ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

6 սեպտեմբերի 2024 թվականի

թիվ 62

քաղ. Մոսկվա

Եվրասիական տնտեսական միության մաքսային օրենսգրքի 256-րդ հոդվածի 6-րդ կետին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 12913-րդ կետին համապատասխան՝ Եվրասիական տնտեսական հանձնաժողովի խորհուրդը որոշեց.

1. Անձնական օգտագործման ապրանքներին չդասվող ապրանքների կատեգորիաների ցանկում (Եվրասիական տնտեսական հանձնաժողովի խորհրդի 2017 թվականի դեկտեմբերի 20-ի թիվ 107 որոշման թիվ 6 հավելված) կատարել փոփոխություններ՝ հավելվածի համաձայն։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո:

Եվրասիական տնտեսական հանձնաժողովի խորհրդի անդամներ՝

Հայաստանի Հանրապետությունից՝	Բելառուսի Հանրապետությունից`	Ղազախստանի Հանրապետությունից`	Ղրղզստանի Հանրապետությունից՝	Ռուսաստանի Դաշնությունից՝
Մ. Գրիգորյան	Ի. Պետրիշենկո	Ս. Ժումանգարին	Ա. Կասիմալիև	Ա. Օվերչուկ

ՀԱՎԵԼՎԱԾ Եվրասիական տնտեսական հանձնաժողովի խորհրդի 2024 թվականի սեպտեմբերի 6-ի թիվ 62 որոշման

1. 7-րդ կետը «վառելիքի» բառից հետո լրացնել «ինչպես նաև գործածության մեջ եղած այն ապրանքների, որոնք համապատասխանում են Եվրասիական տնտեսական հանձնաժողովի խորհրդի 2017 թվականի դեկտեմբերի 20-ի թիվ 107 որոշման թիվ 1 հավելվածի 2-րդ ծանոթագրությամբ նախատեսված չափորոշիչներին, մանրածախ վաճառքի համար նախապատրաստված և (կամ) սպառողական տարայով (փաթեթվածքով) բաժնեծրարված այլ պատրաստի արտադրատեսակների, եթե այլ բան նախատեսված չէ Եվրասիական տնտեսական միության անդամ պետության օրենսդրությամբ» բառերով։

2. 10-րդ կետը «շարժիչներ» բառից հետո լրացնել «տրանսպորտային միջոցների համար» բառերով։

3. 11-րդ կետը լրացնել «(բացառությամբ կենցաղային ջեռուցման կաթսաների (մինչև 30 կՎտ))»։

4. 12-րդ կետը շարադրել հետևյալ խմբագրությամբ.

«12. ԵԱՏՄ ԱՏԳ ԱԱ 8401, 8402, 8405, 8406, 8410, 8411, 8417, 8420, 8422, 8426-8430, 8433-8442, 8444 00-8449 00 000 0, 8453-8466, 8468, 8474-8480, 8486, 8487, 8514, 8530, 8534 00, 8535, 8545, 8548 00, 9024, 9027, 9030, 9031 ապրանքային դիրքերում դասակարգվող մեքենաներ, մեխանիզմներ, սարքավորումներ, բացառությամբ՝

կենցաղային՝ սպասք լվացող մեքենաների.

հաշմանդամների և սահմանափակ հնարավորություններով անձանց բարձրացման և տեղափոխման համար նախատեսված շարժական սարքավորումների.

10կՎտ-ից ոչ ավելի հզորությամբ կամ 10 ձիաուժից ոչ ավելի հզորությամբ մոտորային շարժիչով գութանային և ռոտորային ձյունամաքրիչների, որոնք միացվում են մինչև 220 Վ լարում ունեցող ցանցին.

սիզամարգերի համար նախատեսված հնձիչ մեքենաների, կախովի սարքավորումների (այդ թվում՝ կարտոֆիլահանների)՝ մոտոբլոկի և շարժիչավոր կուլտիվատորի համար.

կթելու կայանքների և ապարատների.

մինչև 100 ձվի համար կենցաղային ինկուբատորների.

ձեռքի կամ մինչև 220 Վ լարումով ցանցին միացվող, մինչև 30 կգ քաշով կերամանրիչների, կերաջարդիչների, կերահատիչների.

մինչև 220 Վ լարումով ցանցին միացվող, մինչև 30 կգ քաշով այգեգործական մանրիչների.

մինչև 220 Վ լարումով ցանցին միացվող, մինչև 20 կգ քաշով գործելու մեքենաների, ձեռքի գործելու մեքենաների.

էլեկտրաշարժիչով գործիքասրիչ հաստոցների, հեսանահաստոցների (հեսանաքարերի), շղթա սրելու համար նախատեսված հաստոցների, որոնք միացվում են մինչև 220 Վ լարումով ցանցին և ունեն մինչև 20 կգ քաշ.

մինչև 220 Վ լարումով ցանցին միացվող և մինչև 20 կգ քաշով՝ մետաղի կտրման հաստոցների.

մինչև 220 Վ լարումով ցանցին միացվող և մինչև 20 կգ գործիքասրիչ (հղկիչ) հաստոցների.

կենցաղային մեխանիկական սղոցների.

մինչև 220 Վ լարումով ցանցին միացվող և մինչև 20 կգ քաշով կենցաղային գայլիկոնիչ հաստոցների.

մինչև 220 Վ լարումով ցանցին միացվող և մինչև 20 կգ քաշով՝ փայտի և այլ կարծր նյութերի մշակման համար նախատեսված հաստոցների.

220 Վ սնուցման լարումով էլեկտրաշարժիչով մինչև 200լ ծավալով բետոնախառնիչների.

պլաստմասայից պատկերաքանդակների և մոդելների ձևավորման համար սարքվածքների (3D գրիչներ).

էլեկտրաշարժիչների համար ածխային խոզանակների.

դյուրակիր վոլտմետրերի, ամպերմետրերի, մուլտիմետրերի (տարբեր էլեկտրական մեծությունների չափման համար)։»։

5. 14-րդ կետը շարադրել հետևյալ խմբագրությամբ.

«14. Ատամնաբուժական մոմ կամ ատամների ծեփապատճեն ստանալու բաղադրություններ՝ բաժնեծրարված հավաքածուներում, փաթեթվածքներում՝ մանրածախ վաճառքի համար, կամ սալիկների տեսքով, պայտերի ձևով, քառակողիկներով կամ նույնանման ձևերով, գիպսի (կալցինացված գիպսի կամ կալցիումի սուլֆատի) հիմքով ատամնաբուժական նպատակների համար այլ բաղադրություններ, ատամնաբուժական իմպլանտներ, այլ ատամնաբուժական արտադրանք, բժշկական տեխնիկա և սարքավորումներ (բացառությամբ ներարկիչների, ասեղների, կաթետերների, փողակների, ինհալատորների (նեբուլայզերների), գլյուկոմետրերի և դրանց թեստ-երիզների, արյան մեջ շաքարի մակարդակի մոնիթորինգի համար նախատեսված սարքերի, ինսուլինի մշտական ինֆուզիայի համար նախատեսված պոմպերի, լսողական ապարատների, էլեկտրական ջեռակների, բժշկական ձեռնոցների, կաթիլայինի համար նախատեսված համակարգերի, արյան ճնշումը (սրտի զարկերի հաճախականությունը), ջերմաստիճանը չափելու համար նախատեսված սարքավորումների, պուլսօքսիմետրերի, որոշակի ժամանակահատվածում էլեկտրասրտագրության գրանցման համար տարբեր դյուրակիր սարքավորումների (խոլտերների և այլն), թթվածնային-շնչառական սարքերի (այդ թվում՝ դիմակների, թթվածնային բարձիկների), դիալիզի շարժական սարքերի, ավտոներարկիչների, տնային պայմաններում ծանր հիվանդների սպասարկման համար նախատեսված շարժական լվացարանների, կղանքի համար անոթների, ցնցուղիչների, կաթնածծիչների, հաշմանդամի սայլակների, սայլակների, օրթոպեդիկ հարմարանքների (ներառյալ հենակները), մանրէազերծիչների, շնչառական դիմակների, վիրաբուժական գոտիների և կալանդների, լուսաթերապիայի համար դյուրակիր սարքավորումների (ռեֆլեկտորների, ուլտրամանուշակագույն մանրէասպան ճառագայթիչների՝ տեղային կիրառման համար), լազերային, գերձայնային և մագնիսական թերապիայի համար դյուրակիր ապարատների):»։

6. 16-րդ կետում «Վարսավիրական» բառը փոխարինել «Գեղեցկության սրահներում և սպա-կենտրոններում օգտագործման համար նախատեսված կահույք, վարսավիրական» բառերով։

7. Լրացնել հետևյալ բովանդակությամբ 21-30-րդ կետեր.

«21. Սննդային արդյունաբերության մնացորդներ և թափոններ, որոնք դասակարգվում են ԵԱՏՄ ԱՏԳ ԱԱ 23-րդ խմբի դիրքերում (բացառությամբ կենդանիների համար կերերի)։

22. Հանքաքարեր, խարամ և մոխիր, որոնք դասակարգվում են ԵԱՏՄ ԱՏԳ ԱԱ 26-րդ խմբի դիրքերում։

23. Անօրգանական քիմիայի արգասիքներ, թանկարժեք մետաղների, հազվագյուտ հողերի մետաղների, ռադիոակտիվ տարրերի կամ իզոտոպների անօրգանական կամ օրգանական միացություններ, որոնք դասակարգվում են ԵԱՏՄ ԱՏԳ ԱԱ 28-րդ խմբի դիրքերում։

24. Օրգանական քիմիական միացություններ, որոնք դասակարգվում են ԵԱՏՄ ԱՏԳ ԱԱ 29-րդ խմբի դիրքերում։

25. Կարուսելներ, ճոճանակներ, հրաձգարաններ ու այլ ատրակցիոններ, կրկեսներ շրջիկ և գազանանոցներ շրջիկ, թատրոններ շրջիկ, որոնք դասակարգվում են ԵԱՏՄ ԱՏԳ ԱԱ 9508 ապրանքային դիրքում։

26. Մանեկեններ դերձակների համար և այլ մանեկեններ, ավտոմատ-մանեկեններ և այլ շարժական իրեր՝ նախատեսված ցուցափեղկերի ձևավորման համար, որոնք դասակարգվում են ԵԱՏՄ ԱՏԳ ԱԱ 9618 00 000 0 ապրանքային դիրքում։

27. Պայթուցիկ նյութեր, պիրոտեխնիկական արտադրանք, հրակիր համահալվածքներ, որոշ այրվող նյութեր, որոնք դասակարգվում են ԵԱՏՄ ԱՏԳ ԱԱ 36-րդ ապրանքային դիրքում (բացառությամբ լուցկիների)։

28. Պլաստմասսաներ՝ առաջնային ձևերով, որոնք դասակարգվում են ԵԱՏՄ ԱՏԳ ԱԱ 3901 - 3914 00 000 0 ապրանքային դիրքերում։

29. Կաղապարներ, մամլիչներ, մատրիցներ ցանկացած նյութից, որոնք հատուկ նախատեսված են ապրանքների վրա ապրանքային նշանը զետեղելու համար։

30. Կենցաղային տեխնիկա, որը ներմուծվում է ապակոմպլեկտավորված տեսքով, բայց վիզուալ ունի պատրաստի արտադրանքի տեսք, որի քաշը չի համապատասխանում արտադրատեսակների պիտակների վրա, փաթեթավորման թերթիկներում, դրանց անձնագրերում, երաշխիքային կտրոններում, այլ փաստաթղթերում նշված քաշին և գերազանցում է Միության մաքսային տարածք առանց մաքսատուրքերի, հարկերի վճարման անձնական օգտագործման ապրանքների ներմուծման քաշային նորման։»:

Պաշտոնական հրապարակման օրը՝ 29 օգոստոսի 2025 թվական: