ԿՈՌՈՒՊՑԻԱՅԻ ԿԱՆԽԱՐԳԵԼՄԱՆ ՀԱՆՁՆԱԺՈՂՈՎ

«30» հուլիս 2025 թ.

N 03-Ն

ԿՈՌՈՒՊՑԻԱՅԻ ԿԱՆԽԱՐԳԵԼՄԱՆ ՀԱՆՁՆԱԺՈՂՈՎԻ 2022 ԹՎԱԿԱՆԻ ՀՈՒՆԻՍԻ 17-Ի N 02-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները՝ Կոռուպցիայի կանխարգելման հանձնաժողովը (այսուհետ` Հանձնաժողով) որոշում է.

1․ Կոռուպցիայի կանխարգելման հանձնաժողովի 2022 թվականի հունիսի 17-ի՝ «Աուդիտորական կազմակերպությունների ընտրության կարգը և նրանց ներկայացվող պահանջները սահմանելու մասին» N 02-Ն որոշման (այսուհետ՝ Որոշում) մեջ կատարել հետևյալ փոփոխություններն ու լրացումները․

1) Որոշման վերնագրում «Աուդիտորական կազմակերպությունների ընտրության կարգը և նրանց ներկայացվող պահանջները» բառերը փոխարինել «Աուդիտորական կազմակերպությունների ընտրության կարգը, նրանց ներկայացվող պահանջները և աուդիտի իրականացման շրջանակները» բառերով։

2) «Աուդիտորական կազմակերպությունների ընտրության կարգը և նրանց ներկայացվող պահանջները» բառերը որոշման ամբողջ տեքստում, որոշմամբ հաստատված հավելվածի վերնագրում և դրա բովանդակության մեջ փոխարինել «Աուդիտորական կազմակերպությունների ընտրության կարգը, նրանց ներկայացվող պահանջները և աուդիտի իրականացման շրջանակները» բառերով։

2) Որոշման Հավելվածի 1-ին կետում «պահանջները» բառից հետո լրացնել «և աուդիտի իրականացման շրջանակները» բառերը:

3) Որոշման Հավելվածի 11-րդ կետի 3-րդ ենթակետն ուժը կորցրած ճանաչել:

4) Որոշման Հավելվածի 22-րդ կետի «Մրցույթին համատեղ գործունեության կարգով մասնակցության դեպքում մրցութային առաջարկի գնահատման ժամանակ հաշվի են առնվում համատեղ գործունեության պայմանագրի բոլոր կողմերի որակավորումները միասին։» նախադասությունը հանել։

5) Որոշման Հավելվածի 40-րդ կետի 3-րդ ենթակետն ուժը կորցրած ճանաչել։

6) Որոշման Հավելվածի 40-րդ կետի 2-րդ ենթակետում «,» կետադրական նշանը փոխարինել «։» կետադրական նշանով:

7) Որոշման Հավելվածի Գլուխ 7-ի վերնագրից հանել «, գնահատման» կետադրական նշանը և բառը։

8) Որոշման Հավելվածի 50-րդ կետի առաջին նախադասության՝ «բացման» բառից հետո հանել «և գնահատման» բառերը, ինչպես նաև «նիստերում» բառը փոխարինել «նիստում» բառով։

9) Որոշման Հավելվածի 50-րդ կետի երկրորդ նախադասության «կայացնում էի» բառերը փոխարինել «կայացնում է» բառերով, ինչպես նաև «հետաձգվում» բառից հետո լրացնել «է» բառը։

10) Որոշման Հավելվածի 51-րդ կետի երկրորդ նախադասության «վերադարձման» բառը փոխարինել «վերադարձի» բառով։

11) Որոշման Հավելվածի 54-րդ, 56-60-րդ, 63-րդ, 66-րդ կետերն ուժը կորցրած ճանաչել։

12) Որոշման Հավելվածի 65-րդ կետի «մասնակիցը» բառից հետո հանել «գնահատման փուլից հետո» բառերը:

13) Որոշման Հավելվածի 62-րդ կետը շարադրել հետևյալ բովանդակությամբ․

«Մրցութային հանձնաժողովի կողմից որպես մրցույթի հրապարակային վիճակահանության փուլին մասնակցության իրավունք ստացող կազմակերպություններ ընտրվում են այն կազմակերպությունները, որոնց կողմից ներկայացված տեղեկությունները համապատասխանում են սույն Կարգի 3-րդ Գլխով սահմանված պահանջներին։»:

14) Որոշման Հավելվածի 68-րդ կետի «աուդիտորական կազմակերպությունների» բառերից հետո լրացնել «, կուսակցությունների» կետադրական նշանը և բառը։

15) Որոշման Հավելվածի 74-րդ կետից հետո լրացնել հետևյալ բովանդակությամբ նոր՝ 74․1-ին կետ․

«74.1․ Եթե վիճակահանության արդյունքում որևէ աուդիտորական կազմակերպություն վերջնական հաղթող է ճանաչվել հայտարարված մրցույթների կեսից ավելիի դեպքում, ապա տվյալ կազմակերպության անվանումը հանվում է հետագա վիճակահանությունների մասնակիցների ցանկից։»:

16) Որոշման Հավելվածի 75-րդ կետում «72-74-րդ» բառերը փոխարինել «72-74.1» բառերով:

17) Որոշման Հավելվածի 83-րդ կետի «պայմանագրի կնքման ամսաթվի, պայմանագրի գնի և մրցութային առաջարկների գնահատման արդյունքում ստացված միավորների մասին» բառերը փոխարինել «պայմանագրի կնքման ամսաթվի և պայմանագրի գնի մասին» բառերով։

18) Որոշման Հավելվածի 91-րդ կետի 3-րդ ենթակետն ուժը կորցրած ճանաչել։

19) Որոշման Հավելվածի 99-րդ կետի 2-րդ ենթակետն ուժը կորցրած ճանաչել։

20) Որոշման Հավելվածի Ձև 1-ի յոթերորդ պարբերությունը ճանաչել ուժը կորցրած։

21) Որոշման Հավելվածի Ձև 3-ը և Ձև 4-ը ուժը կորցրած ճանաչել։

22) Որոշման Հավելվածի Ձև 5-ի 7․6-րդ կետի վերջին նախադասությունը շարադրել հետևյալ խմբագրությամբ ․

«Ընդ որում, սույն ենթակետով սահմանված դեպքում պայմանագրում կատարվող փոփոխությունների և լրացումների առնչությամբ կիրառելի են սույն պայմանագրի 7․4-րդ կետի դրույթները։»:

23) Որոշման Հավելվածի՝ «Արձանագրություն պայմանագրի արդյունքների հանձնման-ընդունման» ձևանմուշից հանել «Պայմանագրի համարը՝ —————» բառերը,

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

Հանձնաժողովի նախագահի պարտականությունները կատարող`

Մ. ԳալստՅԱՆ

Պաշտոնական հրապարակման օրը՝ 1 օգոստոսի 2025 թվական: