Basic information
Number
N 485
Type
Որոշում
Act type
Base act (22.06.2001-till now)
Status
Գործում է
Source
ՀՀՊՏ 2001.06.12/16(148) Հոդ.452
Enactment organisation
ՀՀ կառավարություն
Enactment date
02.06.2001
Signing organisation
ՀՀ վարչապետ
Signing date
02.06.2001
Ratification organisation
ՀՀ Նախագահ
Ratification date
02.06.2001
Effective date
22.06.2001

«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Ռ. ՔՈՉԱՐՅԱՆ

2 հունիսի 2001 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

2 հունիսի 2001 թվականի N 485

քաղ. Երևան

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ՄԱՐՏԻ 27-Ի N 239 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

 

Հայաստանի Հանրապետության կառավարությունը որոշում է.

Հայաստանի Հանրապետության կառավարության 2001 թվականի մարտի 27-ի «Ժամանակավոր ներմուծում` վերամշակման համար» ռեժիմով ներմուծված ապրանքների վերամշակումից հետո ստացվելիք արդյունքի նվազագույն քանակության սահմանման կարգը և «Ժամանակավոր արտահանում` վերամշակման համար» ռեժիմով արտահանված ապրանքների վերամշակումից հետո ստացվելիք արդյունքի նվազագույն քանակության սահմանման կարգը հաստատելու մասին» N 239 որոշման մեջ կատարել հետևյալ փոփոխությունը`

որոշումը լրացնել հետևյալ բովանդակությամբ նոր պարբերությամբ.

«Սահմանել, որ վերամշակման նպատակով Հայաստանի Հանրապետություն ժամանակավոր ներմուծվող և Հայաստանի Հանրապետությունից ժամանակավոր արտահանվող` մշակված կամ չմշակված, բայց չշրջանակված կամ չամրացված ալմաստի (ապրանքային ծածկագիրն ըստ ԱՏԳ ԱԱ-ի` 7102) և թանկարժեք (բացի ալմաստից) ու կիսաթանկարժեք` մշակված կամ չմշակված, տեսակավորված կամ չտեսակավորված, բայց չշարված, չշրջանակված և չամրացված, չտեսակավորված թանկարժեք (բացի ալմաստից) ու կիսաթանկարժեք` փոխադրման հարմարավետության նպատակով ժամանակավոր շարված քարերի համար (ապրանքային ծածկագիրն ըստ ԱՏԳ ԱԱ-ի` 7103) մաքսային ձևակերպումները թույլատրվում է կատարել «Ներմուծում` ազատ շրջանառության համար» և «Արտահանում` ազատ շրջանառության համար» մաքսային ռեժիմներով»:

 

Հայաստանի Հանրապետության
վարչապետ

 Ա. Մարգարյան