ՀՀ ՕՐԵՆՔԸ «ՀՀ ԳԵՐԱԳՈՒՅՆ ԽՈՐՀՐԴԻ ՄԱՍԻՆ», ԵՎ «ՀՀ ԳԵՐԱԳՈՒՅՆ ԽՈՐՀՐԴԻ ՊԱՏԳԱՄԱՎՈՐՆԵՐԻ ԸՆՏՐՈՒԹՅՈՒՆՆԵՐԻ ՄԱՍԻՆ» ՀՀ ՕՐԵՆՔՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Գլխավոր տեղեկություն
Համար
ՀՕ-98
Տիպ
Օրենք
Ակտի տիպ
Հիմնական ակտ (-մինչ օրս)
Սկզբնաղբյուր
ՀՀԳԽՏ 1994/8 (1060) 30 ապրիլ, Հոդ.111
Ընդունող մարմին
ՀՀ Գերագույն խորհուրդ
Ընդունման ամսաթիվ
29.03.1994
Ստորագրող մարմին
ՀՀ Նախագահ
Ստորագրման ամսաթիվ
26.04.1994

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

Օ Ր Ե Ն Ք Ը

 

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ ՄԱՍԻՆ», ԵՎ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ ՊԱՏԳԱՄԱՎՈՐՆԵՐԻ ԸՆՏՐՈՒԹՅՈՒՆՆԵՐԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

 

Հայաստանի Հանրապետության Գերագույն խորհուրդը որոշում է.

I. «Հայաստանի Հանրապետության Գերագույն խորհրդի մասին» Հայաստանի Հանրապետության օրենքում կատարել հետևյալ փոփոխությունները.

1. Օրենքի 10 հոդվածի 28-րդ կետը շարադրել հետևյալ խմբագրությամբ.

«28) լուծում է Գերագույն խորհրդի պատգամավորներին քրեական պատասխանատվության ենթարկելու վերաբերյալ Հայաստանի Հանրապետության գլխավոր դատախազի միջնորդության հարցը»:

2. Օրենքի 15 հոդվածի 8-րդ կետը շարադրել հետևյալ խմբագրությամբ.

«8) լուծում է Գերագույն խորհրդի պատգամավորության թեկնածուներին, տեղական խորհուրդների պատգամավորներին և պատգամավորության թեկնածուներին քրեական պատասխանատվության ենթարկելու վերաբերյալ Հայաստանի Հանրապետության գլխավոր դատախազի միջնորդության հարցը»:

3. Օրենքի 21 հոդվածի երրորդ մասը շարադրել հետևյալ խմբագրությամբ.

«Հայաստանի Հանրապետության Գերագույն խորհրդի պատգամավորը չի կարող ենթարկվել քրեական պատասխանատվության, նրա ազատությունը սահմանափակող միջոցների, կալանավորվել կամ դատական կարգով վարչական պատասխանատվության ենթարկվել առանց Գերագույն խորհրդի համաձայնության»:

II. «Հայաստանի Հանրապետության Գերագույն խորհրդի պատգամավորների ընտրությունների մասին» «Հայաստանի Հանրապետության օրենքում կատարել հետևյալ փոփոխությունը`

օրենքի 43 հոդվածը շարադրել հետևյալ խմբագրությամբ.

 

«Հոդված 43.

 Հայաստանի Հանրապետության Գերագույն խորհրդի պատգամավորության թեկնածուի անձեռնմխելիությունը

 

Հայաստանի Հանրապետության Գերագույն խորհրդի պատգամավորության թեկնածուն չի կարող ենթարկվել քրեական պատասխանատվության,

նրա ազատությունը սահմանափակող միջոցների, կալանավորվել կամ դատական կարգով վարչական պատասխանատվության ենթարկվել առանց Հայաստանի Հանրապետության Գերագույն խորհրդի նախագահության համաձայնության»:

III. Սույն օրենքը կիրարկել հրապարակման պահից:

 

Հայաստանի Հանրապետության

Նախագահ`

 Լ. Տեր-Պետրոսյան

 

26 ապրիլի 1994 թվականի,

քաղ. Երևան

Հ. Ն-1040-I.-ՀՕ-98

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան