ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

31 մարտի 1993 թվականի N 134

Քաղ. Երևան 

ԳՅՈՒՂԱՏՆՏԵՍԱԿԱՆ ՀՈՒՄՔԻ, ՄԹԵՐՔԻ ԵՎ ՍՆՆԴԱՄԹԵՐՔԻ ՈՐՈՇ ՏԵՍԱԿԻ ԻՐԱՑՈՒՄՆ ԱՎԵԼԱՑՎԱԾ ԱՐԺԵՔԻ ՀԱՐԿԻՑ ԱԶԱՏԵԼՈՒ ՄԱՍԻՆ

Հայաստանի Հանրապետության գյուղացիական և գյուղացիական կոլեկտիվ տնտեսությունների, պետական և այլ ձեռնարկությունների նյութատեխնիկական բազան ամրապնդելու, գյուղատնտեսական մթերքի և հատկապես մսի ու մսամթերքի, անարատ կաթնամթերքի արտադրության աճը խթանելու և դրանց գների հետագա բարձրացումը մեղմելու, բնակչության գնողունակությունը բարձրացնելու, արտադրող-վերամշակող արդյունավետ փոխհարաբերություններն ապահովելու նպատակով, ինչպես նաև հաշվի առնելով Հայաստանի Հանրապետության Գերագույն խորհրդի ֆինանսավարկային և բյուջետային հարցերի մշտական հանձնաժողովի համաձայնությունը, Հայաստանի Հանրապետության կառավարությունը որոշում է.

1. Դադարեցնել ավելացված արժեքի հարկի գանձումը գյուղացիական, գյուղացիական կոլեկտիվ տնտեսությունների, պետական և այլ ձեռնարկությունների, անհատ ձեռներեցների կողմից արտադրված գյուղատնտեսական հումքի և մթերքի իրացումից:

2. 1993 թվականի հունվարի 1-ից վերամշակող ձեռնարկությունների կողմից թողարկվող որոշ պարենային ապրանքների իրացումն ազատել ավելացված արժեքի հարկից (ցանկը կցվում է):

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ

ՀԱՍՏԱՏՎԱԾ Է ՀՀ կառավարության 1993 թվականի մարտի 31-ի N 134 որոշմամբ

Ց Ա Ն Կ

ԱՎԵԼԱՑՎԱԾ ԱՐԺԵՔԻ ՀԱՐԿԻՑ ԱԶԱՏՎՈՂ ՈՐՈՇ ՊԱՐԵՆԱՅԻՆ ԱՊՐԱՆՔՆԵՐԻ

Միս (տավարի, խոզի, ոչխարի և հավի)

Եփած երշիկեղեն

Նրբերշիկեղեն

Անարատ կաթնամթերք (կաթ, մածուն, կաթնաշոռ և թթվասեր)

Մանկական սնունդ