ՀՀ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐԻ ՀՐԱՄԱՆԸ ՀՀ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐԻ 2025 ԹՎԱԿԱՆԻ ՄԱՅԻՍԻ 12-Ի N 41-Ն ՀՐԱՄԱՆՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐ

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐԻ 2025 ԹՎԱԿԱՆԻ ՄԱՅԻՍԻ 12-Ի N 41-Ն ՀՐԱՄԱՆՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածների 1-ին մասերը՝

1. Հայաստանի Հանրապետության կրթության, գիտության, մշակույթի և սպորտի նախարարի 2025 թվականի մայիսի 12-ի «Մանկավարժահոգեբանական և ուսումնամեթոդական հմտություններ ապահովող մոդուլներով իրականացվող դասընթացի միջոցով առնվազն 30 կրեդիտ շնորհելու կարգը սահմանելու մասին» N 41-Ն հրամանի հավելվածի՝

1) 7-րդ կետի 3-րդ ենթակետում «հանրակրթական ուսումնական հաստատությունում աշխատանքի ընդունվելու օրվանից հետո կազմակերպվող առաջիկա կամավոր ատեստավորմանը ՀՀ կառավարության 2022 թվականի ապրիլի 28-ի N 596-Ն որոշմամբ սահմանված կարգով մասնակցելու պարտավորություն, որին չմասնակցելը կամ կարգով սահմանված դրական արդյունք չապահովելը հիմք է վերջինիս հետ կնքված աշխատանքային պայմանագիրը լուծելու համար: Հավակնորդի հետ կնքվում է ժամկետային աշխատանքային պայմանագիր, որում որպես պարտադիր դրույթ տնօրենի կողմից սահմանվում է սույն կետի պահանջի կատարումը» բառերը փոխարինել «կամավոր ատեստավորված լինելու մասին հավաստող փաստաթուղթ» բառերով:

2) 15-րդ կետում «դասավանդել» բառից հետո լրացնել «(համաձայն Ձև 1-ի և Ձև 2-ի)» բառերը:

3) Հավելվածը 34-րդ կետից հետո լրացնել նոր՝ «Ձև 1»-ով և «Ձև 2»-ով՝

Ձև 1

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅԱՆ

__________________________________________

(համալսարանի/կազմակերպության անվանումը)

Վ Կ Ա Յ Ա Կ Ա Ն

№ __________________

Տրվում է ________________________________________________

(անուն, ազգանուն, հայրանուն)

առ այն, որ նա հաջողությամբ ավարտել է Հայաստանի Հանրապետության կրթության, գիտության, մշակույթի և սպորտի նախարարի

__________________________________________________________հրամանով հաստատված

(հրամանի համարը, ամսաթիվը)

__________________________________________________________ -ում իրականացվող

(հաստատության/կազմակերպության անվանումը)

«Մանկավարժահոգեբանական և ուսումնամեթոդական հմտություններ ապահովող մոդուլներով իրականացվող դասընթացի միջոցով առնվազն 30 կրեդիտի շնորհման» դասընթացը

____________________________________________________________________ առարկայի (առարկաների)

 (առարկա (առարկաներ))

դասավանդման համար:

ՌԵԿՏՈՐ / ՏՆՕՐԵՆ՝ _______________________________

(անուն, ազգանուն, ստորագրություն)

Կից հավելված՝ 1 էջ:

Տրման ամսաթիվ՝ ________ __________________ 20____ թ.

Ձև 2

Սույն հավելվածն անվավեր է առանց հավաստագրի:

2. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:

Նախարար՝   6/18/2026

Ժ. ԱնդրեասՅԱՆ

Պաշտոնական հրապարակման օրը՝ 24 հունիսի 2026 թվական: