ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

10 օգոստոսի 2001 թվականի N 592
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2000 ԹՎԱԿԱՆԻ ՄԱՐՏԻ 24-Ի N 130 ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Հայաստանի Հանրապետության վարչապետի 2000 թվականի մարտի 24-ի «Հայաստանի Հանրապետության արդյունաբերության և առևտրի նախարարության կանոնադրությունը և կենտրոնական ապարատի կառուցվածքը հաստատելու մասին» N 130 որոշման մեջ (Հայաստանի Հանրապետության վարչապետի 2000 թվականի նոյեմբերի 6-ի N 730 որոշման խմբագրությամբ) կատարել հետևյալ լրացումները և փոփոխությունը`

1. Որոշմամբ հաստատված կանոնադրության`

ա) 7-րդ կետը լրացնել հետևյալ նոր` «ժա» և «ժբ» ենթակետերով.

«ժա) շուկայական ենթակառուցվածքի զարգացմանը նպաստելը.

ժբ) Հայաստանի Հանրապետության տարածք ապրանքների ներմուծման նկատմամբ ներքին շուկայի պաշտպանությունը».

բ) 8-րդ կետը լրացնել հետևյալ նոր` «խա» և «խբ» ենթակետերով.

«խա) շուկայական ենթակառուցվածքի մոնիտորինգի անցկացումը, շուկայական ենթակառուցվածքի գործունեության նպատակաուղղումը տնտեսության իրական հատվածի զարգացմանը.

խբ) ներքին շուկայի պաշտպանության միջոցառումների իրականացման նպատակով Հայաստանի Հանրապետության օրենսդրությամբ սահմանված կարգով ուսումնասիրությունների անցկացումը և Հայաստանի Հանրապետության կառավարություն առաջարկություններ ներկայացնելը»:

2. Որոշմամբ հաստատված կենտրոնական ապարատի կառուցվածքում`

ա) կառուցվածքը լրացնել`

«Շուկայական ենթակառուցվածքի զարգացման վարչություն» և

«Ներքին շուկայի կարգավորման և պաշտպանության վարչություն» տողերով.

բ) կառուցվածքից հանել «Որակի, ստանդարտացման և մտավոր սեփականության պաշտպանության վարչություն» տողը:

Հայաստանի Հանրապետության վարչապետ

Ա. Մարգարյան