ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Ընդունված է 2025 թվականի հուլիսի 3-ին

ՎԱՐՉԱԿԱՆ ԻՐԱՎԱԽԱԽՏՈՒՄՆԵՐԻ ՎԵՐԱԲԵՐՅԱԼ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՍԳՐՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. 1985 թվականի դեկտեմբերի 6-ի Վարչական իրավախախտումների վերաբերյալ Հայաստանի Հանրապետության օրենսգրքի (այսուհետ՝ Օրենսգիրք) ամբողջ տեքստում «Մրցակցության պաշտպանության հանձնաժողով» բառերը համապատասխան հոլովաձևերով փոխարինել «Մրցակցության և սպառողների շահերի պաշտպանության հանձնաժողով» բառերով:

Հոդված 2. Օրենսգրքի 37-րդ հոդվածի 8-րդ մասում ««Տնտեսական մրցակցության պաշտպանության մասին» օրենքով» բառերը փոխարինել ««Տնտեսական մրցակցության և սպառողների շահերի պաշտպանության մասին» օրենքով» բառերով, իսկ ««Տնտեսական մրցակցության պաշտպանության մասին» Հայաստանի Հանրապետության օրենքի» բառերը՝ ««Տնտեսական մրցակցության և սպառողների շահերի պաշտպանության մասին» օրենքի» բառերով:

Հոդված 3. Օրենսգրքի 158-րդ հոդվածի 20-րդ և 26-րդ մասերն ուժը կորցրած ճանաչել:

Հոդված 4. Օրենսգրքի 171.8-րդ հոդվածում՝

1) վերնագիրը «ոչ ամբողջական» բառերից հետո լրացնել «կամ ապակողմնորոշիչ» բառերով.

2) 1-ին և 2-րդ մասերը «ոչ ամբողջական» բառերից հետո լրացնել «կամ ապակողմնորոշիչ» բառերով:

Հոդված 5. Օրենսգրքի 302-րդ հոդվածի 1-ին մասում «158-րդ հոդվածի երկրորդ և քսաներորդ մասերի,» բառերը փոխարինել «158-րդ հոդվածի երկրորդ մասի,» բառերով։

Հոդված 6. Սույն օրենքն ուժի մեջ է մտնում 2025 թվականի օգոստոսի 1-ից:

Հանրապետության նախագահ	Վ. Խաչատուրյան
2025 թ. հուլիսի 14 Երևան ՀՕ-210-Ն

Պաշտոնական հրապարակման օրը՝ 15 հուլիսի 2025 թվական: