ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

N 221-Ա

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել Իզմիրլյան բարեգործական հիմնադրամի կողմից իրականացվող` 68,109,040 դրամ ընդհանուր արժողությամբ «ԵՊՀ Սարկիս և Մարի Իզմիրլյանների անվան գրադարանի ենթակառուցվածքների բարելավում» ծրագիրը՝ համաձայն հավելվածի:

2. Սահմանել, որ Իզմիրլյան բարեգործական հիմնադրամի կողմից (ՀՎՀՀ` 02819088) կնքված՝ ստորև նշված պայմանագրերով նախատեսված գործարքներն անմիջականորեն կապված են սույն որոշման 1-ին կետում նշված ծրագրի իրականացման հետ և դրա համար ունեն զգալի նշանակություն՝

1) «Նավասարդ Շինարար» ՍՊԸ-ի հետ (ՀՎՀՀ` 03313519) 2022 թվականի մարտի 4-ին կնքված` N 1/22 պայմանագրում նշված գործարքը, որով նախատեսվում է շինարարական աշխատանքների իրականացում ` 43,000,000 դրամի չափով, առանց ավելացված արժեքի հարկի.

2) «Ար և Ար Դիզայն Քնսթրաքշն» ՍՊԸ-ի հետ (ՀՎՀՀ` 01547716) 2022 թվականի մարտի 4-ին կնքված` N 2/22 պայմանագրում նշված գործարքը, որով նախատեսվում է ջեռուցման, օդափոխության և օդորակման ապահովման համար անհրաժեշտ աշխատանքների իրականացում` 25,109,040 դրամի չափով, առանց ավելացված արժեքի հարկի:

3. Իզմիրլյան բարեգործական հիմնադրամին` մինչև յուրաքանչյուր եռամսյակին հաջորդող ամսվա 25-ը` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել տեղեկություններ տվյալ եռամսյակի ընթացքում` նշված ծրագրի շրջանակներում կազմակերպության կողմից կատարված աշխատանքների, ինչպես նաև կազմակերպությանը մատակարարված ապրանքների ու մատուցված ծառայությունների, իսկ ծրագրի ավարտից հետո մեկամսյա ժամկետում` ամփոփ տեղեկություններ ծրագրի կատարման մասին:

Հայաստանի Հանրապետության փոխվարչապետ	Հ. Մաթևոսյան
Երևան

07.04.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ փոխվարչապետի N 221-Ա որոշման

Ծ Ր Ա Գ Ի Ր

1.	Ծրագրի նպատակը	Տեղեկատվական գրագիտության, ուսուցման և սոցիալական համախմբվածության բարելավման համար նպաստավոր միջավայրի ստեղծում՝ վերանորոգելով Երևանի պետական համալսարանի (ԵՊՀ) Սարկիս և Մարի Իզմիրլյանների անվան գրադարանի ճշգրիտ գիտությունների ընթերցասրահը:   1996 թվականից ի վեր «Իզմիրլյան հիմնադրամն» աջակցում է ԵՊՀ Սարկիս և Մարի Իզմիրլյանների անվան գրադարանին՝ նպատակ ունենալով միջազգային չափանիշներին համապատասխան արդիականացնել գրադարանը, որից օգտվում են մեծ թվով ուսանողներ և հետազոտողներ: Հիմնադրամը մշտապես իրականացնում է գրադարանի ենթակառուցվածքների բարելավման, տեխնիկական և բովանդակային վերազինմանն ուղղված տարատեսակ նախաձեռնություններ, որոնք համաձայնեցվում են Երևանի պետական համալսարանի հետ:
2.	Ծրագրի բարեգործական որակման նպատակը	Օրենքով սահմանված կարգով օգտվել Հայաստանի Հանրապետության հարկերի, տուրքերի և այլ պարտադիր վճարների գծով արտոնություններից:
3.	Բարեգործը	Իզմիրլյան Բարեգործական հիմնադրամ, Մելիք-Ադամյան 2/1, կենտրոն 0010 Երևան, Հայաստան, ՀՎՀՀ՝ 02819088
4.	Ծրագիրը կատարողը	Իզմիրլյան Բարեգործական հիմնադրամ, Մելիք-Ադամյան 2/1, կենտրոն 0010 Երևան, Հայաստան, ՀՎՀՀ՝ 02819088
5.	Ծրագրի իրականացման վայրը և բնագավառը	ԵՊՀ Սարկիս և Մարի Իզմիրլյանների անվան գրադարան, Հայաստանի Հանրապետություն, քաղաք Երևան, 0025, Ալեք Մանուկյան փող., 1 շենք Ծրագրի բնագավառը՝ կրթություն:
6.	Ծրագրի բյուջեն	68,109,040 դրամ
7.	Բարեգործություն ստացողը	Երևանի պետական համալսարան, Հայաստանի Հանրապետություն, քաղաք Երևան, 0025, Ալեք Մանուկյան փող., 1 շենք
8.	Ծրագրի իրականացման տևողությունը	2022 թվականի ապրիլի 10-ից մինչև 2022 թվականի դեկտեմբերի 31-ը
9.	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	Շինարարական ընկերության հետ պայմանագրի կնքում` նախագծի համաձայն և ծախսերի նախահաշվարկի սահմաններում թիվ 503 ընթերցասրահի վերանորոգման աշխատանքների իրականացում՝ 43,000,0010 դրամ: Մասնագիտացված ընկերության հետ պայմանագրի կնքում` թիվ 503 ընթերցասրահի համար ջեռուցման, օդափոխության և օդորակման (ՋՕՕ) համակարգի գնման և տեղադրման աշխատանքների իրականացում՝ 25,109,040 դրամ: Աշխատանքները նախատեսվում է իրականացնել 2022 թվականի ապրիլի 10-ից մինչև 2022 թվականի դեկտեմբերի 31-ը:
10.	Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը	Երևանի պետական համալսարանի Սարկիս և Մարի Իզմիրլյանների անվան գրադարանի #503 ընթերցասրահի վերանորոգում: Շինարարական աշխատանքների իրականացում՝ 43,000,0001 դրամ:   Պայմանագիր YSU 1/22 Հիմնական աշխատանքներ/ծառայություններ.  - Քանդման աշխատանքներ,  - Պատերի և առաստաղների վերանորոգում/ներկում,  - Հատակների փոխարինում,  - Էլեկտրամոնտաժային աշխատանքներ,  - Վիտրաժների փոխարինում,  - Դեկորատիվ տարրերի տեղադրում:   Երևանի պետական համալսարանի Սարկիս և Մարի Իզմիրլյանների անվան գրադարանի հինգերորդ հարկի 503 ընթերցասրահի օդափոխության և օդորակման համակարգի տեղադրում: Ջեռուցման, օդափոխության և օդորակման (ՋՕՕ) ապահովման համար անհրաժեշտ աշխատանքների իրականացում՝ 25,109,040:   Պայմանագիր 2/22 Հիմնական աշխատանքներ և նյութեր.  - Օդորակման արտաքին բլոկի (VRF V6, 33.5 կՎտ) գնում և տեղադրում,  - Օդորակման ներքին բլոկների (կանալային և կասետային) գնում և տեղադրում,  - Օդափոխության ներածման, արտածման ռեկուպերատորի և օդամղիչների գնում տեղադրում,  - Օդափոխության օդատարների տեղադրում,  - Օդորակման պղնձե խողովակաշարի և այլ անհրաժեշտ պարագաների տեղադրում:
11.	Ծրագրի իրականացման հետ կապված կազմակերպական ծախսերը	Կազմակերպական ծախսեր նախատեսված չեն
12.	Համագործակցություն պետական կառավարման, տեղական ինքնակառավարման մարմինների, այլ կազմակերպությունների հետ	Երևանի պետական համալսարան, որի հետ 2022 թվականի փետրվարի 21-ին ստորագրվել է Նվիրատվության պայմանագիր, որի նպատակն է ստեղծել նպաստավոր միջավայր՝ տեղեկատվական գրագիտության, ուսուցման և սոցիալական համախմբվածության բարելավման համար՝ վերանորոգելով ԵՊՀ Սարկիս և Մարի Իզմիրլյանների անվան գրադարանի ճշգրիտ գիտությունների ընթերցասրահը: ԵՊՀ-ն պատասխանատու է կահավորման աշխատանքների համար անհրաժեշտ համաֆինանսավորման ապահովման, ծրագրին աջակցություն ցուցաբերելու և վերակառուցված ընթերցասրահի պահպանումը ծրագրի ավարտից հետո ապահովելու համար:
13.	Ծրագրի արդյունավետության նկատմամբ վերահսկողության մեխանիզմների նկարագրությունը	ՀՀ կառավարության 2003 թվականի հունվարի 16-ի թիվ 66-ն որոշմամբ հաստատված՝ բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով հաշվետվությունների ներկայացում լիազորված մարմնին:

Հայաստանի Հանրապետության փոխվարչապետ

Հ. Մաթևոսյան

07.04.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ