ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

Հ Ր Ա Մ Ա Ն Ա Գ Ի Ր Ը

ՆԱԽԱԳԱՀԱԿԱՆ ԻՇԽԱՆՈՒԹՅԱՆ ԽՈՐՀՐԴԱՆՇԱՆ ՀԻՄՆԵԼՈՒ ՄԱՍԻՆ

Ղեկավարվելով Հայաստանի Հանրապետության Սահմանադրության 49-րդ և 56-րդ հոդվածներով՝ որոշում եմ.

1. Հիմնել Նախագահական իշխանության խորհրդանշան:

2. Հաստատել`

1) Նախագահական իշխանության խորհրդանշանի նկարագրությունը և գործածման կարգը՝ համաձայն 1-ին հավելվածի,

2) Նախագահական իշխանության խորհրդանշանի ձևը՝ համաձայն 2-րդ հավելվածի:

3. Սահմանել, որ՝

1) Նախագահական իշխանության խորհրդանշանն օգտագործվում է Հայաստանի Հանրապետության նորընտիր Նախագահի պաշտոնի ստանձնման արարողության ժամանակ,

2) Նախագահական իշխանության խորհրդանշանը պահվում է Հայաստանի Հանրապետության Նախագահի նստավայրում:

4. Սույն հրամանագիրն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության Նախագահ	Ս. Սարգսյան
2013 թ. ապրիլի 5 Երևան ՆՀ-57-Ն

Հավելված 1 ՀՀ Նախագահի 2013 թվականի ապրիլի 5-ի ՆՀ-57-Ն հրամանագրի

ՆԱԽԱԳԱՀԱԿԱՆ ԻՇԽԱՆՈՒԹՅԱՆ ԽՈՐՀՐԴԱՆՇԱՆԻ ՆԿԱՐԱԳՐՈՒԹՅՈՒՆԸ ԵՎ ԳՈՐԾԱԾՄԱՆ ԿԱՐԳԸ

Նախագահական իշխանության խորհրդանշանն ունի սկավառակի տեսք, որը շրջափակված է միմյանց հերթագայող երկու ութանիստ բազմանկյունաձև երիզով: Սկավառակի կենտրոնում պատկերված է Հայաստանի Հանրապետության զինանշանը, որի վերին հատվածում պատկերված է ցորենի երկու հասկ, իսկ ներքևում գրված են «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» բառերը:

Նախագահական իշխանության խորհրդանշանը տեղադրվում է Հայաստանի Հանրապետության դրոշի գույների եռագույն ժապավենի վրա:

ՀՀ Նախագահի աշխատակազմի ղեկավար

Վ. Սարգսյան

Հավելված 2 ՀՀ Նախագահի 2013 թվականի ապրիլի 5-ի ՆՀ-57-Ն հրամանագրի

ՆԱԽԱԳԱՀԱԿԱՆ ԻՇԽԱՆՈՒԹՅԱՆ ԽՈՐՀՐԴԱՆՇԱՆԻ

ՁԵՎԸ

ՀՀ Նախագահի աշխատակազմի ղեկավար

Վ. Սարգսյան