ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Հ Ա Ն Ձ Ն Ա Ր Ա Ր Ա Կ Ա Ն

Եվրասիական տնտեսական հանձնաժողովի կոլեգիան, «Եվրասիական տնտեսական միության պաշտոնական վիճակագրական տեղեկությունների ձևավորման և տարածման կարգի մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 4 հավելված) 12-րդ կետին համապատասխան, Եվրասիական տնտեսական միության անդամ պետություններում աշխատուժի վիճակագրական ուսումնասիրություններ անցկացնելիս օգտագործվող աշխատանքային շուկայի ցուցանիշների համադրելիությունն ապահովելու և Եվրասիական տնտեսական միության շրջանակներում դրանց արդյունքներն ամփոփելու նպատակներով,

հանձնարարում է Եվրասիական տնտեսական միության անդամ պետություններին սույն հանձնարարականը Եվրասիական տնտեսական միության պաշտոնական կայքում հրապարակվելու օրվանից ղեկավարվել այն հանձնարարականներով, որոնք պատրաստվել են Աշխատանքի վիճակագիրների 19-րդ միջազգային համաժողովին ընդունված «Աշխատանքային գործունեության, զբաղվածության և աշխատուժի ոչ լիարժեք օգտագործման մասին» որոշմանը համապատասխան, և որոնց տեքստը տեղադրված է Եվրասիական տնտեսական միության պաշտոնական կայքում՝ հետևյալ հասցեով՝ http://www.eurasiancommission.org/ru/act/integr_i_makroec/dep_stat/metadata/metadata/ Pages/recommendations.aspx/։