ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

29 հունիսի 1993 թվականի N 327

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐՉՈՒԹՅԱՆ ՀԱՍՏԻՔՆԵՐԻ ԹՎԱՔԱՆԱԿԸ ԵՎ ԱՇԽԱՏԱՆՔԻ ՎԱՐՁԱՏՐՈՒԹՅԱՆ ՖՈՆԴՆ ԱՎԵԼԱՑՆԵԼՈՒ ՄԱՍԻՆ

Ի լրումն Հայաստանի Հանրապետության կառավարության 1993 թվականի ապրիլի 9-ի «Հայաստանի Հանրապետության կառավարության գործերի կառավարչության աշխատողների թվաքանակի սահմանման և աշխատանքի վարձատրության ֆոնդի հաստատման մասին» N 163 որոշման և Հայաստանի Հանրապետության պետական նախարարի լրացուցիչ 2 պաշտոն սահմանելու կապակցությամբ, Հայաստանի Հանրապետության կառավարությունը որոշում է`

1. Ավելացնել Հայաստանի Հանրապետության կառավարության գործերի կառավարչության հաստիքները 12 միավորով` տարեկան 2880,0 հազար ռուբլի աշխատանքի վարձատրության ֆոնդով:

2. Հայաստանի Հանրապետության կառավարության գործերի կառավարչության պահպանման ծախսերը 1993 թվականին ավելացնել 4405,9 հազար ռուբլով` 1993 թվականի հանրապետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ