Ո Ր Ո Շ ՈՒ Մ

28 օգոստոսի 2025 թվականի N 1240-Լ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2020 ԹՎԱԿԱՆԻ ՄԱՅԻՍԻ 21-Ի N 771-Լ ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածներով` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2020 թվականի մայիսի 21-ի «Տնտեսական երկարաժամկետ զարգացմանն ուղղված ծրագրերը հաստատելու մասին» N 771-Լ որոշմամբ (այսուհետ՝ որոշում) հաստատված N 1 հավելվածը լրացնել հետևյալ բովանդակությամբ նոր՝ 3.2-րդ, 3.3-րդ, 3.4-րդ կետերով և N 1․1 աղյուսակով.

«3.2. Թույլատրել կառավարչին՝

1) օտարել ֆոնդի կողմից մասնավոր բաժնեմասնակցային ներդրումների արդյունքում ձեռք բերված բաժնետոմսերը՝ օտարման գին սահմանելով մասնավոր բաժնեմասնակցային ընկերությունում ներդրված գումարի չափի և դրա ներդրման օրվանից մինչև 2025 թվականի դեկտեմբերի 31-ը հաշվարկված տոկոսավճարների հանրագումարը՝ նվազեցնելով վճարված շահութաբաժինները։ Որպես տոկոսավճարների հաշվարկման տարեկան դրույքաչափ (պարզ տոկոս) սահմանել 10.2720%` 2025 թվականի հունիսի 30-ի դրությամբ շրջանառության մեջ գտնվող պետական գանձապետական միջնաժամկետ արժեկտրոնային պարտատոմսերի միջին կշռված եկամտաբերությունը.

2) մինչև 2025 թվականի հոկտեմբերի 1-ը սույն հավելվածի N 1․1 աղյուսակում ընդգրկված ընկերություններին և այդ ընկերությունների մյուս բաժնետերերին (այսուհետ՝ մասնավոր գործընկերներ) ներկայացնել սույն հավելվածի 3.2-րդ կետի 1-ին և 3-րդ ենթակետերին համապատասխան առաջարկներ՝ մինչև 2026 թվականի մարտի 31-ը ֆոնդին պատկանող բաժնետոմսերը ձեռք բերելու վերաբերյալ, ընդ որում՝ մինչև 2025 թվականի դեկտեմբերի 30-ը գրավոր համաձայնություն սույն հավելվածի 3.3-րդ ու 3.4-րդ կետերով նախատեսված՝ համապատասխանաբար բանկային երաշխիք ներկայացնելու կամ կանխավճար իրականացնելու պայմանով.

3) սույն հավելվածի 3.2-րդ կետի 2-րդ ենթակետով նախատեսված գրավոր համաձայնությունը և 3.3-րդ և 3.4-րդ կետերով նախատեսված՝ համապատասխանաբար բանկային երաշխիքը կամ կանխավճարն ստանալու դեպքում մինչև 2026 թվականի փետրվարի 28-ը բաժնետերերի միջև կնքված բաժնետիրական համաձայնագրերում իրականացնել համապատասխան փոփոխություններ։

3.3. Պետությունը մասնավոր գործընկերներին կարող է տրամադրել բյուջետային վարկ սույն հավելվածի 3.2-րդ կետի 1-ին ենթակետով սահմանված եկամտաբերությանը համարժեք տոկոսադրույքով, մինչև 10 (տասը) տարի մարման ժամկետով՝ բաժնետոմսերի օտարման գումարի և բյուջետային վարկի առաջին տարվա հաշվարկված տոկոսավճարների հանրագումարի չափով բանկային երաշխիք ներկայացնելու դեպքում։

3.4. Մասնավոր գործընկերները սույն հավելվածի 3.3-րդ կետով նախատեսված բյուջետային վարկից չօգտվելու դեպքում սույն հավելվածի 3.2-րդ կետի 2-րդ ենթակետով նախատեսված գրավոր համաձայնությունը ներկայացնելու հետ մեկտեղ պետք է իրականացնեն ֆոնդի կողմից համապատասխան ընկերությունում ներդրված գումարի չափով կանխավճար, իսկ բաժնետոմսերի վաճառքի գնի մնացած մասը վճարեն մինչև պայմանագրի կնքումը՝ 2026 թվականի մարտի 31-ը։»։

«Աղյուսակ N 1․1

«ՁԵՌՆԱՐԿԱՏԵՐ+ՊԵՏՈՒԹՅՈՒՆ ՀԱԿԱՃԳՆԱԺԱՄԱՅԻՆ ՆԵՐԴՐՈՒՄՆԵՐ» ՈՉ ՀՐԱՊԱՐԱԿԱՅԻՆ ՄԱՍՆԱԳԻՏԱՑՎԱԾ ՊԱՅՄԱՆԱԳՐԱՅԻՆ ՆԵՐԴՐՈՒՄԱՅԻՆ ՖՈՆԴԻՆ ՊԱՏԿԱՆՈՂ ԲԱԺՆԵՄԱՍԵՐԻ ՕՏԱՐՄԱՆ ԱՌԱՋԱՐԿԻ ՊԱՅՄԱՆՆԵՐ

Հ/Հ Ընկերության անվանում Ֆինանսավոր- ման տարեթիվ Ֆինանսավոր- ման գումար /ՀՀ դրամ/ Ելքի հաշվար- կային ամսաթիվ Ժամկետ ներդրման օրվանից մինչ 12/31/2025 /օր/ Կուտակված եկամտաբե- րություն՝ տարեկան 10.2720 տոկոս եկամտաբե- րության պարզ տոկոսի հաշվարկի հիման վրա Կուտակված եկամուտ ամբողջ ժամանակա- հատվածի համար /ՀՀ դրամ/ Նախկինում վճարված շահութաբա- ժիններ /ՀՀ դրամ/ Առաջարկվող օտարման գին /ՀՀ դրամ/ Բյուջետային վարկի ստացման համար ներկայացվող բանկային երաշխիքի գումարը /ՀՀ դրամ/ Կանխավճարի գումարը՝ բյուջետային վարկից չօգտվելու դեպքում /ՀՀ դրամ/ 1 «ԷյԷմՍԻ» ՓԲԸ 12/8/2022 287,460,568 12/31/2025 1119 31.5% 90,525,412   377,985,980 416,812,700 287,460,568 2 «Գլոբալ Քոնեքթ» ՓԲԸ 3/18/2022 350,000,000 12/31/2025 1384 38.9% 136,322,104         4/20/2022 300,000,000 12/31/2025 1351 38.0% 114,061,414         6/2/2022 50,000,000 12/31/2025 1308 36.8% 18,405,173         Ընդամենը 700,000,000       268,788,690 47,559,306 921,229,384 1,015,858,067 700,000,000 3 «Ապագափրո- ջեքթս» ՓԲԸ 3/4/2022 796,250,000 12/31/2025 1398 39.3% 313,269,968   1,109,519,968 1,223,489,859 796,250,000 4 «Բերրիմաունթ» ՓԲԸ 1/25/2023 135,483,875 12/31/2025 1071 30.1% 40,835,627         1/25/2023 564,516,125 12/31/2025 1071 30.1% 170,148,439         4/20/2023 50,322,582 12/31/2025 986 27.7% 13,963,747         4/20/2023 209,677,418 12/31/2025 986 27.7% 58,182,278         Ընդամենը 960,000,000       283,130,091 30,000,000 1,213,130,091 1,337,742,814 960,000,000 5 «Յունիվերսլ Քլոզըրս» ՓԲԸ 6/9/2023 1,676,999,973 12/31/2025 936 26.3% 441,744,398   2,118,744,370 2,336,381,792 1,676,999,973 6 «Տավրոս ԿՎՄ» 8/13/2021 83,300,000 12/31/2025 1601 45.1% 37,531,721   120,831,721 133,243,555 83,300,000 7 «Դոմ Արենա» ՓԲԸ 11/30/2021 60,000,000 12/31/2025 1492 42.0% 25,193,135         1/18/2022 58,000,000 12/31/2025 1443 40.6% 23,553,555         3/9/2022 49,080,000 12/31/2025 1393 39.2% 19,240,565         4/1/2022 110,123,077 12/31/2025 1370 38.6% 42,458,148         Ընդամենը 277,203,077       110,445,404   387,648,481 427,467,733 277,203,077 8 «Սի Էֆ Դաբլյու» ՓԲԸ 5/4/2023 1,539,580,000 12/31/2025 972 27.4% 421,144,053   1,960,724,053 2,162,129,627 1,539,580,000

»:

2. Որոշմամբ հաստատված N 1 հավելվածի 4-րդ կետի 4-րդ ենթակետում«ներդրումային ֆոնդում» բառերը փոխարինել «բացառությամբ ներդրումային ֆոնդերում» բառերով։

3. Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին՝

1) սույն որոշումն ուժի մեջ մտնելուց հետո երկամսյա ժամկետում ապահովել որոշմամբ հաստատված N 1 հավելվածի 4-րդ կետով սահմանված ներդրումային պայմանագրում և «Ձեռնարկատեր+Պետություն հակաճգնաժամային ներդրումներ» ոչ հրապարակային մասնագիտացված պայմանագրային ներդրումային ֆոնդի կանոններում համապատասխան փոփոխությունների կատարումն ու գրանցումը Հայաստանի Հանրապետության կենտրոնական բանկում․

2) մինչև 2025 թվականի հոկտեմբերի 1-ը ապահովել «Ձեռնարկատեր+Պետություն հակաճգնաժամային ներդրումների կառավարիչ» փակ բաժնետիրական ընկերության կողմից որոշմամբ հաստատված N 1 հավելվածի 3.2-րդ կետի 1-ին և 3-րդ ենթակետերին համապատասխան առաջարկների ներկայացումը մասնավոր գործընկերներին՝ համաձայն որոշմամբ հաստատված N 1 հավելվածի N 1.1 աղյուսակի։

4. Հայաստանի Հանրապետության ֆինանսների նախարարին՝ մինչև 2025 թվականի հոկտեմբերի 1-ը ապահովել որոշմամբ հաստատված N 1 հավելվածի 3.3-րդ կետով նախատեսված բյուջետային վարկի տրամադրման պայմանագրի և այլ անհրաժեշտ փաստաթղթերի նախագծերի ներկայացումը Հայաստանի Հանրապետության կառավարություն։

Հայաստանի Հանրապետության վարչապետ	Ն. Փաշինյան
Երևան

29.08.2025 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ