Basic information
Number
N Ն-0427-I
Type
Որոշում
Act type
Base act (21.10.1991-04.01.2007)
Status
Չի գործում
Source
ՀՀԳԽՏ 1991.10.31/20(100) Հոդ.435
Enactment organisation
Գերագույն խորհուրդ
Enactment date
21.10.1991
Signing organisation
Գերագույն խորհրդի նախագահ
Signing date
21.10.1991
Effective date
21.10.1991
Interrupt date
04.01.2007

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՈՒՐԴ

 

Ո Ր Ո Շ ՈՒ Մ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԱԽԱԳԱՀԻ ԳՈՐԾՈՒՆԵՈՒԹՅԱՆ ԵՎ ԱՆՎՏԱՆԳՈՒԹՅԱՆ ՊԵՏԱԿԱՆ ԱՊԱՀՈՎՄԱՆ ՈՒ ՍՊԱՍԱՐԿՄԱՆ ՄԱՍԻՆ

 

Հայաստանի Հանրապետության կառավարության նախագահի լիազորությունների արդյունավետ իրականացումն ապահովելու նպատակով Հայաստանի Հանրապետության Գերագույն խորհուրդը որոշում է.

1. Սահմանել Հայաստանի Հանրապետության կառավարության նախագահի գործունեության և անվտանգության պետական ապահովման ու սպասարկման հետևյալ պայմանները և ծառայությունները`

նստավայր Երևանում (Կառավարական տուն).

ծառայողական բնակարան Երևանում («Հրազդան - 1»).

պետական ամառանոց Սևանում և Դիլիջանում.

աշխատավարձ` ամսական 2300 ռուբլու չափով. /ուժը կորցրել է 02.10.92 որոշում/

անվտանգության ապահովում` դրվում է Հայաստանի Հանրապետության նախագահին ենթակա հատուկ ստորաբաժանման վրա:

2. Հայաստանի Հանրապետության կառավարության նախագահի ընտանիքը օգտվում է Հայաստանի Հանրապետության կառավարության նախագահի գործունեության և անվտանգության ապահովման ու սպասարկման պետական ծառայություններից:

3. Կենսաթոշակի անցնելիս Հայաստանի Հանրապետության կառավարության նախագահի համար, բացառությամբ այն դեպքերի, երբ նա պաշտոնանկ է արվում, սահմանվում է հատուկ թոշակ` աշխատավարձի 60 տոկոսի չափով, Հայաստանի Հանրապետության Նախարարների խորհրդի կողմից սահմանված կարգով տրվում է պետական ամառանոցից և ավտոտրանսպորտից օգտվելու իրավունք:

 

 

Հայաստանի Հանրապետության Գերագույն խորհրդի նախագահ Լ. Տեր-Պետրոսյան

Հայաստանի Հանրապետության Գերագույն խորհրդի քարտուղար		 Ա. Սահակյան


21 հոկտեմբերի 1991 թվականի,
քաղ. Երևան
N Ն-0427-I

  

Change History
Changing Act Corresponding incorporation
28.11.2006, ՀՕ-199-Ն 04.01.2007, N Ն-0427-I
Changed acts
Changing Act Corresponding incorporation