ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
Կ Ա Ր Գ Ա Դ Ր ՈՒ Թ Յ ՈՒ Ն
|
12 հուլիսի 2016 թվականի |
թիվ 96 |
քաղ. Մոսկվա |
««ԹԵԹԵՎ ԱՐԴՅՈՒՆԱԲԵՐՈՒԹՅԱՆ ԱՐՏԱԴՐԱՆՔԻ ԱՆՎՏԱՆԳՈՒԹՅԱՆ ՄԱՍԻՆ» ՄԱՔՍԱՅԻՆ ՄԻՈՒԹՅԱՆ ՏԵԽՆԻԿԱԿԱՆ ԿԱՆՈՆԱԿԱՐԳՈՒՄ (ՄՄ ՏԿ 017/2011) ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՎԵՐԱԲԵՐՅԱԼ» ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ ՈՐՈՇՄԱՆ ՆԱԽԱԳԾԻ ՄԱՍԻՆ
1. Հավանություն տալ «Թեթև արդյունաբերության արտադրանքի անվտանգության մասին» Մաքսային միության տեխնիկական կանոնակարգում (ՄՄ ՏԿ 017/2011) փոփոխություններ կատարելու վերաբերյալ» Եվրասիական տնտեսական հանձնաժողովի խորհրդի որոշման նախագծին (կցվում է) և այն ներկայացնել Եվրասիական տնտեսական հանձնաժողովի խորհրդի քննարկմանը։
2. Սույն կարգադրությունն ուժի մեջ է մտնում «Ինտերնետ» տեղեկատվական-հեռահաղորդակցական ցանցում՝ Եվրասիական տնտեսական միության պաշտոնական կայքում, դրա հրապարակման օրվանից:
|
Եվրասիական տնտեսական հանձնաժողովի կոլեգիայի նախագահի ժամանակավոր |
Կ. Մինասյան |
ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԽՈՐՀՈՒՐԴ
Ո Ր Ո Շ ՈՒ Մ
|
« » ի 20 թվականի |
թիվ |
քաղ. |
«Թեթև արդյունաբերության արտադրանքի անվտանգության մասին» Մաքսային միության տեխնիկական կանոնակարգում (ՄՄ ՏԿ 017/2011) փոփոխություններ կատարելու վերաբերյալ
«Եվրասիական տնտեսական միության մասին» 2014 թվականի մայիսի 29-ի պայմանագրի 52-րդ հոդվածին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 29-րդ կետին համապատասխան` Եվրասիական տնտեսական հանձնաժողովի խորհուրդը որոշեց.
1. Մաքսային միության հանձնաժողովի 2011 թվականի դեկտեմբերի 9-ի թիվ 876 որոշմամբ ընդունված՝ «Թեթև արդյունաբերության արտադրանքի անվտանգության մասին» Մաքսային միության տեխնիկական կանոնակարգում (ՄՄ ՏԿ 017/2011) կատարել փոփոխություններ՝ համաձայն հավելվածի։
2. Սահմանել, որ Մաքսային միության հանձնաժողովի 2011 թվականի դեկտեմբերի 9-ի թիվ 876 որոշմամբ ընդունված՝«Թեթև արդյունաբերության արտադրանքի անվտանգության մասին» Մաքսային միության տեխնիկական կանոնակարգով (ՄՄ ՏԿ 017/2011) սահմանված պարտադիր պահանջներին թեթև արդյունաբերության արտադրանքի համապատասխանության հաստատման վերաբերյալ փաստաթղթերը, որոնք տրամադրվել կամ ընդունվել են մինչև սույն որոշումն ուժի մեջ մտնելը, վավերական են մինչև դրանց գործողության ժամկետի ավարտը:
3. Սույն որոշումն ուժի մեջ է մտնում դրա պաշտոնական հրապարակման օրվանից 12 ամիսը լրանալուց հետո։
Եվրասիական տնտեսական հանձնաժողովի խորհրդի անդամներ՝
|
Հայաստանի Հանրապետությունից՝ |
Բելառուսի Հանրապետությունից՝ |
Ղազախստանի Հանրապետությունից՝ |
Ղրղզստանի Հանրապետությունից՝ |
Ռուսաստանի Դաշնությունից՝ |
|
Վ. Գաբրիելյան |
Վ. Մատյուշևսկի |
Բ. Սագինտաև |
Օ. Պանկրատով |
Ի. Շուվալով |
|
ՀԱՎԵԼՎԱԾ Եվրասիական տնտեսական հանձնաժողովի խորհրդի 2016 թվականի ի թիվ որոշման |
ՓՈՓՈԽՈՒԹՅՈՒՆՆԵՐ
«Թեթև արդյունաբերության արտադրանքի անվտանգության մասին» Մաքսային միության տեխնիկական կանոնակարգում (ՄՄ ՏԿ 017/2011) կատարվող
1. 6-րդ հոդվածի 3-րդ կետի 2-րդ պարբերությունում «նյութեղենից վնասակար նյութերի» բառերը փոխարինել «նյութերի» բառերով, «կոշիկի ներքին շերտեր» բառերը փոխարինել «կոշիկի ներքին մակերևույթ» բառերով, «մյուս տեսակներինը» բառերը փոխարինել «մյուս տեսակների վնասակար նյութերի միգրացիայի վերահսկումը» բառերով:
2. 8-րդ հոդվածում՝
ա) 3-րդ պարբերությունը շարադրել հետևյալ խմբագրությամբ՝
«արտադրատեսակի մակերեսին էլեկտրաստատիկ դաշտի լարվածության մակարդակը և ազատ ֆորմալդեհիդի պարունակությունը պետք է համապատասխանեն սույն տեխնիկական կանոնակարգի թիվ 2 հավելվածի պահանջներին.».
բ) լրացնել հետևյալ բովանդակությամբ պարբերությամբ՝
«- վնասակար նյութերի միգրացիայի վերահսկումն իրականացվում է օդային կամ ջրային միջավայրում:»:
3. 9-րդ հոդվածի 2-րդ կետի ութերորդ պարբերության երկրորդ նախադասությունը շարադրել հետևյալ խմբագրությամբ.
«Սկզբնական հումքի տոկոսային պարունակությունը նշվում է որպես նորմատիվային արժեք՝ +/- 5 տոկոսի սահմաններում թույլտվածքով (բացի չգործված կտորեղենից).»:
4. 11-րդ հոդվածում՝
ա) 3-րդ կետում՝
3.1-րդ ենթակետում 9-րդ պարբերությունից հետո լրացնել հետևյալ բովանդակությամբ պարբերություններ՝
«- սպիտակեղեն՝ ճաշասենյակի և խոհանոցի, թաշկինակներ.
- սրբիչներ, սավաններ՝ լողանալու.
- թաշկինակային-շարֆային արտադրատեսակներ:».
12-րդ պարբերությունը շարադրել հետևյալ խմբագրությամբ՝
«- հայտատուի ընտրությամբ՝ սեփական փորձարկման լաբորատորիայում կամ Մաքսային միության՝ սերտիֆիկացման մարմինների և փորձարկման լաբորատորիաների (կենտրոնների) միասնական ռեեստրում ընդգրկված՝ հավատարմագրված փորձարկման լաբորատորիայում (կենտրոնում), կամ Մաքսային միության անդամ պետության տարածքում՝ դրա օրենսդրությանը համապատասխան գրանցված այլ փորձարկման լաբորատորիայում (1հ և 2հ սխեմաներ).».
3.2.1-րդ ենթակետի չորրորդ պարբերությունը շարադրել հետևյալ խմբագրությամբ՝
«թեթև արդյունաբերության արտադրանքի նմուշների (արտադրանքի տիպային նմուշների) փորձարկումների արձանագրություններ, որոնցով հաստատվում է դրա համապատասխանությունը սույն տեխնիկական կանոնակարգի պահանջներին (գործողության ժամկետը՝ ոչ ավելի, քան 3 տարի), կամ նյութերի և կոմպլեկտավորող արտադրատեսակների փորձարկումների արձանագրություններ, եթե պատրաստի արտադրանքի անվտանգության պահանջների կատարումն ապահովվում է տվյալ նյութերի և կոմպլեկտավորող արտադրատեսակների անվտանգության պահանջների կատարմամբ: Համապատասխանության հայտարարագրման սխեմայով պայմանավորված՝ փորձարկումները պետք է անցկացվեն հայտատուի ընտրությամբ՝ սեփական փորձարկման լաբորատորիայում կամ Մաքսային միության սերտիֆիկացման մարմինների և փորձարկման լաբորատորիաների (կենտրոնների) միասնական ռեեստրում ընդգրկված հավատարմագրված փորձարկման լաբորատորիայում (կենտրոնում), կամ Մաքսային միության անդամ պետության տարածքում՝ դրա օրենսդրությանը համապատասխան գրանցված այլ փորձարկման լաբորատորիայում (1հ և 2հ սխեմաներ) կամ Մաքսային միության սերտիֆիկացման մարմինների և փորձարկման լաբորատորիաների (կենտրոնների) միասնական ռեեստրում ընդգրկված հավատարմագրված փորձարկման լաբորատորիայում (3հ, 4հ, 6հ սխեմաներ).».
3.4-րդ ենթակետը շարադրել հետևյալ խմբագրությամբ՝
«3.4. Սերիական թողարկման թեթև արդյունաբերության արտադրանքի համապատասխանության հայտարարագրի գործողության ժամկետը 5 տարուց ոչ ավելի է, թեթև արդյունաբերության արտադրանքի խմբաքանակի համար համապատասխանության մասին հայտարարագրի գործողության ժամկետ չի սահմանվում։
Հայտատուի ցանկությամբ՝ 1հ և 2հ սխեմաներով համապատասխանության հայտարարագրումը կարող է փոխարինվել 3հ, 4հ, 6հ սխեմաներով համապատասխանության հայտարարագրմամբ կամ սերտիֆիկացմամբ:
Հայտատուի ցանկությամբ՝ 3հ, 4հ, 6հ սխեմաներով համապատասխանության հայտարարագրումը կարող է փոխարինվել սերտիֆիկացմամբ:».
բ) 4-րդ կետում՝
երկրորդ պարբերությունը շարադրել հետևյալ խմբագրությամբ՝
«- մարմնահագի սպիտակեղեն, կորսետային արտադրատեսակներ, լողանալու արտադրատեսակներ.».
4.3-րդ ենթակետը երկրորդ պարբերությունից հետո լրացնել հետևյալ բովանդակությամբ պարբերությամբ՝
«- արտադրանքի պատրաստման ժամանակ օգտագործված նյութերի և կոմպլեկտավորող արտադրատեսակների փորձարկումների արձանագրություններ (առկայության դեպքում).».
4.5-րդ ենթակետը չորրորդ պարբերությունից հետո լրացնել հետևյալ բովանդակությամբ պարբերությամբ՝
«- փորձարկումների արդյունքների ուսումնասիրման և արտադրության վիճակի վերլուծության հիման վրա որոշում է կայացնում սերտիֆիկատ տրամադրելու հնարավորության կամ այն տրամադրելու մերժման մասին (սխեմա 1ս).».
4.6-րդ ենթակետը շարադրել հետևյալ խմբագրությամբ՝
«4.6. Սերիական թողարկման թեթև արդյունաբերության արտադրանքի համար համապատասխանության սերտիֆիկատի գործողության ժամկետը 5 տարուց ոչ ավելի է, թեթև արդյունաբերության արտադրանքի խմբաքանակի համար համապատասխանության սերտիֆիկատի գործողության ժամկետ չի սահմանվում։»։
5. Նշված տեխնիկական կանոնակարգի թիվ 2 հավելվածի ծանոթագրությունները շարադրել հետևյալ խմբագրությամբ՝
«* «Հիգրոսկոպիկություն» ցուցանիշի մասով պահանջ չի սահմանվում ճաշասենյակի ու խոհանոցի սպիտակեղենի և սպորտային նշանակության առաջին շերտի հագուստի համար (ընդ որում՝ արտադրատեսակների մակնշման վրա սպորտային նշանակության նշումը պարտադիր է)։
** «Օդաթափանցելիություն» ցուցանիշի մասով պահանջ չի սահմանվում՝
- այն արտադրատեսակների համար, որոնց կառուցվածքը (սարաֆաններ, կիսաշրջազգեստներ, ժիլետներ) կամ նյութի կազմությունը (փուխր հյուսվածքով, ժանեկակերպ հյուսվածքով, ցանցկեն կամ նույնանման նյութեր) ենթադրում են բարձր օդաթափանցելիություն.
- այն արտադրատեսակների համար, որոնք ունեն օդափոխանակություն ապահովող կառուցվածքային տարրեր.
- աշուն-ձմեռ տեսականու կիսակոմբինիզոնների և տաբատների համար.
- գուլպեղենի (այդ թվում՝ ձմեռային), կորսետային արտադրատեսակների համար.
- վերմակների և բարձերի համար.
- ճաշասենյակի և խոհանոցի սպիտակեղենի համար:»:
6. Նշված տեխնիկական կանոնակարգի թիվ 3 հավելվածում՝
ա) «Պոլիվինիլքլորիդային» դիրքում՝
«Դիoկտիլբենզոլ-1,2-դիկարբոնատ» բառերը հանել.
«Կադմիում (Cd)», «Ցինկ (Zn)» և «Քլորէթեն (վինիլքլորիդ)» բառերից հետո ավելացնել «**» նշանը.
բ) «Պոլիուրեթանայիններ» դիրքում «տոլուիլենդիիզոցիանատ» բառից հետո ավելացնել «**» նշանը.
գ) լրացնել «**» նշանով հետևյալ բովանդակությամբ ծանոթագրությամբ՝
«** Տվյալ նյութի պարունակությունը սահմանվում է տվյալ նյութի հետազոտությունների (փորձարկումների) և չափումների կանոններ ու մեթոդներ պարունակող միջպետական ստանդարտները ««Թեթև արդյունաբերության արտադրանքի մասին» Մաքսային միության տեխնիկական կանոնակարգի (ՄՄ ՏԿ 017/2011) պահանջների կիրառման և կատարման ու արտադրանքի համապատասխանության գնահատման (հաստատման) իրականացման համար անհրաժեշտ՝ հետազոտությունների (փորձարկումների) և չափումների կանոններ և մեթոդներ, այդ թվում ՝ նմուշառման կանոններ պարունակող, Մաքսային միության հանձնաժողովի՝ 2011 թվականի դեկտեմբերի 9-ի թիվ 876 որոշմամբ հաստատված՝ ստանդարտացման ոլորտում փաստաթղթերի ցանկում ներառելու մասին» Եվրասիական տնտեսական հանձնաժողովի կոլեգիայի որոշումն ուժի մեջ մտնելու օրվանից 12 ամիսը լրանալուն պես»:»
7. Նշված տեխնիկական կանոնակարգի թիվ 8 հավելվածի «Հագուստ և արտադրատեսակներ մորթուց, մորթուց մորթիկներ՝ մշակված» դիրքի 3-րդ վանդակում «Ջրով լվացահանվող քրոմի (VI) զանգվածային մաս, մգ/կգ» հատկությունների ցուցանիշում «ոչ պակաս, քան 3,0» բառերը փոխարինել «ոչ ավելի, քան 3,0» բառերով:
_____________________