ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀՀ ԼՈՒՍԱՎՈՐՈՒԹՅԱՆ ՆԱԽԱՐԱՐՈՒԹՅԱՆ ՄԱՆԿԱՎԱՐԺԱԿԱՆ ԳԻՏՈՒԹՅՈՒՆՆԵՐԻ ԳԻՏԱՀԵՏԱԶՈՏԱԿԱՆ ԻՆՍՏԻՏՈՒՏԸ, ՈՒՍՈՒՑԻՉՆԵՐԻ ԿԱՏԱՐԵԼԱԳՈՐԾՄԱՆ ՀԱՆՐԱՊԵՏԱԿԱՆ ԻՆՍՏԻՏՈՒՏԸ ԵՎ ՀԱՆՐԱՊԵՏԱԿԱՆ ՈՒՍՈՒՄՆԱՄԵԹՈԴԱԿԱՆ ԿԵՆՏՐՈՆԸ ՎԵՐԱԿԱՌՈՒՑԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

18 փետրվարի 1995 թ. N 78

Քաղ. Երևան

Հայաստանի Հանրապետության լուսավորության համակարգի մանկավարժական կադրերի վերապատրաստման ու վերաորակավորման, գիտահետազոտական և ուսումնամեթոդական աշխատանքների բովանդակային ու կառուցվածքային որակապես նոր համակարգի ստեղծման նպատակով Հայաստանի Հանրապետության կառավարությունը որոշում է.

1. Ընդունել Հայաստանի Հանրապետության լուսավորության նախարարության առաջարկությունը և Հայաստանի Հանրապետության լուսավորության նախարարության մանկավարժական գիտությունների գիտահետազոտական ինստիտուտը, ուսուցիչների կատարելագործման հանրապետական ինստիտուտն ու հանրապետական ուսումնամեթոդական կենտրոնը վերակառուցել համապատասխանաբար Հայաստանի Հանրապետության լուսավորության նախարարության կրթության գիտահետազոտական ինստիտուտի, մանկավարժության հանրապետական ինստիտուտի և մանկավարժական գրադարանի:

2. Հայաստանի Հանրապետության լուսավորության նախարարությանը` մեկամսյա ժամկետում հաստատել Հայաստանի Հանրապետության լուսավորության նախարարության կրթության գիտահետազոտական ինստիտուտի, մանկավարժության հանրապետական ինստիտուտի և մանկավարժական գրադարանի կանոնադրությունները:

ՀԱՅԱՍՏԱՆի հանրապետության վարչապետ

Հ. ԲԱԳՐԱՏՅԱՆ

ՀԱՅԱՍՏԱՆի հանրապետության կԱՌԱՎԱՐՈՒԹյԱՆ ԳՈՐԾԵՐԻ ԿԱՌԱՎԱՐիչ

Ս. ՄԱՆԱՍԱՐՅԱՆ