«Գրանցված է»

ՀՀ արդարադատության

նախարարության կողմից

22 նոյեմբերի 2017 թ.

Պետական գրանցման թիվ 10017450

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2013 ԹՎԱԿԱՆԻ ՆՈՅԵՄԲԵՐԻ 1-Ի N 70-Ն ՀՐԱՄԱՆՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Հիմք ընդունելով «Իրավական ակտերի մասին» ՀՀ օրենքի 70-րդ հոդվածի 1-ին մասը, Հայաստանի Հանրապետության կառավարության 2002 թվականի օգոստոսի 15-ի N 1300-Ն որոշման Հավելված 1-ով հաստատված Հայաստանի Հանրապետության առողջապահության նախարարության կանոնադրության 12-րդ կետի «դ» ենթակետը, ՀՀ կառավարության 2017 թ. օգոստոսի 24-ի նիստի N 36 արձանագրային որոշմամբ հաստատված հավելվածի 9-րդ կետը,

1. Հայաստանի Հանրապետության առողջապահության նախարարի 2013 թվականի նոյեմբերի 1-ի «Պետության կողմից երաշխավորված անվճար բժշկական օգնության և սպասարկման շրջանակներում երեխաների բժշկական օգնության և սպասարկման կազմակերպման չափորոշիչը հաստատելու մասին» N 70-Ն հրամանի (այսուհետ` Հրաման) 59-րդ կետից հետո լրացնել նոր` 591 կետ հետևյալ բովանդակությամբ.

«591. Հայաստանի մարզերում գործող մարզադպրոցների սաների կանխարգելիչ զննումների իրականացման նպատակով երեխայի հսկողությունն իրականացնող ամբուլատոր-պոլիկլինիկական բուժհաստատության կողմից տարին 2 անգամ կազմակերպվում է մանկաբույժի/ընտանեկան բժշկի և 4 նեղ մասնագետի (սրտաբան, նյարդաբան, քիթ-կոկորդ-ականջաբան, ակնաբույժ) զննում, էլեկտրասրտագրության (ԷՍԳ) հետազոտություն (տարին 1 անգամ): Ըստ բժշկական ցուցումների կարող են իրականացվել այլ մասնագետների խորհրդատվություն և լաբորատոր-գործիքային քննություններ: Երեխայի առողջության վիճակի գնահատման արդյունքները ամփոփվում են Երեխայի բուժհսկողության քարտում, միաժամանակ լրացվում է ամփոփաթերթ (հավելված 26), որը տրամադրվում է` համապատասխան մարզադպրոց ներկայացնելու համար:»։

2. Ուժը կորցրած ճանաչել Հրամանի հավելվածի 61-րդ կետի առաջին և երկրորդ ենթակետերը:

3. Հրամանի հավելվածի 97, 98, 99-րդ կետերում «Օշական» մանկական վերականգնողական կենտրոն» փակ բաժնետիրական ընկերություն» բառերը իրենց հոլովաձևերով փոխարինել «Արմենակ և Աննա Թադեոսեանների բժշկական կենտրոն-հիմնադրամ» բառերով՝ իրենց հոլովաձևերով:

4. Հրամանի հավելվածի 99-րդ կետում «107» թիվը փոխարինել «108»-ով:

5. Ուժը կորցրած ճանաչել Հրամանի հավելվածի 124-րդ կետի յոթերորդ ենթակետը:

6. Հրամանի հավելվածի հավելված 1-ով հաստատված «Առողջ երեխայի բժշկական օգնության և սպասարկման ծավալները» աղյուսակի «6 տարեկան» և «12 տարեկան» տողերում հանել «Ստոմատոլոգ (ՍԱԿ ծրագրի շրջանակներում)» բառերը:

7. Հրամանի հավելվածի հավելված N 24-ի 24-րդ կետում «Մալաթիա» բառը փոխարինել «Աստղիկ» բառով:

8. Հրամանի հավելվածի հավելված N 25-ից հետո լրացնել նոր` հավելված N 26, համաձայն սույն հրամանի հավելված 1-ի: