ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱՐԱՐՆԵՐԻ խորհՈւրդ

ո ր ո շ ու մ

27 դեկտեմբերի 1990 թ. N 617

Քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՐՁՐԱԳՈՒՅՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՊԵՏԱԿԱՆ ԿՈՄԻՏԵԻ ԿԱՌՈՒՑՎԱԾՔԻ ՄԱՍԻՆ

Հայաստանի Հանրապետության Նախարարների խորհուրդը որոշում է.

1. Սահմանել Հայաստանի Հանրապետության բարձրագույն կրթության և գիտության պետական կոմիտեի կենտրոնական ապարատի աշխատողների թվաքանակը` 85 միավոր (առանց վարչական շենքը պահպանող ու սպասարկող անձնակազմի), տարեկան 465,0 հազար ռուբլի աշխատանքի վարձատրության ֆոնդով: Ապարատի պահպանման ծախսերը կատարել հանրապետական բյուջեի միջոցների հաշվին:

2. Թույլատրել պետական կոմիտեին ունենալու նախագահի 4 տեղակալ, այդ թվում 2-ը` առաջին տեղակալ, և 18 անդամից բաղկացած կոլեգիա:

3. Հաստատել պետական կոմիտեի կենտրոնական ապարատի կառուցվածքը, համաձայն հավելվածի:

4. Սահմանել պետական կոմիտեին ծառայողական թեթև մարդատար ավտոմեքենաների պահպանման 8 միավորի լիմիտ:

5. Հանձնարարել պետական կոմիտեին` մեկամսյա ժամկետում Հայաստանի Հանրապետության Նախարարների խորհրդի հաստատմանը ներկայացնել պետական կոմիտեի կանոնադրությունը և ենթակա հիմնարկությունների ու կազմակերպությունների ցանկը:

6. 1990 թվականին պետական կոմիտեի կենտրոնական ապարատի պահպանման համար հատկացնել նրան 1,0 հազար ռուբլի, հանրապետական բյուջեի միջոցների 1990 թվականի հունվարի 1-ի դրությամբ եղած ազատ մնացորդի հաշվին:

Հայաստանի Հանրապետության Նախարարների խորհրդի նախագահ

Վ. ՄԱՆՈՒԿՅԱՆ

Հայաստանի Հանրապետության Նախարարների խորհրդի գործերի կառավարչի պաշտոնակատար

Հ. ՀԱԿՈԲՅԱՆ

ՀԱՎԵԼՎԱԾ Հայաստանի Հանրապետության Նախարարների խորհրդի 1990 թվականի դեկտեմբերի 27-ի N 617 որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՐՁՐԱԳՈՒՅՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՊԵՏԱԿԱՆ ԿՈՄԻՏԵԻ ԿԱՌՈՒՑՎԱԾՔԸ

Բարձրագույն կրթության գլխավոր վարչություն

Միջնակարգ մասնագիտական կրթության վարչություն

Ասպիրանտուրայի և կադրերի վերապատրաստման վարչություն

Գիտական աշխատանքների գլխավոր վարչություն

Գիտատեխնիկական ապահովման վարչություն

Ֆինանսատնտեսագիտական և սոցիալական զարգացման վարչություն

Արտադրատնտեսագիտական գլխավոր վարչություն

Նյութատեխնիկական ապահովման վարչություն

Կապիտալ շինարարության վարչություն

Հաշվապահական հաշվառման և հաշվետվությունների բաժին

Արտաքին կապերի վարչություն

Գործերի կառավարչություն

Վերահսկող-վերստուգող բաժին

Կադրերի բաժին

Հատուկ բաժին

Հայաստանի Հանրապետության Նախարարների խորհրդի գործերի կառավարչի պաշտոնակատար

Հ. ՀԱԿՈԲՅԱՆ