հայաստանի Հանրապետության վարչական դատարանում նախապես վճարված պետական տուրքի գումարի հատուցում:

5. Հայաստանի Հանրապետությունից հօգուտ դիմող «Քլին Էներջի» ՍՊ ընկերության բռնագանձել 8.000 (ութ հազար) ՀՀ դրամ՝ որպես Հայաստանի Հանրապետության վերաքննիչ վարչական դատարանում նախապես վճարված պետական տուրքի գումարի հատուցում:

6. Հայաստանի Հանրապետության վարչական և վերաքննիչ վարչական դատարաններում դատական մյուս ծախսերի բաշխման հարցը համարել լուծված:

7. Հայաստանի Հանրապետության պետական բյուջեից դիմող «Քլին Էներջի» ՍՊ ընկերությանը ենթակա է վերադարձման ընդհանուր 13.000 (տասներեք հազար) ՀՀ դրամ` որպես սույն գործով դիմում և վերաքննիչ բողոք ներկայացնելու համար ավել վճարված պետական տուրքի գումար:

8. Դատական ծախսերի հատուցման վճարումը պետք է կատարվի դատական ծախսերի բաշխման հարցը լուծող դատական ակտի օրինական ուժի մեջ մտնելուց ոչ ուշ, քան 10 օր հետո, որի չկատարման դեպքում այն ենթակա է կատարման «Դատական ակտերի հարկադիր կատարման մասին» օրենքով սահմանված կարգով։

9. Սույն որոշումն օրինական ուժի մեջ է մտնում դատական իշխանության պաշտոնական կայքում հրապարակելու օրվանից մեկ ամիս հետո և նույն ժամկետում կարող է բողոքարկվել Հայաստանի Հանրապետության վճռաբեկ դատարան:

Նախագահող դատավոր	Ա. Առաքելյան
Դատավոր	Ռ. ՄԱԽՄՈՒԴՅԱՆ
Դատավոր Դատավոր	Ս. ՀՈՎԱԿԻՄՅԱՆ Ա. ՊՈՂՈՍՅԱՆ
Դատավոր	Հ. ԽԱՉԱՏՐՅԱՆ

Պաշտոնական հրապարակման օրը՝ 7 հուլիսի 2025 թվական: