ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԽՈՐՀՈՒՐԴ
Ո Ր Ո Շ ՈՒ Մ
|
18 հոկտեմբերի 2024 թվականի |
թիվ 87 |
քաղ. Մոսկվա |
ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ 2017 ԹՎԱԿԱՆԻ ԴԵԿՏԵՄԲԵՐԻ 20-Ի ԹԻՎ 107 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Եվրասիական տնտեսական միության մաքսային օրենսգրքի 266-րդ հոդվածի 2-րդ և 3-րդ կետերին համապատասխան՝ Եվրասիական տնտեսական հանձնաժողովի խորհուրդը որոշեց․
1. Եվրասիական տնտեսական հանձնաժողովի խորհրդի 2017 թվականի դեկտեմբերի 20-ի «Անձնական օգտագործման ապրանքների հետ կապված առանձին հարցերի մասին» թիվ 107 որոշման մեջ կատարել փոփոխություններ՝ համաձայն հավելվածի:
2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։
Եվրասիական տնտեսական հանձնաժողովի խորհրդի անդամներ՝
|
Հայաստանի Հանրապետությունից՝ |
Բելառուսի Հանրապետությունից` |
Ղազախստանի Հանրապետությունից` |
Ղրղզստանի Հանրապետությունից՝ |
Ռուսաստանի Դաշնությունից՝ |
|
|
|
|
|
|
|
ՀԱՎԵԼՎԱԾ Եվրասիական տնտեսական հանձնաժողովի խորհրդի 2024 թվականի հոկտեմբերի 18-ի թիվ 87 որոշման |
ՓՈՓՈԽՈՒԹՅՈՒՆՆԵՐ
Եվրասիական տնտեսական հանձնաժողովի խորհրդի 2017 թվականի դեկտեմբերի 20-ի թիվ 107 որոշման մեջ կատարվող
1. Նշված որոշման թիվ 1 հավելվածում՝
ա) 4-րդ կետը շարադրել հետևյալ խմբագրությամբ՝
|
«4. Միջազգային փոստային առաքանիներով ուղարկվող՝ անձնական օգտագործման ապրանքներ (բացառությամբ սպիրտի 0,5% ծավալային բաժնից ավելի խտությամբ էթիլային սպիրտի, ալկոհոլային խմիչքների), այդ թվում՝ |
արժեքը չի գերազանցում 200 եվրոյին համարժեք գումարը, և համաքաշը (բրուտտո) չի գերազանցում 31 կգ-ը |
|
ծխախոտ, ծխախոտային արտադրատեսակներ, ծխախոտ, նիկոտին պարունակող և տաքացման կամ այլ եղանակների օգնությամբ (առանց այրման) ներշնչելու համար նախատեսված արտադրանք** |
200 սիգարետ կամ 50 սիգար (սիգարիլլա) կամ տաքացվող ծխախոտով 200 արտադրատեսակներ («ստիկներ») կամ 250 գրամ ծխախոտ, կամ 250 գրամից ոչ ավելի ընդհանուր քաշով արտադրատեսակների տեսականի**»․ |
բ) լրացնել հետևյալ բովանդակությամբ «**» նշանով տողատակի ծանոթագրությամբ՝
«** Կիրառվում է՝ 18 տարին լրացած, Հայաստանի Հանրապետության քաղաքացիություն, Հայաստանի Հանրապետությունում մշտական բնակության վայր ունեցող և Հայաստանի Հանրապետության տարածքում գտնվող ֆիզիկական անձանց նկատմամբ։»։
2. Նշված որոշման թիվ 2 հավելվածի 1-ին աղյուսակում՝
ա) առաջին սյունակում 6-րդ կետում «ուղեկցվող և (կամ) չուղեկցվող ուղեբեռով, ինչպես նաև փոխադրողի կողմից առաքվում է» բառերը փոխարինել «ցանկացած եղանակով**» բառերով․
բ) առաջին սյունակում 8-րդ կետը «փոխադրողի կողմից առաքվող՝» բառերից հետո լրացնել «, ինչպես նաև միջազգային փոստային առաքանիներով ուղարկվող՝**» բառերով․
գ) լրացնել հետևյալ բովանդակությամբ «**» նշանով տողատակի ծանոթագրությամբ՝
«** Միջազգային փոստային առաքանիներով ուղարկման ժամանակ կիրառվում է՝ 18 տարին լրացած, Հայաստանի Հանրապետության քաղաքացիություն, Հայաստանի Հանրապետությունում մշտական բնակության վայր ունեցող և Հայաստանի Հանրապետության տարածքում գտնվող ֆիզիկական անձանց նկատմամբ։»։
Պաշտոնական հրապարակման օրը՝ 29 օգոստոսի 2025 թվական:
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|