ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

«01» դեկտեմբեր 2025 թ

N 151-Ն

Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները`

1. Հայաստանի Հանրապետության առողջապահության նախարարի 2012 թվականի հունվարի 24-ի «Արյան, դրա բաղադրամասերի շրջանառության ոլորտում կիրառվող բժշկական փաստաթղթերի ձևերը և դրանց լրացման կարգերը հաստատելու մասին» N 02-Ն հրամանում կատարել հետևյալ փոփոխությունները.

1) հավելված 1-ը շարադրել նոր խմբագրությամբ` համաձայն հավելված 1-ի.

2) հավելված 18-ում 1-ին գլխի 1-ին կետի 5-րդ ենթակետի «իսկ 19-րդ և 20-րդ հարցերը նախատեսված են միայն կանանց համար» բառերը փոխարինել «19-րդ և 20-րդ հարցերը նախատեսված են միայն կանանց համար, իսկ 21-րդ հարցը՝ բուժաշխատողների համար» բառերով.

3) հավելված 18-ում 1-ին գլխի 2-րդ կետի «տալիս է իր կամավոր համաձայնությունը» բառերը փոխարինել «հաստատում է, որ դոնորի հարցաթերթիկը լրացվել է իր կողմից և ունեցել է հնարավորություն ավագ բուժաշխատողին տալ իրեն անհանգստացնող հարցերը» բառերով:

2. Հայաստանի Հանրապետության առողջապահության նախարարի 2018 թվականի հոկտեմբերի 18-ի «Փոխներարկումային բժշկական օգնության իրականացման կարգը հաստատելու մասին» N 22-Ն հրամանի հավելվածով հաստատված փոխներարկումային բժշկական օգնության իրականացման կարգի 12-րդ կետում «Հավելված 14-ով» բառերը փոխարինել «Հավելված 16-ով» բառերով:

3. Հայաստանի Հանրապետության առողջապահության նախարարի 2012 թվականի հոկտեմբերի 10-ի «Արյան դոնորին տրվող տեղեկատվական թերթիկի, համաձայնության և դոնորի առողջության վերաբերյալ հայտարարագրի ձևերը հաստատելու մասին» N 18-Ն հրամանի հավելված 2-ը շարադրել նոր խմբագրությամբ` համաձայն հավելված 2-ի:

4. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

01.12.2025

Ա. ԱվանեսՅԱՆ

Հավելված 1 ՀՀ առողջապահության նախարարի 2025 թվականի դեկտեմբեր «01»-ի N 151-Ն հրամանի

«Հավելված 1 ՀՀ առողջապահության նախարարի 2012 թվականի հունվարի 24-ի N 02-Ն հրամանի

Դոնորի հարցաթերթիկ (Ձև 1)

Շնորհակալություն այսօր մեզ այցելելու համար

Դոնորի անունը _______________ ազգանունը _________________ հայրանունը _________

Տարիքը ____________ Սեռը _____________ Մարմնի զանգվածը________________________

Լրացուցիչ հարցեր (կանանց համար)

Լրացուցիչ հարցեր (բուժաշխատողների համար)

1. Ծանոթագրություն.

Ձեր առողջական վիճակի վերաբերյալ կեղծ կամ ոչ լիարժեք տեղեկատվություն տրամադրելու դեպքում արյունատվության ժամանակ կարող եք վնաս հասցնել Ձեր առողջությանը: ՀՀ քրեական օրենսգրքի 177-րդ, 178-րդ, 179-րդ, 180-րդ և 181-րդ հոդվածներով սահմանված է քրեական պատասխանատվություն տեղեկատվությունը թաքցնելու, ոչ ճիշտ տրամադրելու, խեղաթյուրելու արդյունքում մեկ այլ անձին ՄԻԱՎ վարակով կամ սեռավարակով կամ շրջապատի համար վտանգ ներկայացնող այլ հիվանդությամբ (բրուցելոզ, տուբերկուլոզ, վիրուսային հեպատիտներ և այլն) վարակելու համար:

Ես` _______________________________________________________________

/անուն, ազգանուն, հայրանուն/

հաստատում եմ, որ դոնորի հարցաթերթիկը լրացվել է իմ կողմից և ունեցել եմ հնարավորություն ավագ բուժաշխատողին տալ ինձ անհանգստացնող հարցերը։

Դոնորի ստորագրություն __________________

«____»____________20     թ.»:

Հավելված 2 ՀՀ առողջապահության նախարարի 2025 թվականի դեկտեմբեր «01»-ի N 151-Ն հրամանի

«Հավելված 2 ՀՀ առողջապահության նախարարի 2012 թվականի հոկտեմբերի 10-ի N 18-Ն հրամանի

Ձև

Հ Ա Յ Տ Ա Ր Ա Ր Ա Գ Ի Ր

ԴՈՆՈՐԻ ՀԱՄԱՁԱՅՆՈՒԹՅԱՆ ԵՎ ԴՈՆՈՐԻ ԱՌՈՂՋՈՒԹՅԱՆ ՎԵՐԱԲԵՐՅԱԼ

1. Ես` ____________________________________________________________________________

տալիս եմ իմ գրավոր համաձայնությունը արյուն կամ արյան բաղադրամաս հանձնելու վերաբերյալ և լրացնում իմ առողջական վիճակի վերաբերյալ Հայաստանի Հանրապետության առողջապահության նախարարի 2012 թվականի հունվարի 24-ի թիվ 02-Ն հրամանի հավելված 1-ով հաստատված «Դոնորի հարցաթերթիկ»-ը:

2. Ես հաստատում եմ, որ կարդացել և հասկացել եմ դոնորի համաձայնության և դոնորի առողջության վերաբերյալ հայտարարագիրը, ինչպես նաև լրացրել եմ դոնորի հարցաթերթիկը: Ունեցել եմ հնարավորություն ավագ բուժաշխատողին տալ ինձ անհանգստացնող հարցերը։

3. Տեղեկացված եմ, որ`

1) իմ առողջական վիճակի վերաբերյալ կեղծ կամ ոչ լիարժեք տեղեկատվություն տրամադրելու դեպքում արյունատվության ժամանակ կարող եմ վնաս հասցնել իմ առողջությանը.

2) ՀՀ քրեական օրենսգրքով սահմանված կարգով կենթարկվեմ քրեական պատասխանատվության տեղեկատվությունը թաքցնելու, ոչ ճիշտ տրամադրելու, խեղաթյուրելու արդյունքում մեկ այլ անձին ՄԻԱՎ վարակով կամ սեռավարակով կամ շրջապատի համար վտանգ ներկայացնող այլ հիվանդությամբ (բրուցելոզ, տուբերկուլոզ, վիրուսային հեպատիտներ և այլն) վարակելու համար (ՀՀ քրեական օրենսգրքի 177-րդ հոդված` Մարդու իմունային անբավարարության վիրուսով վարակելը, 178-րդ հոդված` Մարդու իմունային անբավարարության վիրուսով անզգուշությամբ վարակելը, 179-րդ հոդված` Սեռավարակով վարակելը, 180-րդ հոդված` Սեռավարակով անզգուշությամբ վարակելը, 181-րդ հոդված` Շրջապատի համար վտանգ ներկայացնող հիվանդությամբ վարակելը).

3) իմ արյան փորձանմուշի պարտադիր հետազոտությունների արդյունքները (դրական կամ կասկածելի) սահմանված կարգով պետք է հաղորդվեն համապատասխան բժշկական կենտրոններ.

4) իրավունք ունեմ արյունատվությունից հրաժարվելու, ինչպես նաև արյունատվությունից հետո արյան կամ արյան բաղադրամասերի օգտագործումը ոչ պիտանի հայտարարելու` առանց պատճառների պարզաբանման:

4. Տալիս եմ իմ համաձայնությունը արյան դոնորություն իրականացնող բժշկական կազմակերպության ավագ բուժաշխատողին արյան ռեեստրում առկա տեղեկատվության (իմ առողջական վիճակի, արյունատվության հակացուցման, արյունատվության ամսաթվի, ստացված արյան բաղադրամասերի անվանման, միավորների քանակի) հասանելիության վերաբերյալ:

Դոնորի ստորագրություն __________________

«____»____________20     թ.»:

Պաշտոնական հրապարակման օրը՝ 10 դեկտեմբերի 2025 թվական: