Հ Ա Մ Ա Ձ Ա Յ Ն Ա Գ Ի Ր
Անկախ Պետությունների Համագործակցության մասնակից պետությունների հիդրոօդերևութաբանական ազգային ծառայությունների ապահովման համար ապրանքների մատակարարման մասին
Սույն Համաձայնագրի մասնակից պետությունների Կառավարությունները, այսուհետ` Կողմեր,
հիմնվելով 1992 թվականի փետրվարի 8-ի՝ «Հիդրոօդերևութաբանության բնագավառում փոխգործակցության մասին» Համաձայնագրի վրա,
հաշվի առնելով Անկախ Պետությունների Համագործակցության մասնակից պետությունների տարածքներում հիդրոօդերևութաբանական սարքերի արտադրության գծով ձեռնարկությունների ձևավորված մասնագիտացումը,
գիտակցելով հիդրոօդերևութաբանական տեղեկությունների և բնական միջավայրի վիճակի մասին տվյալների, այդ թվում տարերային աղետների ժամանակ դիտարկումների համաձայնեցված մեթոդոլոգիայի, հավաքման, տարածման և պահպանման տեխնոլոգիայի պահման, ինչպես նաև համապատասխան պետական ծրագրերի, Համաշխարհային օդերևութաբանական կազմակերպության շրջանակներում միջազգային պարտավորությունների կատարման անհրաժեշտությունը,
համաձայնեցին ներքոհիշյալի մասին.
Հ ո դ վ ա ծ 1
Սույն Համաձայնագրի առարկա են Անկախ Պետությունների Համագործակցության մասնակից պետություններում արտադրվող հիդրոօդերևութաբանական սարքերը, սարքավորումները, դրանց պահեստային մասերը, օդաբանական սպառովի նյութեր (որոնք վերաբերում են հումքային ռեսուրսներին), այսուհետ` ապրանքներ, որոնք օգտագործվում են հիդրոօդերևութաբանական ազգային ծառայությունների կողմից մթնոլորտի, հողի, ջրային ռեսուրսների նկատմամբ օպերատիվ դիտարկումների, համապատասխան տեղեկությունների հավաքի, տարածման և պահպանման ապահովման համար` համաձայն կցվող «Ապրանքային ցանկի»:
Հ ո դ վ ա ծ 2
Արտահանման (ներմուծման) ենթակա ապրանքների ծավալները որոշվում են Անկախ Պետությունների Համագործակցության մասնակից պետությունների հիդրոօդերևութաբանական ազգային ծառայությունների միջև կնքվող երկկողմ պայմանագրերով (կոնտրակտներով):
Սույն Համաձայնագրով նախատեսված պայմաններով արտահանվող (ներմուծվող) ապրանքները պետք է հիդրոօդերևութաբանական ազգային ծառայությունների կողմից օգտագործվեն բացառապես սույն Համաձայնագրի 1-ին հոդվածում նշված նպատակների համար:
Հ ո դ վ ա ծ 3
Սույն Համաձայնագրին համապատասխան, երկկողմ պայմանագրերի (կոնտրակտների) հիման վրա մատակարարվող ապրանքները ազատվում են մաքսային տուրքերից և հարկերից, ինչպես նաև ենթակա չեն լիցենզավորման և քվոտավորման:
Նշված ապրանքների նկատմամբ չեն կիրառվում ազգային օրենսդրության ակտերով տնտեսական քաղաքականության նկատառումներով սահմանված արտահանման (ներմուծման) համար սահմանափակումներ:
Հ ո դ վ ա ծ 4
Մի Կողմի կողմից սույն Համաձայնագրի պայմանները խախտելու փաստեր բացահայտող Կողմը իրավունք ունի նրա նկատմամբ միակողմանի կարգով կիրառել սույն Համաձայնագրի 1-ին հոդվածին համապատասխան օգտագործման ենթակա ապրանքների արտահանման և ներմուծման սակագնային և ոչ սակագնային կարգավորման միջոցներ:
Հ ո դ վ ա ծ 5
Սույն Համաձայնագիրը բաց է Անկախ Պետությունների Համագործակցության այլ մասնակից պետությունների կողմից միանալու համար, որոնք լիովին կիսում են Համաձայնագրի նպատակները և սկզբունքները:
Հ ո դ վ ա ծ 6
Կողմը իրավունք ունի դուրս գալ սույն Համաձայնագրից` ենթադրվող դուրս գալուց առնվազն տասներկու ամիս առաջ իր մտադրության մասին գրավոր ձևով ծանուցելով ավանդապահին` Բելառուսի Հանրապետության կառավարությանը:
Հ ո դ վ ա ծ 7
Սույն Համաձայնագիրն ուժի մեջ է մտնում ստորագրման պահից, իսկ Կողմերի համար, որոնց օրենսդրությունը պահանջում է նման համաձայնագրերի վավերացում կամ հաստատում, ավանդապահին իրենց վավերագրերը կամ ծանուցումները ի պահ հանձնման օրվանից:
Կատարված է Մոսկվա քաղաքում 1994 թվականի սեպտեմբերի 9-ին, մեկ բնօրինակով` ռուսերեն: Բնօրինակը պահվում է Բելառուսի Հանրապետության կառավարության արխիվում, որը սույն Համաձայնագիրը ստորագրած յուրաքանչյուր պետությանը կուղարկի դրա հաստատված պատճենը:
Հավելված
Անկախ Պետությունների Համագործակցության
մասնակից պետությունների հիդրոօդերևութաբանական
ազգային ծառայությունների ապահովման համար
ապրանքների մատակարարման մասին
1994 թվականի սեպտեմբերի 9-ի Համաձայնագրին կից
Անկախ Պետությունների Համագործակցության մասնակից պետությունների հիդրոօդերևութաբանական ազգային ծառայությունների ապահովման համար մատակարարվող հիդրոօդերևութաբանական սարքերի, սարքավորումների, դրանց պահեստային մասերի և օդաբանական սպառովի նյութերի
Ա Պ Ր Ա Ն Ք Ա Յ Ի Ն Ց Ա Ն Կ
|
հհ. |
Ապրանքի անվանումը |
Կոդը |
|
1 |
2 |
3 |
|
1. Հիդրոօդերևութաբանական դիտարկումների և աշխատանքների համար սարքեր և սարքավորումներ |
||
|
1.1 |
Երկրաբանական (ներառյալ լուսանկարաչափական), հիդրոգրաֆիկ, օվկիանոսագրական, հիդրոբանական, օդերևութաբանական և երկրաֆիզիկական սարքեր և գործիքներ, հեռաչափեր, ավտոմատ օդերևութաբանական կայաններ |
9015 |
|
1.2 |
Ջերմաչափեր, ծանրաչափեր, խոնավաչափեր, ծանրաչափեր |
9025 |
|
1.3 |
Ներքին այրման մխոցային շարժիչով և կայծային միացմամբ էլեկտրակուտակիչ սարքեր |
8502 20 990 |
|
2. Շրջակա միջավայրի վիճակի նկատմամբ դիտարկման համար սարքեր և սարքավորում |
||
|
2.1 |
Ֆիզիկական և քիմիական անալիզի համար սարքեր և սարքավորումներ |
9027 |
|
2.2 |
Տատանացույցեր, լուսակաչափեր. էլեկտրական մեծությունների չափման և հսկողության համար այլ սարքեր և սարքավորում, ալֆա, բետա, գամմա, ռենտգենյան, տիեզերական և այլ իոնացված ճառագայթումների բացահայտման և չափման համար սարքեր և սարքավորումներ |
9030 |
|
2.3 |
Լաբորատոր ապակե տարաներ` աստիճանանշված կամ ոչ աստիճանանշված, տրամաչափարկված կամ ոչ տրամաչափարկված |
7017 |
|
2.4 |
Հատուկ նշանակության ավտոմեքենաներ (բնական միջավայրի աղտոտման հսկողության համար շարժական լաբորատորիաներ) |
8705 90 900 |
|
2.5 |
Կշեռքներ |
9016 00 100 |
|
2.6 |
Թերմոստատներ |
9032 10 |
|
3. Օդաբանական դիտարկումների համար սարքեր և սպառովի նյութեր |
||
|
3.1 |
Ռադիոլոկացիոն սարքավորում |
8526 |
|
3.2 |
Ուտիչ նատր, կաուստիկ սոդա կարծր վիճակով |
2815 11 000 |
|
3.3 |
Ռետինից փչովի սարքեր (մթնոլորտի զոնդավորման համար ծածկաշերտեր) |
4016 95 000 |
|
3.4 |
Ֆերոսիլիցիում |
7202 29 000 |
|
3.5 |
Ալյումինե փոշի և թեփուկներ |
7603 20 000 |
|
3.6 |
1000 լիտրից պակաս ծավալ ունեցող խտացրած կամ հեղուկ գազի համար սև մետաղներից տարաներ |
7311 00 910 |
|
3.7 |
Օդերևութաբանական այլ սարքեր (ռադիոզոնդեր) |
9015 80 190 |
|
3.8 |
Թուղթ և ստվարաթուղթ, որոնք օգտագործվում են ջերմազգայուն կամ էլեկտրազգայուն թղթի կամ ստվարաթղթի համար որպես հիմք |
4802 20 000 |
|
4. Հիդրոօդերևութաբանական տեղեկատվության հավաքման և տարածման համար սարքավորումներ |
||
|
4.1 |
Էլեկտրական հեռախոսներ և հեռագրակապեր լարային կապի համար |
8517 |
|
4.2 |
Հեռախոսային ինքնապատասխանիչներ |
8520 20 000 |
|
4.3 |
Փոխանցող սարքավորում ռադիոհեռախոսային, ռադիոհեռագրային կապի համար |
8525 |
|
4.4 |
Ընդունող սարքավորում ռադիոհեռախոսային և ռադիոհեռագրային կապի համար |
8527 |
|
5. Պահեստամասեր |
||
|
5.1 |
Էլեկտրակուտակիչներ |
8532 |
|
5.2 |
Էլեկտրական ռեզիստորներ |
8533 |
|
5.3 |
Էլեկտրական և գազալիցքաթափման թեժացման լամպեր |
8539 |
|
5.4 |
Էլեկտրոնային լամպեր |
8540 |
|
5.5 |
Դիոդներ, տրանզիստորներ, կիսահաղորդիչ սարքեր |
8541 |
*Համաձայնագիրը Հայաստանի Հանրապետության համար ուժի մեջ է մտել 1994 թվականի սեպտեմբերի 9-ից: