ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ «ԷՐԵԲՈՒՆԻ» ԱԱՄ-Ի «ԴԴՄԱՇԵՆԻ ԲԱՄԲԱԿԱԳՈՐԾՎԱԾՔԱՅԻՆ ՖԱԲՐԻԿԱ» ՊԵՏԱԿԱՆ ՁԵՌՆԱՐԿՈՒԹՅՈՒՆԸ ԲԱՑ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՁԵՎՈՎ ՍԵՓԱԿԱՆԱՇՆՈՐՀԵԼՈՒ ՄԱՍԻՆ

«Վավերացնում եմ»
Հայաստանի Հանրապետության
նախագահ Լ. Տեր-Պետրոսյան
«20» սեպտեմբերի 1995 թ.

Ո Ր Ո Շ ՈՒ Մ

20 սեպտեմբերի 1995 թ. N 29

Քաղ. Երևան

«ԷՐԵԲՈՒՆԻ» ԱԱՄ-Ի «ԴԴՄԱՇԵՆԻ ԲԱՄԲԱԿԱԳՈՐԾՎԱԾՔԱՅԻՆ ՖԱԲՐԻԿԱ» ՊԵՏԱԿԱՆ ՁԵՌՆԱՐԿՈՒԹՅՈՒՆԸ ԲԱՑ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՁԵՎՈՎ ՍԵՓԱԿԱՆԱՇՆՈՐՀԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Սեփականաշնորհել «Էրեբունի» ԱԱՄ-ի «Դդմաշենի բամբակագործվածքային ֆաբրիկա» պետական ձեռնարկությունը` «Դդմաշենի բամբակագործվածքային ֆաբրիկա» բաց բաժնետիրական ընկերություն ստեղծելու միջոցով:

2. «Էրեբունի» ԱԱՄ-ի «Դդմաշենի բամբակագործվածքային ֆաբրիկա» պետական ձեռնարկությունը սեփականաշնորհվում է որպես գույքային համալիր:

3. «Դդմաշենի բամբակագործվածքային ֆաբրիկա» բաց բաժնետիրական ընկերության կուտակման ֆոնդերը համարվում են պետական սեփականություն և սեփականաշնորհման ժամանակ չեն կարող օգտագործվել որպես վճարման միջոց:

4. Սահմանել ընկերության կանոնադրական հիմնադրամը` 4420 հազ. դրամ, որից բաժանորդագրության ենթակա մասը` 3536 հազ. դրամ:

5. Վճարման ենթակա պասսիվներ չկան:

6. Ընկերության կանոնադրական հիմնադրամը համապատասխանում է 1768 սովորական բաժնետոմսի` յուրաքանչյուրը 2000 դրամ անվանական արժեքով:

7. Առաջարկել Հայաստանի Հանրապետության սեփականաշնորհման և ապապետականացման պետական հանձնաժողովին`

ա) հաստատել «Դդմաշենի բամբակագործվածքային ֆաբրիկա» բաց բաժնետիրական ընկերության կանոնադրությունը և ընկերությունը սահմանված կարգով գրանցել Հայաստանի Հանրապետության ձեռնարկությունների պետական ռեգիստրում.

բ) Հայաստանի Հանրապետության օրենսդրությամբ սահմանված կարգով գրանցել ընկերության արժեթղթերի թողարկման ազդագիրը և այն հրապարակել մամուլում:

8. Սահմանել, որ «Դդմաշենի բամբակագործվածքային ֆաբրիկա» բաց բաժնետիրական ընկերության աշխատավորական կոլեկտիվի անդամներին վերապահված բաժնետոմսերի բաժանորդագրությունն սկսվում է ոչ շուտ, քան բաժնետոմսերի թողարկման ազդագրի հրապարակումից 10 օր հետո և ավարտվում մեկ ամսվա ընթացքում:

9. Սահմանել, որ «Դդմաշենի բամբակագործվածքային ֆաբրիկա» բաց բաժնետիրական ընկերության բաժնետոմսերի ազատ բաժանորդագրությունն սկսվում է ոչ շուտ, քան բաժնետոմսերի թողարկման ազդագրի հրապարակումից 10 օր հետո և ավարտվում 35 օրվա ընթացքում:

10. Հայաստանի Հանրապետության պետական ունեցվածքի հաշվառման և ապապետականացման վարչությանը` սահմանված կարգով Հայխնայբանկում բացել «Դդմաշենի բամբակագործվածքային ֆաբրիկա» բաց բաժնետիրական ընկերության ժամանակավոր հաշիվը և ազդագրի հրապարակումից հետո 10-օրյա ժամկետում սկսել բաժանորդագրությունը:

11. Սույն որոշումն ուժի մեջ է մտնում 1995 թվականի սեպտեմբերի 20-ից:

ՀԱՅԱՍՏԱՆի հանրապետության վարչապետ

Հ. ԲԱԳՐԱՏՅԱՆ