Անկախ Պետություների Համագործակցության

Ք Ա Ղ Ա Ք Ա Շ Ի Ն Ա Կ Ա Ն  Խ Ա Ր Տ Ի Ա

Սույն Քաղաքաշինական խարտիայի մասնակից պետությունները, ի դեմս Կառավարությունների (այսուհետ` Կողմեր),

գիտակցելով Անկախ Պետությունների Համագործակցության բնակելի վայրերի հաստատուն զարգացմանը և սոցիալ-տնտեսական խնդիրների ու շրջակա միջավայրի և բնառեսուրսային պոտենցիալի էկոլոգիական վերականգնման և պահպանման խնդիրների բալանսավորված լուծումը ապահովող տարածքների բարելավմանն անցնելու անհրաժեշտությունը,

լինելով համոզված, որ քաղաքաշինության և բնակելի վայրերի ճարտարապետության և կենսունակության նյութատարածքային միջավայրի ամբողջության ոլորտում քաղաքականության ձևավորման և իրականացման հիմնական ուղղությունները թելադրված են Համագործակցության պետությունների ժողովուրդների ամենօրյա շահերից, համապատասխան նորմատիվ-իրավական բազայի ձևավորման և կատարելագործման անհրաժեշտությամբ,

նկատի առնելով‚

«XXI դարի օրակարգ» գործողությունների ծրագիրը (բնակելի վայրերի հաստատուն զարգացման մասով), որն ընդունվել է շրջակա միջավայրի և զարգացման հարցերով ՄԱԿ-ի Միջազգային կոնֆերանսի ժամանակ (Ռիո դե Ժանեյրո, 1992 թվական),

«Բնակավայրերի հարցերով Ստամբուլի Հռչակագիրը» և «ՀԱԲԻԹԱԹ-ի օրակարգը», որոնք ընդունվել են բնակավայրերի հաստատուն զարգացման հարցերով ՀԱԲԻԹԱԹ II ՄԱԿ-ի Միջազգային կոնֆերանսի ժամանակ (Ստամբուլ, 1996 թվական),

«Բնակավայրերի հարցերով ՄԱԿ-ի Հանձնաժողովի հանդիպումների նյութերը» (Նայրոբի, 1997 թվական) և ԵՏԿ բնակավայրերի հարցերով Կոմիտեի նստաշրջանների նյութերը (Ժնև, 1996 և 1997թթ..),

«ՄԱԿ-ի ԵՏԿ բնակավայրերի հաստատուն զարգացման պլանավորման ղեկավար սկզբունքները» (1996 թվական) և ԵՏԿ բնակավայրերի հարցերով Կոմիտեի դիտարկումը «ԵՏԿ տարածաշրջանում բնակավայրերի հաստատուն զարգացման համար» (1996 թվական),

ղեկավարվելով ԱՊՀ մասնակից պետությունների բազմակողմ համագործակցության շրջանակներում ստորագրված փաստաթղթերով,

ընդունեցին սույն Քաղաքաշինական խարտիան, որը որոշում է Համագործակցության պետությունների բնակավայրերի հաստատուն զարգացման և տարածքների բարեկարգման ղեկավար սկզբունքները, նպատակները, հիմնական ուղղությունները և խնդիրները, ինչպես նաև Քաղաքաշինական խարտիայի իրականացման ուղղությամբ Կողմերի համատեղ գործողությունները:

1. Բնակավայրերի հաստատուն զարգացման և տարածքների բարեկարգման ղեկավար սկզբունքները

Կողմերը, որպես ղեկավար, ճանաչում են բնակավայրերի հաստատուն զարգացման և տարածքների բարեկարգման հետևյալ սկզբունքները.

ինքնավարությունը և ժողովրդավարությունը, որոնք ապահովում են յուրաքանչյուր ժողովրդի իրավունքը զարգացման իրենց ուղու` հաշվի առնելով համաշխարհային հանրության կողմից ընդունված ընդհանուր շահերն ու նպատակները,

հասարակության սոցիալական, տնտեսական և էկոլոգիական զարգացման բալանսավորվածությունը, որը ապահովում է մարդու կենսունակության կայունությունը,

անվտանգությունը, որը որոշում է յուրաքանչյուր մարդու իրավունքը՝ ապրելու իր կյանքի և առողջության համար սոցիալապես և էկոլոգիապես անվտանգ միջավայրում, միջավայրի մարդասիրությունը, որն ապահովում է ճարտարապետությունում և քաղաքաշինությունում ազգային և էթնիկ մշակութային սովորույթների և առանձնահատկությունների զարգացումը:

2. Բնակավայրերի հաստատուն զարգացման և տարածքների բարեկարգման նպատակները

Կողմերը ներկայիս սերնդի կյանքի պայմանների լավացման նպատակներով, առանց ապագա սերունդների կարիքներին վնասելու, որոշեցին բնակավայրերի հաստատուն զարգացման և տարածքների բարեկարգման հետևյալ նպատակները.

պետությունների քաղաքակենտրոնացված և միջբնակեցված քաղաքային, գյուղական և այլ բնակավայրերի համալիր զարգացում և էկոլոգիական վերականգնում,

բնակչության բնակարանային ապահովվածության և ապրելու պայմանների բարելավում,

սոցիալական ենթակառուցվածքի համակարգերի կատարելագործում, ներառյալ՝ բնակչության ժամանակակից հանգստի տեղերի և առողջացման համակարգերի կազմակերպումը,

էկոլոգիապես անվտանգ արդյունաբերական, տրանսպորտային և ինժեներատեխնիկական ենթակառուցվածքների ձևավորում,

յուրաքանչյուր ժողովրդի պատմամշակութային ժառանգության օբյեկտների պահպանում և վերածնունդ,

հողօգտագործման կարգավորման ընթացակարգերի կատարելագործում:

3. Բնակավայրերի հաստատուն զարգացման և տարածքների բարեկարգումն ապահովելու գործում համագործակցության հիմնական ուղղությունները

Կողմերը, որպես բնակավայրերի հաստատուն զարգացման և տարածքների բարեկարգման հիմնական ուղղություններ, ներկայիս փուլում սահմանել են հետևյալը.

մարդու կյանքի և առողջության համար անվտանգ միջավայրի ստեղծում քաղաքաշինական միջոցներով, ինչը նպաստում է նրա ֆիզիկական և հոգեկան զարգացմանը, համարժեք է պետությունների սոցիալ-տնտեսական և մշակութային զարգացման պրոգրեսիվ տենդենցներին,

բնակեցման համակարգերի կատարելագործում, որոնք իրագործվում են՝ հաշվի առնելով էթնիկ և ազգային սովորույթները,

հողային միջոցների ռացիոնալ օգտագործում՝ Համագործակցության մասնակից պետությունների ռազմավարությանը համապատասխան, որն արտացոլվում է հողային օրենսդրությունում և հողօգտագործման մասին նորմատիվ-իրավական ակտերում,

քաղաքների և նրանց հարող տարածքների զարգացման ապահովում՝ արտադրական, սոցիալական, տրանսպորտային և ինժեներատեխնիկական ենթակառույցների կատարելագործման խնդիրների արդյունավետ և համալիր լուծում, շրջակա միջավայրի օպտիմալացում և էկոլոգիական վերանորոգում անցկացնելու հաշվին,

բնակավայրերի տարածային կազմակերպման կատարելագործում, դրանց ճարտարապետական տեսքի, շինությունների էսթետիկական որակների բարձրացում, դրանց բարեկարգումն ու կանաչապատումը,

առավելապես «մաքուր տեխնոլոգիաների կիրառում» բնակավայրերի հաստատուն զարգացման նոր տեխնոլոգիաների կիրառման և տարածքների բարեկարգման ժամանակ,

Համագործակցության մասնակից պետությունների քաղաքացիների (բնակչության) բնակարանային ապահովվածության բարելավում ժամանակակից ինժեներատեխնոլոգիական սարքավորումներով, բարձր էկոլոգիական անվտանգությամբ և ապրելու պայմանների հարմարավետությամբ՝ շենքերի կառուցման միջոցով,

չքավորներին և այլ սոցիալապես պաշտպանվող բնակչության խմբերին բնակարաններով ապահովում, կառույցի վերանորոգում և արդիականացում, որոնք ապահովում են բնակչության կյանքի չափանիշների պահպանումը,

բնակչության սոցիալական սպասարկման համակարգերի զարգացում և կատարելագործում,

բարձր բնակլիմայական և ինժեներաերկրաբանական պայմաններով լեռնային, անապատային, սեյսմավտանգավոր և այլ տարածքների յուրացման և կառուցման մասին քաղաքաշինական և ինժեներատեխնիկական որոշումների կատարելագործում,

գյուղական վայրերում աշխատանքի և կենցաղի բարենպաստ պայմանների ապահովում, ծառայությունների ոլորտի զարգացում, այդ բնակավայրերի քաղաքների (կենտրոնների) հետ և միմյանց միջև տրանսպորտային և տեղեկատվական կապերի կատարելագործում,

բնակավայրերի ինժեներատեխնոլոգիական ապահովման էներգաարդյունավետ համակարգերի կիրառում, էկոլոգիապես մաքուր և անվտանգ տեղային և ոչ տրադիցիոն էներգիայի աղբյուրների օգտագործում (քամու, արևային, գեոտերմալ և այլն),

բնակչությանը բավարար քանակությամբ խմելու ջրով ապահովելու համար ջրամատակարարման և ջրահեռացման համակարգերի արդիականացում, խմելու ջրի որակի և կեղտաջրերի մաքրման որակի բարձրացում՝ ոչ արտադրական ռեսուրսային կորուստների մինիմալացման հետ մեկտեղ,

սեփականության բոլոր ձևերի ձեռնարկությունների, հատկապես փոքր և միջին բիզնեսի զարգացման համար պայմանների ձևավորում, աշխատանքային տեղերի ստեղծում՝ բնակչության սոցիալական կազմին և քանակին որակապես և քանակապես համարժեք,

արտադրական գոտիների զարգացման և արդյունաբերական համալիրների զարգացման ապահովում, առկա բնական նյութական և մարդկային միջոցներով, նորագույն և գիտատարողունակ տեխնոլոգիաների, էներգիայի էկոլոգիապես անվտանգ աղբյուրների ռացիոնալ օգտագործմամբ,

կենցաղային պինդ և արդյունաբերական թափոնների հավաքման, հեռացման և վնասազերծման համակարգի կատարելագործում՝ ներառյալ թունավոր և դժվար վերամշակվողները,

բնակավայրերի բնակկոմունալ տնտեսության գործունեության արդյունավետության կատարելագործում և բարձրացում,

որպես հասարակության ազգային սեփականության ճարտարապետություն՝ պատմության և մշակույթի հուշարձանների պահպանում, վերականգնում և ռացիոնալ օգտագործում, էկոլոգիական զբոսաշրջության զարգացում,

բնական լանդշաֆտների պահպանություն և բնապահպանական տարածքների համակարգերի ստեղծում, բնական ռեսուրսների էկոլոգիական վերանորոգմամբ քաղաքակենտրոնացված և միջբնակեցված տարածքներում բնական և վերականգնված լանդշաֆտների առավելագույնս օգտագործման դեպքում,

քաղաքաշինական մեթոդների և միջոցների օգտագործում քաղաքակենտրոնացված տարածքների բնական և տեխնածին աղետների բացասական հետևանքների նախազգուշացման և նվազեցման նպատակով,

խոշոր և խոշորագույն քաղաքների (քաղաք-մետրոպոլի) քաղաքաշինական զարգացման կառավարման կատարելագործում՝ դրանց շրջապատող ագլոմերացիաներով և քաղաքակենտրոնացված տարածքներով:

4. Բնակավայրերի հաստատուն զարգացմանն անցնելու և տարածքների բարեկարգման հիմնական խնդիրները

Կողմերը ներկայիս փուլում, որպես բնակավայրերի հաստատուն զարգացման և տարածքների բարեկարգմանն անցնելու հիմնական խնդիրներ, որոշել են հետևյալը.

4.1. Ազգային և միջպետական նորմատիվ-իրավական փաստաթղթերի համակարգի ստեղծում, որն ապահովում է քաղաքաշինական գործունեության կարգավորումը ազգային, տարածաշրջանային և տեղական մակարդակներով, որոնք ուղղված են.

բնակավայրերի հաստատուն զարգացման ղեկավար սկզբունքների իրագործմանն անցնելու իրավական ապահովմանը, քաղաքաշինական միջոցներով բնակեցման համակարգի և տարածքների բարեկարգմանը,

քաղաքաշինական գործունեության պետական կառավարման մարմինների բոլոր մակարդակների և այլ սուբյեկտների իրավունքների, պարտավորությունների և պատասխանատվության օրենսդրական կանոնակարգմանը,

քաղաքաշինությունում պետության կողմից երաշխավորված սոցիալական չափանիշի օրենսդրական ամրապնդմանը,

քաղաքային, գյուղական և այլ բնակավայրերի, ինչպես նաև միջբնակեցված տարածքների օգտագործման նորմատիվ-իրավական կանոնակարգմանը,

քաղաքաշինական և տարածքային պաշարների ռացիոնալ օգտագործմանը,

սոցիալական, արտադրական, տրանսպորտային և ինժեներատեխնիկական ենթակառուցվածքների զարգացմանը,

բնական և պատմամշակութային արժեքների պահպանմանը:

4.2 Քաղաքաշինական գործունեության կառավարման համակարգի կատարելագործում.

տարածաշրջանային և տեղական մակարդակներով ճարտարապետական և քաղաքաշինական գործունեության պետական կառավարման մարմինների համակարգի ձևավորման և ամրապնդման հաշվին,

ազգային, տարածաշրջանային և տեղական մակարդակներով պետական կառավարման մարմինների իրավասությունների և գործառույթների ու պատասխանատվության նորմատիվ-իրավական ամրապնդման և սահմանազատման հաշվին,

քաղաքաշինական գործունեությամբ պետական կառավարման մարմինների մեխանիզմի և կազմակերպչական ձևերի կատարելագործման հաշվին,

քաղաքաշինական քաղաքականության ձևավորման և անցկացման միջավայրի էկոլոգիական վերանորոգման և բարենպաստ վիճակի պահպանման գործում տեղական ինքնակառավարման մարմինների դերի և բնակչության դերի ուժեղացման հաշվին:

4.3 Բնակավայրերի զարգացման և տարածքների բարեկարգման երկարաժամկետ ծրագրավորման և կանխատեսման գծով ծրագրերի և նախագծերի մշակում և իրականացում, որոնք ուղղված են.

բնակչության կյանքի մակարդակի և որակի բարձրացմանը բնակավայրերի և տարածքների տարածքային կատարելագործման հաշվին,

բնակչության ապրելակերպի անվտանգ պայմանների ստեղծմանը,

հասարակության սոցիալ-մշակութային կարողության պահպանությանը և զարգացմանը,

բնության պահպանությանը, տարածքների նյութական և բնական պաշարների ռացիոնալ օգտագործմանը՝ տարածքը ըստ զարգացման տարբերակելու հաշվարկով (պաշարային կարողությամբ և սահմանափակումներով),

բնակչության ժողովրդագրության կարողության կայունացմանը և ընդլայնմանը,

քաղաքային, գյուղական, այլ բնակավայրերի և տարածքների էկոլոգիապես կողմնորոշված տարածքային կազմակերպման նոր նմուշներին,

տարածքի բարեկարգման միջպետական, ազգային, տարածաշրջանային և զոնալ ծրագրերին ու նախագծերին:

4.4 Քաղաքաշինական գործունեության տեղեկատվական ապահովման համակարգի ստեղծում, որոնք հիմնված են.

ժամանակակից տեղեկատվական միջոցների և տեխնոլոգիաների օգտագործման վրա,

քաղաքաշինական գործունեության, քաղաքաշինական և տարածքային կադաստրների մասին տեղեկությունների բանկերի ձևավորման վրա,

քաղաքային, բնակելի, սոցիալական, կոմունալ, տրանսպորտային, տարածքային զարգացման և էկոլոգիական անվտանգության ցուցանիշների (ինդիկատորների) միասնական (համաձայնեցված) համակարգի մշակման և գործունեության վրա և դրանց մոնիտորինգի:

4.5 Քաղաքաշինական գործունեությունում կառավարման մարմինների մասնագետների, գիտական, նախագծային և մանկավարժական կադրերի պատրաստման և վերապատրաստման կատարելագործում, որը նախատեսում է.

քաղաքաշինական գործունեության բնագավառում մասնագիտացված, այդ թվում՝ միջպետական, նախապատրաստման և վերապատրաստման կենտրոնների կազմակերպում,

ճարտարապետների, տարածքային պլանավորման մասնագետների, քաղաքաշինական ուղղվածության էկոլոգների և այլ մասնագետների համար միջպետական չափանիշների և ուսման ծրագրերի մշակում,

մասնագետների ուսման ձևերի և մեթոդիկայի բնագավառում փորձի փոխանակում, մեթոդական, տեղեկատվական և ուսումնական գրականության նախապատրաստում և հրապարակում:

5. Քաղաքաշինական խարտիայի իրագործմանն ուղղված համատեղ գործողություններ

Կողմերը հանձնարարում են պետական կառավարման ազգային մարմիններին շինարարական, քաղաքաշինական և ճարտարապետական քաղաքականությամբ ապահովել սույն Քաղաքաշինական խարտիայի իրականացման միջոցով.

քաղաքաշինության և տարածքային զարգացման բնագավառում միջպետական նորմատիվ-իրավական ակտերի ստեղծման գործում փոխգործակցություն և խորհրդակցական աջակցման կազմակերպման,

ազգային և նորմատիվ-իրավական ակտերի և քաղաքաշինության ու Համագործակցության պետությունների տարածքային զարգացման, ազգային և միջպետական տեղեկատվական բանկերի ստեղծման մասին,

Համագործակցության պետությունների բնակավայրերի հաստատուն զարգացման և տարածքների բարեկարգման կառավարման գործիքների և մեխանիզմների մշակման՝ միջազգային կազմակերպությունների կողմից ճանաչված ցուցանիշների (ինդիկատորների) միասնական (համաձայնեցված) համակարգի ադապտացիայի հիման վրա,

տարածքի զարգացման փոխհամաձայնեցված նախագծման, շրջակա միջավայրի պահպանության և էկոլոգիական վերականգնման ապահովում այն հատվածներում, որոնք միջպետական հետաքրքրություն են ներկայացնում, այդ թվում՝ տրանսպորտային հաղորդակցային միջանցքների շինարարության միջպետական ծրագրերի կազմում, միջսահմանային տարածաշրջանների բարելավման և շինարարության այլ օբյեկտների,

մայրաքաղաքների, խոշոր և խոշորագույն քաղաքների (քաղաք-մետրոպոլի) և դրանց հարակից ագլոմերացիաների և քաղաքակենտրոնացված տարածքների զարգացման քաղաքաշինական սկզբունքների սահմանման,

ժամանակակից տեղեկատվական տեխնոլոգիաների, քաղաքաշինական և տարածքային մոնիտորինգի միջոցների և համատեղ համակարգերի ներդրմանը աջակցություն,

Համագործակցության մասնակից պետությունների տեղեկատվայնորեն համատեղելի քաղաքաշինական և տարածքային կադաստրների համակարգի ստեղծման,

գոյություն ունեցող սահմանումների հիման վրա քաղաքաշինական գծով տերմինների և հասկացությունների ազգային և միջպետական բառարանների մշակման,

Համագործակցության մասնակից պետությունների քաղաքաշինության և տարածքային զարգացման հարցերով մասնագետների պատրաստման և վերապատրաստման բնագավառում փորձի փոխանակման համակարգի ստեղծման,

սույն Քաղաքաշինական խարտիայի իրականացումը և զարգացումը ապահովող միջպետական ծրագրերի և նախագծերի մշակում (առաջնային միջպետական փաստաթղթերի ցանկը կցվում է), համաձայնեցված ժամկետներում և հաշվի առնելով Կողմերի շահագրգռվածությունը:

6. Եզրափակիչ դրույթներ

Քաղաքաշինական խարտիան ուժի մեջ է մտնում Կողմերի ստորագրման օրվանից, իսկ այն պետությունների համար, որոնց օրենսդրությունը պահանջում է ներպետական ընթացակարգերի կատարում՝ նման ընթացակարգերի կատարման մասին ավանդապահին ծանուցումը հանձնելու օրվանից:

Քաղաքաշինական խարտիայում, այն ստորագրած Կողմերի համաձայնությամբ, կարող են կատարվել լրացումներ և փոփոխություններ, որոնք հանդիսանում են սույն Քաղաքաշինական խարտիայի անբաժանելի մասը և ուժի մեջ են մտնում վերոհիշյալ ընթացակարգերին համապատասխան:

Յուրաքանչյուր Կողմ կարող է հայտարարել Քաղաքաշինական խարտիայի մասնակիցների կազմից իր դուրս գալու մասին. այդ մասին‚ դուրս գալուց ոչ պակաս, քան 6 ամիս առաջ‚ ավանդապահին գրավոր ծանուցում ուղարկելու միջոցով:

Քաղաքաշինական խարտիան բաց է դրա նպատակները և սկզբունքները կիսող այլ պետությունների կողմից միանալու համար՝ ավանդապահին նման միացման մասին փաստաթղթերը փոխանցելու միջոցով:

Կատարված է Մինսկ քաղաքում, 1999 թվականի հունիսի 4-ին, մեկ բնօրինակով՝ ռուսերեն:

Բնօրինակը պահվում է Անկախ Պետությունների Համագործակցության Գործադիր քարտուղարությունում, որը սույն Քաղաքաշինական խարտիան ստորագրած յուրաքանչյուր պետության կուղարկի դրա հաստատված պատճենը:

Հ ա վ ե լ վ ա ծ

Անկախ Պետությունների Համագործակցության

Քաղաքաշինական խարտիայի

Ց ա ն կ

Քաղաքաշինական խարտիայի իրականացմանն ուղղված առաջնային միջպետական փաստաթղթերի նախագծերի

1. Համագործակցության պետությունների բնակավայրերի հաստատուն զարգացման և տարածքների բարեկարգման Կոնցեպցիաներ:

2. Համագործակցության պետությունների քաղաքաշինական գործունեության առաջնային ուղղություններով համալիր գիտատեխնիկական ծրագիր:

3. Համագործակցության պետությունների բնակավայրերի և տարածքների էկոլոգիական վերանորոգման Կոնցեպցիա՝ կապված համապատասխան զարգացմանն անցնելու հետ:

4. Համագործակցության պետությունների մայրաքաղաքների, խոշոր և խոշորագույն քաղաքների և դրանց հարակից տարածքների զարգացման քաղաքաշինական սկզբունքների Կոնցեպցիա:

5. Գյուղական վայրերի զարգացման հավասարակշռված քաղաքականության ազգային ծրագրերի մշակման մասին, Համագործակցության պետությունների տնտեսության մեջ գյուղական շրջանների նպատակային ներդրման և ինտեգրման ուժեղացման մասին:

6. Համագործակցության պետություններում բնակեցման, տարածքների յուրացման և բարեկարգման ու լեռնային, անապատային, սեյսմիկ և այլ բարդ բնակլիմայական և ինժեներաերկրաբանական պայմաններում բնակավայրերի հաստատուն զարգացմանն անցնելու Կոնցեպցիաների (սխեմաների) ձևավորման և մշակման սկզբունքների մասին Երաշխավորություններ:

7. Առանձին օբյեկտների (համալիրների) շինարարության, սահմանամերձ տարածքների (շրջանների) և Համագործակցության պետությունների անդրսահմանային տրանպորտահաղորդակցային միջանցքների ազդեցության զոնաների գծով փոխադարձ հետաքրքրություն ներկայացնող ծրագրերի և նախագծերի մշակման ու համաձայնեցման կարգի մասին Համաձայնագիր:

8. Համագործակցության պետությունների քաղաքաշինական և տարածքային (հողային) կադաստրների մասին ազգային տեղեկատվական համակարգերի ձևավորման և փոխգործակցության սկզբունքների մասին Կոնվենցիա:

9. Բնակավայրերի հաստատուն զարգացման, տարածքների բարեկարգման և էկոլոգիական վերականգնում իրականացնելու փորձի փոխանակման և ստեղծման ուղղությամբ գործողությունների համակարգման‚ Համագործակցության պետություններում ազգային գեոտեղեկատվական համակարգերի մոնիտորինգի մասին Համաձայնագիր:

10. Համագործակցության պետություններում քաղաքաշինական քաղաքականության անցկացման մասին տվյալների միջպետական բանկի ստեղծման մասին Համաձայնագիր:

11. ԱՊՀ պետություններում բնակարանային քաղաքականության Կոնցեպցիաներ:

12. Համագործակցության պետությունների կողմից բնակչության խմբերի փոխադարձ ճանաչման մասին, որոնք սոցիալական (մունիցիպալ) բնակարանով ապահովելու կարիք ունեն:

13. ԱՊՀ մասնակից պետությունների քաղաքացիների կողմից կատարվող բնակարանային ոլորտում գործողությունների կատարման ընդհանուր սկզբունքների մասին Համաձայնագիր:

14. Բնակարանային շուկայի ձևավորման համար նորմատիվ-իրավական հիմքի և ֆինանսավորման արտաբյուջետային աղբյուրների օգտագործման մեխանիզմների ձևավորման ուղղությամբ Երաշխավորություններ:

15. Քաղաքաշինական գործունեության, Համագործակցության պետություններում պետական քաղաքաշինական և տարածքային կադաստրների ստեղծման և վարման բնագավառում հիմնական (առաջատար) ազգային և միջպետական գիտահետազոտական, նախագծային և ուսումնական կազմակերպությունների Ցանկ:

16. Համագործակցության պետություններում քաղաքաշինական գործունեության ոլորտում կառավարման մարմինների մասնագետների, գիտական, նախագծային և մանկավարժական կադրերի պատրաստման և վերապատրաստման համակարգի մասին Համաձայնագիր:

*Խարտիան Հայաստանի Հանրապետության համար ուժի մեջ է մտել 2001 թվականի փետրվարի 8-ից: