ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ «ԵՐԵՎԱՆԻ «ԼՈՒՍԻՆ» ԳՈՐԾԱՐԱՆ» ՊԵՏԱԿԱՆ ՁԵՌՆԱՐԿՈՒԹՅՈՒՆԸ ԲԱՑ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՁԵՎՈՎ ՍԵՓԱԿԱՆԱՇՆՈՐՀԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

7 մայիսի 1995 թ. N 251
Քաղ. Երևան

Հայաստանի Հանրապետության կառավարությունը որոշում է.

1. Սեփականաշնորհել «Երևանի «Լուսին» գործարան» պետական ձեռնարկությունը՝ «Երևանի «Լուսին» գործարան» բաց բաժնետիրական ընկերություն ստեղծելու միջոցով։

2. «Երևանի «Լուսին» գործարան» պետական ձեռնարկության կազմից առանձնացնել Կիլիկիայի արտադրամասը, այն սեփականաշնորհել Հայաստանի Հանրապետության օրենսդրությամբ սահմանված կարգով և առաջարկել արտադրամասի աշխատավորական կոլեկտիվին։

3. «Երևանի «Լուսին» գործարան» պետական ձեռնարկության կազմից առանձնացնել «Վան-1» կոոպերատիվին, «Մուշ-40» սահմանափակ պատասխանատվությամբ ընկերությանը, «Զավեն-որդիներ» լիակատար տնտեսական ընկերակցությանը վարձակալության հանձնված գույքը:

4. Թույլատրել «Վան-1» կոոպերատիվին, «Մուշ-40» սահմանափակ պատասխանատվությամբ ընկերությանը, «Զավեն-որդիներ» լիակատար տնտեսական ընկերակցությանը վարձակալած գույքի գնումը և գույքի վաճառքն իրականացնել «Երևանի «Լուսին» գործարան» պետական ձեռնարկության գույքի գնահատման ակտերի համաձայն։

5. «Երևանի «Լուսին» գործարան» պետական ձեռնարկության կուտակման ֆոնդերը համարվում են պետական սեփականություն և սեփականաշնորհման ժամանակ չեն կարող օգտագործվել որպես վճարման միջոց։

6. Սահմանել ընկերության նախնական կանոնադրական հիմնադրամը՝ 78 մլն 170 հազ. դրամ, որից ազատ բաժանորդագրության ենթակա մասը՝ 62 մլն 535 հազ. դրամ։

7 . Ընկերության նախնական կանոնադրական հիմնադրամի ազատ բաժանորդագրության ենթակա մասը համապատասխանում է 12507 բաժնետոմսի` յուրաքանչյուրը 5000 դրամ անվանական արժեքով։

8. Առաջարկել Հայաստանի Հանրապետության սեփականաշնորհման և ապապետականացման պետական հանձնաժողովին`

ա) հաստատել «Երևանի «Լուսին» գործարան» բաց բաժնետիրական ընկերության կանոնադրությունը և ընկերությունը սահմանված կարգով գրանցել Հայաստանի Հանրապետության ձեռնարկությունների պետական ռեգիստրում.

բ) Հայաստանի Հանրապետության օրենսդրությամբ սահմանված կարգով գրանցել ընկերության արժեթղթերի թողարկման ազդագիրը և այն հրապարակել մամուլում։

9. Սահմանել, որ «Երևանի «Լուսին» գործարան» բաց բաժնետիրական ընկերության աշխատավորական կոլեկտիվի անդամներին վերապահված բաժնետոմսերի բաժանորդագրությունն սկսվում է ոչ շուտ, քան բաժնետոմսերի թողարկման ազդագրի հրապարակումից 10 օր հետո և ավարտվում մեկ ամսվա ընթացքում։

10. Սահմանել, որ «Երևանի «Լուսին» գործարան» բաց բաժնետիրական ընկերության բաժնետոմսերի բաժանորդագրությունն սկսվում է ոչ շուտ, քան բաժնետոմսերի թողարկման ազդագրի հրապարակումից 10 օր հետո և ավարտվում արժեթղթերի թողարկման ազդագրում նշված ժամկետում։

11. Հայաստանի Հանրապետության կառավարությանն առընթեր պետական ունեցվածքի հաշվառման և ապապետականացման վարչությանը՝ սահմանված կարգով Հայխնայբանկում բացել «Երևանի «Լուսին» գործարան» բաց բաժնետիրական ընկերության ժամանակավոր հաշիվը և ազդագրի հրապարակումից հետո 10-օրյա ժամկետում սկսել բաժանորդագրությունը։

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ս. ՄԱՆԱՍԱՐՅԱՆ