ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

8 հունվարի 2026 թվականի N 23-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2014 ԹՎԱԿԱՆԻ ՀՈՒԼԻՍԻ 3-Ի N 738-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2014 թվականի հուլիսի 3-ի «Օտարերկրյա պետություններում գործող՝ Հայաստանի Հանրապետության դիվանագիտական ծառայության մարմիններում ծառայող դիվանագետների պաշտոնային դրույքաչափերը, ծառայության հետ կապված ծախսերի փոխհատուցման չափը հաստատելու մասին» N 738-Ն որոշման մեջ կատարել հետևյալ փոփոխությունները և լրացումները.

1) որոշման վերնագրի «փոխհատուցման չափը» բառերից հետո ավելացնել «, օտարերկրյա պետությունում գործող դիվանագիտական ծառայության մարմին ծառայության մեկնող դիվանագետի և նրա ընտանիքի անդամների` Հայաստանի Հանրապետությունից օտարերկրյա պետություն մեկնելու կամ օտարերկրյա պետությունից Հայաստանի Հանրապետություն վերադառնալու տրանսպորտային ծախսերի, ինչպես նաև օտարերկրյա պետությունում բնակարանի համար դրամական փոխհատուցման կարգերն ու չափերը» բառերը.

2) որոշման նախաբանում ««Դիվանագիտական ծառայության մասին» Հայաստանի Հանրապետության օրենքի 46-րդ հոդվածի 1-ին և 2-րդ մասերով» բառերը փոխարինել ««Դիվանագիտական ծառայության մասին» Հայաստանի Հանրապետության օրենքի 45-րդ հոդվածի 1-ին մասի 8-րդ կետով, 46-րդ հոդվածի 1-ին, 2-րդ և 7-րդ մասերով» բառերով.

3) որոշման 1-ին կետը 3-րդ ենթակետից հետո լրացնել հետևյալ բովանդակությամբ նոր՝ 4-րդ և 5-րդ ենթակետերով՝

«4) օտարերկրյա պետությունում դիվանագիտական ծառայության մարմին ծառայության մեկնող դիվանագետի և նրա ընտանիքի անդամների` Հայաստանի Հանրապետությունից օտարերկրյա պետություն մեկնելու կամ օտարերկրյա պետությունից Հայաստանի Հանրապետություն վերադառնալու ծախսերի փոխհատուցման կարգը` համաձայն N 4 հավելվածի.

5) օտարերկրյա պետությունում դիվանագիտական ծառայության մարմնում ծառայող դիվանագետին օտարերկրյա պետությունում բնակարանի համար ամսական տրամադրվող փոխհատուցման գումարի չափը` համաձայն N 5 հավելվածի:

N 5 հավելվածում նշված փոխհատուցման գումարի չափն ավելացվում է հինգ տոկոսի չափով` յուրաքանչյուր երեխայի համար, իսկ օտարերկրյա պետություններում դիվանագիտական ծառայության մարմնի ղեկավարների բնակարանի համար ամսական տրամադրվող փոխհատուցման գումարի չափը համաձայնեցվում է Հայաստանի Հանրապետության արտաքին գործերի նախարարության հետ:

Վարձակալած բնակարանի պայմանագրի ժամկետի երկարաձգման դեպքում, եթե վարձատուն պահանջում է վարձավճարի ավելացում, ապա այն կարող է ավելացվել առավելագույնը 5 տոկոսի չափով՝ արտաքին գործերի նախարարության համաձայնությունը ստանալուց հետո:

Եթե նոր նշանակված ավելի ցածր պաշտոնով դիվանագետը շարունակելու է բնակվել ավելի բարձր պաշտոնով դիվանագետի համար արդեն իսկ վարձակալված բնակարանում, ապա արտաքին գործերի նախարարության համաձայնությամբ՝ բնակարանի համար տրամադրվող փոխհատուցման գումարի չափը մնում է անփոփոխ:

Սույն որոշմամբ սահմանված՝ դիվանագետի բնակարանի համար տրամադրվող փոխհատուցման գումարի չափի մեջ կարող են ներառվել նաև կոմունալ և այլ պարտադիր վճարները:

Դիվանագետի համար բնակարան վարձակալելիս օտարերկրյա պետությունում դիվանագիտական ծառայության մարմնի միջոցներից, անհրաժեշտության դեպքում, հատկացվում է վարձատուի կողմից պահանջվող դրամական գրավ (դեպոզիտ)՝ առավելագույնը մեկ ամսվա վարձավճարի կրկնապատիկի չափով, և անշարժ գույքի գործակալության կողմից պահանջվող միջնորդավճար, որը չի կարող գերազանցել սույն որոշմամբ տվյալ երկրի համար սահմանված բնակարանի համար ամսական տրամադրվող փոխհատուցման գումարի չափը: Դրամական գրավը (դեպոզիտը) վարձատուի կողմից, գույքին պատճառված վնասի պատճառով, չվերադարձվելու դեպքում փոխհատուցվում է դիվանագետի անձնական միջոցների հաշվին:».

4) որոշումը լրացնել նոր՝ N 4 հավելվածով՝ համաձայն N 1 հավելվածի.

5) որոշումը լրացնել նոր՝ N 5 հավելվածով՝ համաձայն N 2 հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ն. Փաշինյան
Երևան

08.01.2026 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված N 1 ՀՀ կառավարության 2026 թվականի հունվարի 8-ի N 23-Ն որոշման

«Հավելված N 4 ՀՀ կառավարության 2014 թվականի հուլիսի 3-ի N 738-Ն որոշման

Կ Ա Ր Գ

OՏԱՐԵՐԿՐՅԱ ՊԵՏՈՒԹՅՈՒՆՈՒՄ ԳՈՐԾՈՂ ԴԻՎԱՆԱԳԻՏԱԿԱՆ ԾԱՌԱՅՈՒԹՅԱՆ ՄԱՐՄԻՆ ԾԱՌԱՅՈՒԹՅԱՆ ՄԵԿՆՈՂ ԴԻՎԱՆԱԳԵՏԻ ԵՎ ՆՐԱ ԸՆՏԱՆԻՔԻ ԱՆԴԱՄՆԵՐԻ` ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆԻՑ OՏԱՐԵՐԿՐՅԱ ՊԵՏՈՒԹՅՈՒՆ ՄԵԿՆԵԼՈՒ ԿԱՄ OՏԱՐԵՐԿՐՅԱ ՊԵՏՈՒԹՅՈՒՆԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՎԵՐԱԴԱՌՆԱԼՈՒ ՏՐԱՆՍՊՈՐՏԱՅԻՆ ԾԱԽՍԵՐԻ ՓՈԽՀԱՏՈՒՑՄԱՆ

1. Սույն կարգով կարգավորվում են oտարերկրյա պետությունում գործող դիվանագիտական ծառայության մարմին ծառայության մեկնող դիվանագետի և նրա ընտանիքի անդամների` Հայաստանի Հանրապետությունից oտարերկրյա պետություն մեկնելու կամ oտարերկրյա պետությունից Հայաստանի Հանրապետություն վերադառնալու ծախսերի փոխհատուցման հետ կապված հարաբերությունները:

2. Oտարերկրյա պետությունում գործող դիվանագիտական ծառայության մարմին ծառայության մեկնող դիվանագետի և նրա ընտանիքի անդամների` Հայաստանի Հանրապետությունից oտարերկրյա պետություն մեկնելու ծախսը (տոմսերի արժեքը, իսկ ավտոմեքենայով մեկնելու դեպքում՝ վառելիքի գումարը) վճարվում է Հայաստանի Հանրապետության պետական բյուջեով Հայաստանի Հանրապետության արտաքին գործերի նախարարությանը նախատեսված միջոցների հաշվին:

3. Oտարերկրյա պետությունում գործող դիվանագիտական ծառայության մարմին ծառայության մեկնած դիվանագետի և նրա ընտանիքի անդամների` oտարերկրյա պետությունից Հայաստանի Հանրապետություն վերադառնալու ծախսերը փոխհատուցվում են Հայաստանի Հանրապետության պետական բյուջեով Հայաստանի Հանրապետության դեսպանությունների և հյուպատոսական հիմնարկների պահպանման համար նախատեսված միջոցների հաշվին:»:

Հայաստանի Հանրապետության վարչապետի աշխատակազմի ղեկավար

Ա. Հարությունյան

08.01.2026 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված N 2 ՀՀ կառավարության 2026 թվականի հունվարի 8-ի N 23-Ն որոշման

«Հավելված N 5 ՀՀ կառավարության 2014 թվականի հուլիսի 3-ի N 738-Ն որոշման

ՕՏԱՐԵՐԿՐՅԱ ՊԵՏՈՒԹՅՈՒՆՈՒՄ ԴԻՎԱՆԱԳԻՏԱԿԱՆ ԾԱՌԱՅՈՒԹՅԱՆ ՄԱՐՄՆՈՒՄ ԾԱՌԱՅՈՂ ԴԻՎԱՆԱԳԵՏԻՆ ՕՏԱՐԵՐԿՐՅԱ ՊԵՏՈՒԹՅՈՒՆՈՒՄ ԲՆԱԿԱՐԱՆԻ ՀԱՄԱՐ ԱՄՍԱԿԱՆ ՏՐԱՄԱԴՐՎՈՂ ՓՈԽՀԱՏՈՒՑՄԱՆ ԳՈՒՄԱՐԻ ՉԱՓԸ

NN ը/կ Օտարերկրյա պետության, քաղաքի անվանումները Արտակարգ դեսպանորդ և լիազոր նախարար, խորհրդական Քարտուղարներ (առաջին, երկրորդ, երրորդ), կցորդ 1 2 3 4 1. Ամերիկայի Միացյալ Նահանգներ (Վաշինգտոն) $ 3,400 $ 3,200 2. Ամերիկայի Միացյալ Նահանգներ (Նյու Յորք) $ 4,000 $ 3,800 3. Ամերիկայի Միացյալ Նահանգներ (Լոս Անջելես) $2,900 $2,800 4. Ավստրիայի Հանրապետություն (Վիեննա) € 2,000 € 1,800 5. Արաբական Միացյալ Էմիրություններ (Աբու Դաբի) $ 2,300 $ 2,100 6. Արաբական Միացյալ Էմիրություններ (Դուբայ) $ 2,400 $ 2,200 7. Արգենտինայի Հանրապետություն (Բուենոս Այրես) $1,800 $1,700 8. Բելառուսի Հանրապետություն (Մինսկ) $900 $800 9. Բելգիայի Թագավորություն (Բրյուսել) € 2,100 € 1,900 10. Բրազիլիայի Դաշնային Հանրապետություն (Բրազիլիա) $1,800 $1,700 11. Բուլղարիայի Հանրապետություն (Սոֆիա) € 1,100 € 1,000 12. Գերմանիայի Դաշնային Հանրապետություն (Բեռլին) € 2,100 € 1,900 13. Եգիպտոսի Արաբական Հանրապետություն (Կահիրե) $1,700 $1,600 14. Եթովպիայի Դաշնային Ժողովրդավարական Հանրապետություն (Ադիս Աբեբա) $ 3000 $ 2000 15. Թուրքիայի Հանրապետություն (Ստամբուլ) $1,300 $1,200 16. Թուրքմենստան (Աշգաբադ) $900 $800 17. Ինդոնեզիայի Հանրապետություն (Ջակարտա) $1,700 $1,600 18. Իսպանիայի Թագավորություն (Մադրիդ, Վալենսիա) € 1,800 € 1,700 19. Իսրայելի Պետություն (Թել Ավիվ, Երուսաղեմ) $2,200 $2,100 20. Իտալիայի Հանրապետություն (Հռոմ) € 2,600 € 2,400 21. Իրանի Իսլամական Հանրապետություն (Թեհրան) $1,200 $1,100 21.1. Իրանի Իսլամական Հանրապետություն (Թավրիզ) $1,100 $1,000 22. Իրաքի Հանրապետություն (Բաղդադ) $1,800 $1,700 22.1. Իրաքի Հանրապետություն (Էրբիլ) $1,300 $1,200 23. Լեհաստանի Հանրապետություն (Վարշավա) € 1,500 € 1,300 24. Լիբանանի Հանրապետություն (Բեյրութ) $1,250 $1,150 25. Լիտվայի Հանրապետություն (Վիլնյուս) € 1,200 € 1,100 26. Կանադա (Օտտավա) $1,700 $1,600 27. Հնդկաստանի Հանրապետություն (Դելի) $ 1,700 $ 1,500 28. Հունաստանի Հանրապետություն (Աթենք) € 1,900 € 1,700 29. Ղազախստանի Հանրապետություն (Աստանա) $950 $850 30. Ճապոնիա (Տոկիո) $4,000 $3,700 31. Մեծ Բրիտանիայի և Հյուսիսային Իռլանդիայի Միացյալ Թագավորություն (Լոնդոն) £2,700 £2,500 32. Մեքսիկայի Միացյալ Նահանգներ (Մեխիկո) $2,500 $2,400 33. Մոլդովայի Հանրապետություն (Քիշնև) $800 $700 34. Նիդերլանդների Թագավորություն (Ամստերդամ, Հաագա) € 2,100 € 1,900 35. Շվեդիայի Թագավորություն (Ստոկհոլմ) € 2,400 € 2,300 36. Շվեյցարիայի Համադաշնություն (Ժնև) 3,800 CHF 3,600 CHF 37. Չեխիայի Հանրապետություն (Պրահա) € 1,800 € 1,600 38. Չինաստանի Ժողովրդական Հանրապետություն (Պեկին) $1,400 $1,300 39. Ռումինիայի Հանրապետություն (Բուխարեստ) € 1,200 € 1,000 40. Ռուսաստանի Դաշնություն (Մոսկվա) $1,900 $1,800 41. Ռուսաստանի Դաշնություն (Սանկտ Պետերբուրգ) $1,250 $1,150 42. Ռուսաստանի Դաշնություն (Դոնի Ռոստով) $1,200 $1,100 43. Ռուսաստանի Դաշնություն (Սոչի) $1,300 $1,200 44. Սիրիայի Արաբական Հանրապետություն (Դամասկոս) $1,000 $900 45. Սիրիայի Արաբական Հանրապետություն (Հալեպ) $800 $750 46. Վատիկան € 2,600 € 2,400 47. Վիետնամի Սոցիալիստական Հանրապետություն (Հանոյ) $1,100 $1,000 48. Վրաստան (Թբիլիսի) $ 1,100 $ 900 49. Վրաստան (Բաթում) $700 $600 50. Ուկրաինա (Կիև) $1,400 $1,300 51. Ուկրաինա (Օդեսա) $1,100 $1,000 52. Կատարի Պետություն (Դոհա) $ 2,840 $ 2,740 53. Քուվեյթի Պետություն (Էլ Քուվեյթ) $3,200 $3,100 54. Ֆրանսիայի Հանրապետություն (Փարիզ) € 2,800 € 2,600 55. Ֆրանսիայի Հանրապետություն (Ստրասբուրգ) € 1,700 € 1,500 56. Ֆրանսիայի Հանրապետություն (Լիոն) € 1,500 € 1,300 57. Ֆրանսիայի Հանրապետություն (Մարսել) € 1,500 € 1,300 58. Ուրուգվայի Արևելյան Հանրապետություն (Մոնտեվիդեո) $2,000 $1,900 59. Լյուքսեմբուրգ (Լյուքսեմբուրգ) €2,400 €2,200 60. Սերբիայի Հանրապետություն (Բելգրադ) €1,550 €1,450 61. Կիպրոսի Հանրապետություն (Նիկոսիա) €1,550 €1,450 62. Հունգարիա (Բուդապեշտ) €1,700 €1,550 63. Օմանի Սուլթանություն (Մասկատ) $ 2,200 $ 2,000

»:

Հայաստանի Հանրապետության վարչապետի աշխատակազմի ղեկավար

Ա. Հարությունյան

08.01.2026 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Պաշտոնական հրապարակման օրը՝ 8 հունվարի 2026 թվական: