Basic information
Number
ՀՕ-140
Type
Օրենք
Act type
Base act (10.02.2001-01.01.2003)
Status
Գործողությունը դադարեցված է
Source
ՀՀՊՏ 2001.01.31/3(135) Հոդ.65
Enactment organisation
ՀՀ Ազգային ժողով
Enactment date
26.12.2000
Signing organisation
ՀՀ Նախագահ
Signing date
16.01.2001
Effective date
10.02.2001
Interrupt date
01.01.2003

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

Օ Ր Ե Ն Ք Ը

 

Ընդունված է 2000 թվականի դեկտեմբերի 26-ին

 

«ԳՈՒՅՔԱՀԱՐԿԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

 

ՀՈԴՎԱԾ 1. «Գույքահարկի մասին» Հայաստանի Հանրապետության օրենքի 26 հոդվածը շարադրել հետևյալ խմբագրությամբ`

«ՀՈԴՎԱԾ 26. Իրավաբանական անձանց շինությունների և ֆիզիկական անձանց հասարակական ու արտադրական նշանակության շինությունների 2000-2001 թվականների գույքահարկի հաշվարկման առանձնահատկությունները`

1. Իրավաբանական անձինք շինությունների մասով 2000-2001 թվականների գույքահարկը հաշվարկում և վճարում են հաշվեկշիռներում (հաշվետվություններում) արժեքային արտահայտությամբ հաշվառված շինությունների մնացորդային արժեքից, բայց ոչ պակաս դրանց սկզբնական (ձեռքբերման) արժեքի քսան տոկոսից:

2. Իրավաբանական անձինք շինությունների 2000 թվականի գույքահարկի եռամսյակային հաշվարկներ չեն ներկայացնում և վճարումներ չեն կատարում, այլ «Գույքահարկի մասին» Հայաստանի Հանրապետության օրենքի 15 և 18 հոդվածներով սահմանված ժամկետներում ներկայացնում են միայն տարեկան հաշվարկներ և վճարում են տարեկան հարկ:

3. Ֆիզիկական անձանց հասարակական ու արտադրական նշանակության շինությունների 2000-2001 թվականների տարեկան գույքահարկը կազմում է`

ա) մետաղական շինությունների համար` երեք հազար դրամ.

բ) այլ հասարակական ու արտադրական նշանակության շինությունների համար` տասը հազար դրամ:»:

 

ՀՈԴՎԱԾ 2. Ուժը կորցրած ճանաչել օրենքի 27 հոդվածը:

 

Հայաստանի Հանրապետության
Նախագահ

 Ռ. Քոչարյան
   

Երևան
16 հունվարի 2001 թ.
ՀՕ-140