ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՈՒՐԴ

 Ո Ր Ո Շ ՈՒ Մ

21 դեկտեմբերի 1990 թվականի N 582

քաղ. Երևան



Հայաստանի Հանրապետության Նախարարների խորհուրդը որոշում է`

Համաձայն Հայաստանի Հանրապետության Մինիստրների խորհրդի 1990 թվականի նոյեմբերի 15-ի «Հայաստանի Հանրապետության Մինիստրների խորհրդին առընթեր մամուլի կոմիտե ստեղծելու մասին» N 502 որոշման`

1. Սահմանել մամուլի կոմիտեի կենտրոնական ապարատի աշխատողների թվաքանակը` 33 միավոր (առանց շենքը պահպանող և սպասարկող անձնակազմի):

Ապարատի պահպանման ծախսերը կատարել հանրապետական բյուջեի միջոցների հաշվին:

2. Հաստատել Հայաստանի Հանրապետության Նախարարների խորհրդին առընթեր մամուլի կոմիտեի կենտրոնական ապարատի կառուցվածքը, համաձայն հավելվածի:

3. Թույլատրել մամուլի կոմիտեին ունենալու կոմիտեի նախագահի երեք տեղակալ, որից մեկը` առաջին տեղակալ, և 9 հոգուց բաղկացած ստեղծագործական խորհուրդ (կոլեգիայի կարգավիճակով):

4. Սահմանել, որ Հայաստանի Հանրապետության Նախարարների խորհրդին առընթեր մամուլի կոմիտեն հանդիսանում է Հայաստանի Հանրապետության նախկին հրատարակչությունների, պոլիգրաֆիայի և գրքի առևտրի գործերի պետական կոմիտեի իրավահաջորդը:

5. Թույլատրել մամուլի կոմիտեին` ելնելով գործունեության հետագա անհրաժեշտությունից, փոփոխություններ կատարել ենթակա ցանցի կառուցվածքում:

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի նախագահ

Վ. ՄԱՆՈՒԿՅԱՆ

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՀԱԿՈԲՅԱՆ

ՀԱՎԵԼՎԱԾ Հայաստանի Հանրապետության Նախարարների խորհրդի 1990 թվականի դեկտեմբերի 21-ի N 582 որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՐԴԻՆ ԱՌԸՆԹԵՐ ՄԱՄՈՒԼԻ ԿՈՄԻՏԵԻ ԿԵՆՏՐՈՆԱԿԱՆ ԱՊԱՐԱՏԻ ԿԱՌՈՒՑՎԱԾՔԸ

Հրատարակչությունների բաժին

Արդյունաբերության բաժին

Գրականության և մամուլի տարածման բաժին

Տպագրական տառատեսակների մշակման և կիրառման բաժին

Տնտեսագիտական բաժին

Կենտրոնական հաշվապահություն

Վարչատնտեսական բաժին

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՀԱԿՈԲՅԱՆ