Գլխավոր տեղեկություն

Համար

ՀՕ-481-Ն

Տիպ

Օրենք

Ակտի տիպ

Հիմնական ակտ (25.12.2025-մինչ օրս)

Կարգավիճակ

Գործում է

Սկզբնաղբյուր

Միասնական կայք 2025.12.22-2026.01.04 Պաշտոնական հրապարակման օրը 24.12.2025

Ընդունող մարմին

ՀՀ Ազգային ժողով

Ընդունման ամսաթիվ

17.12.2025

Ստորագրող մարմին

ՀՀ Նախագահ

Ստորագրման ամսաթիվ

24.12.2025

Ուժի մեջ մտնելու ամսաթիվ

25.12.2025

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2025 թվականի դեկտեմբերի 17-ին

«ՀԻՄՆԱԴՐԱՄՆԵՐԻ ՄԱՍԻՆ» ՕՐԵՆՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հոդված 1. «Հիմնադրամների մասին» 2002 թվականի դեկտեմբերի 26-ի ՀՕ-516-Ն օրենքի 1-ին հոդվածը լրացնել հետևյալ բովանդակությամբ 10-րդ մասով.

«10. Առողջության համընդհանուր ապահովագրության հիմնադրամի իրավական կարգավիճակի, հիմնադրման, կանոնադրության, հիմնադրամի և հիմնադրամի կառավարման մարմինների ձևավորման, այդ թվում՝ ժամանակավոր խորհրդի և դրա գործունեության ժամկետների, կառավարման մարմինների իրավունքների և պարտականությունների, ծախսերի, սնանկ ճանաչվելու, լուծարման առանձնահատկությունները սահմանվում են «Առողջության համընդհանուր ապահովագրության մասին» Հայաստանի Հանրապետության օրենքով: Սույն օրենքի դրույթները տարածվում են առողջության համընդհանուր ապահովագրության հիմնադրամի վրա, եթե այլ բան սահմանված չէ «Առողջության համընդհանուր ապահովագրության մասին» Հայաստանի Հանրապետության օրենքով:»:

Հոդված 2. Սույն օրենքն ուժի մեջ է մտնում պաշտոնական հրապարակմանը հաջորդող օրվանից:

Հանրապետության նախագահ
Վ. Խաչատուրյան

2025 թ. դեկտեմբերի 24

Երևան

ՀՕ-481-Ն

Պաշտոնական հրապարակման օրը՝ 24 դեկտեմբերի 2025 թվական: