Basic information

Number

N 573

Type

Որոշում

Act type

Base act (11.10.1998-27.07.2002)

Status

Չի գործում

Source

ՀՀՊՏ 1998.10.01/24(57)

Enactment organisation

ՀՀ կառավարություն

Enactment date

18.09.1998

Signing organisation

ՀՀ վարչապետ

Signing date

18.09.1998

Ratification organisation

ՀՀ Նախագահ

Ratification date

18.09.1998

Effective date

11.10.1998

Interrupt date

27.01.2005

«Վավերացնում եմ»
Հայաստանի Հանրապետության
Նախագահ Ռ. Քոչարյան
18 սեպտեմբերի 1998 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

18 սեպտեմբերի 1998 թվականի N 573
քաղ. Երևան

ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ, ՀԻՄՆԱՐԿՆԵՐԻ, ԿԱԶՄԱԿԵՐՊՈՒԹՅՈՒՆՆԵՐԻ ԼՈՒԾԱՐՄԱՆ ԵՎ (ԿԱՄ) ՄԱՍՆԱՎՈՐԵՑՄԱՆ (ՍԵՓԱԿԱՆԱՇՆՈՐՀՄԱՆ) ԴԵՊՔՈՒՄ ՀԱՅԱՍՏԱՆԻ ԱԶԳԱՅԻՆ ԱՐԽԻՎԱՅԻՆ ՖՈՆԴԻ ՓԱՍՏԱԹՂԹԵՐԸ ՊԵՏԱԿԱՆ ԱՐԽԻՎՆԵՐ ՀԱՆՁՆԵԼՈՒ ԿԱՐԳԻ ՄԱՍԻՆ

«Հայաստանի ազգային արխիվային ֆոնդի մասին» Հայաստանի Հանրապետության օրենքի 4 հոդվածին համապատասխան, Հայաստանի Հանրապետության կառավարությունը որոշում է.

Հաստատել պետական ձեռնարկությունների, հիմնարկների, կազմակերպությունների լուծարման և (կամ) մասնավորեցման (սեփականաշնորհման) դեպքում Հայաստանի ազգային արխիվային ֆոնդի փաստաթղթերը պետական արխիվներ հանձնելու կարգը (կցվում է):

Հայաստանի Հանրապետության վարչապետ
Ա. Դարբինյան

Հաստատված է
ՀՀ կառավարության 1998 թվականի
սեպտեմբերի 18-ի N 573 որոշմամբ

Կ Ա Ր Գ

1. Պետական ձեռնարկությունների, հիմնարկների, կազմակերպությունների (այսուհետև` կազմակերպություն) լուծարման դեպքում լուծարքային հանձնաժողովը պարտավոր է սահմանված ժամկետում ապահովել մինչև լուծարման օրը կազմակերպության գործունեությամբ առաջացած փաստաթղթերի կարգավորման աշխատանքների իրականացումը:

Փաստաթղթերի կարգավորման ավարտից հետո հանձնվում են`

ա) Հայաստանի ազգային արխիվային ֆոնդի փաստաթղթերը` համապատասխան պետական արխիվ.

բ) անձնակազմի վերաբերյալ և գործավարությամբ չավարտված գործերն ու ժամանակավոր պահպանման ենթակա փաստաթղթերը` վերադաս մարմնի արխիվ, իսկ վերադաս մարմնի բացակայության դեպքում` տեղական ինքնակառավարման մարմնի արխիվ:

2. Կազմակերպության մասնավորեցման (սեփականաշնորհման) դեպքում համապատասխան պետական կառավարման մարմինը պարտավոր է սահմանված ժամկետում ապահովել մինչև մասնավորեցումը (սեփականաշնորհումը) կազմակերպության գործունեությամբ առաջացած փաստաթղթերի կարգավորման աշխատանքների իրականացումը:

Փաստաթղթերի կարգավորման ավարտից հետո հանձնվում են`

ա) Հայաստանի ազգային արխիվային ֆոնդի փաստաթղթերը` համապատասխան պետական արխիվ.

բ) անձնակազմի վերաբերյալ և գործավարությամբ չավարտված գործերն ու ժամանակավոր պահպանման ենթակա փաստաթղթերը` իրավահաջորդին (մասնավորեցված (սեփականաշնորհված) կազմակերպությանը):

Change History

Changing Act		Corresponding incorporation
30.12.2004, N 1881-Ն		27.01.2005, N 573
13.06.2002, N 847-Ն		27.07.2002, N 573

Changed acts

Changing Act		Corresponding incorporation