ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՕՐԳԱՆԱԿԱՆ ԳՅՈՒՂԱՏՆՏԵՍՈՒԹՅԱՆ ՈԼՈՐՏՈՒՄ ՀԱՄԱՊԱՏԱՍԽԱՆՈՒԹՅԱՆ ՍԵՐՏԻՖԻԿԱՏ ՏԱԼՈՒ ԿԱՐԳԸ ԵՎ ՕՐԳԱՆԱԿԱՆ ԳՅՈՒՂԱՏՆՏԵՍԱԿԱՆ ԱՐՏԱԴՐԱՆՔԻ ՀԱՄԱՊԱՏԱՍԽԱՆՈՒԹՅԱՆ ՆՇԱՆԻ, ՀԱՄԱՊԱՏԱՍԽԱՆՈՒԹՅԱՆ ՍԵՐՏԻՖԻԿԱՏԻ ՁԵՎԵՐԸ ՀԱՍՏԱՏԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 հունիսի 2009 թվականի N 704-Ն

ՕՐԳԱՆԱԿԱՆ ԳՅՈՒՂԱՏՆՏԵՍՈՒԹՅԱՆ ՈԼՈՐՏՈՒՄ ՀԱՄԱՊԱՏԱՍԽԱՆՈՒԹՅԱՆ ՍԵՐՏԻՖԻԿԱՏ ՏԱԼՈՒ ԿԱՐԳԸ ԵՎ ՕՐԳԱՆԱԿԱՆ ԳՅՈՒՂԱՏՆՏԵՍԱԿԱՆ ԱՐՏԱԴՐԱՆՔԻ ՀԱՄԱՊԱՏԱՍԽԱՆՈՒԹՅԱՆ ՆՇԱՆԻ, ՀԱՄԱՊԱՏԱՍԽԱՆՈՒԹՅԱՆ ՍԵՐՏԻՖԻԿԱՏԻ ՁԵՎԵՐԸ ՀԱՍՏԱՏԵԼՈՒ ՄԱՍԻՆ

(վերնագիրը փոփ. 27.04.17 N 440-Ն)

Հիմք ընդունելով «Օրգանական գյուղատնտեսության մասին» Հայաստանի Հանրապետության օրենքի 7-րդ և 9-րդ հոդվածների դրույթները` Հայաստանի Հանրապետության կառավարությունը որոշում է.

1. Հաստատել`

1) օրգանական գյուղատնտեսության ոլորտում համապատասխանության սերտիֆիկատ տալու կարգը` համաձայն N 1 հավելվածի.

2) օրգանական գյուղատնտեսական արտադրանքի համապատասխանության նշանի ձևը` համաձայն N 2 հավելվածի.

3) օրգանական գյուղատնտեսական արտադրանքի համապատասխանության սերտիֆիկատի ձևը` համաձայն N 3 հավելվածի.

4) (ենթակետն ուժը կորցրել է 27.04.17 N 440-Ն)

(1-ի կետը փոփ. 27.04.17 N 440-Ն)

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Տ. Սարգսյան
2009 թ. հուլիսի 2 Երևան

Հավելված N 1 ՀՀ կառավարության 2009 թվականի հունիսի 26-ի N 704-Ն որոշման

Կ Ա Ր Գ

ՕՐԳԱՆԱԿԱՆ ԳՅՈՒՂԱՏՆՏԵՍՈՒԹՅԱՆ ՈԼՈՐՏՈՒՄ ՀԱՄԱՊԱՏԱՍԽԱՆՈՒԹՅԱՆ ՍԵՐՏԻՖԻԿԱՏ ՏԱԼՈՒ

1. Օրգանական գյուղատնտեսությամբ զբաղվող ֆիզիկական կամ իրավաբանական անձը (այսուհետ` տնտեսավարող սուբյեկտ) օրգանական գյուղատնտեսական արտադրանքի համապատասխանության սերտիֆիկատ ստանալու նպատակով սերտիֆիկացման մարմին է ներկայացնում հայտ` համաձայն ձևի, որում պարտադիր նշվում են`

1) իրավաբանական անձի և անհատ ձեռնարկատիրոջ դեպքում` անվանումը, գտնվելու և գործունեության իրականացման վայրերը, հեռախոսահամարը, իսկ ֆիզիկական անձի դեպքում` անունը, ազգանունը, անձնագրի պատճենը, հաշվառման և բնակության վայրերը (եթե տարբեր են) և գործունեության իրականացման վայրը, հեռախոսահամարը.

2) գյուղացիական արտադրանք արտադրելու նպատակով համատեղ գործունեության պայմանագիր կնքած ֆիզիկական անձանց դեպքում` պայմանագրի պատճենը.

3) օրգանական գյուղատնտեսական գործունեության վարման տարածքի (հողատարածք, պահեստ, արտադրամաս և այլն) սեփականության, վարձակալության կամ անհատույց օգտագործման իրավունքները հավաստող փաստաթղթերի պատճենները.

4) առկա բուսատեսակների, կենդանիների և մեղվափեթակների քանակությունը.

5) Հայաստանի Հանրապետության կառավարության 2009 թվականի ապրիլի 30-ի N 451-Ն որոշմամբ հաստատված անվանացանկում (այսուհետ` թույլատրելի նյութերի ցանկ) չընդգրկված նյութերի վերջին անգամ օգտագործման տարեթիվը:

(1-ին կետը փոփ. 29.03.12 N 367-Ն, փոփ., լրաց. 27.04.17 N 440-Ն)

2. Սերտիֆիկացման մարմինը երկօրյա ժամկետում քննության է առնում ներկայացված փաստաթղթերը և դրական եզրակացության դեպքում`

1) (ենթակետն ուժը կորցրել է 27.04.17 N 440-Ն)

2) տնտեսավարող սուբյեկտի հետ կնքում է «Օրգանական գյուղատնտեսական արտադրանքի համապատասխանության սերտիֆիկատ տալու մասին» պայմանագիր, եթե տնտեսավարող սուբյեկտը ծավալում է օրգանական գյուղատնտեսության օրենսդրությանը համապատասխան գործունեություն:

(2-րդ կետը փոփ. 27.04.17 N 440-Ն)

3. Եթե տարվա ընթացքում բոլոր աշխատանքները կատարվել են օրգանական գյուղատնտեսության մասին օրենսդրությանը համապատասխան, ապա սերտիֆիկացման մարմինը տնտեսավարող սուբյեկտին տալիս է oրգանական գյուղատնտեսական արտադրանքի համապատասխանության սերտիֆիկատ, որում պարտադիր նշվում են`

1) սերտիֆիկատի համարը.

2) արտադրողի անունը, ազգանունը (անվանումը) և հաշվառման կամ գտնվելու վայրը.

3) գործունեության ոլորտը (բուսաբուծություն, անասնապահություն, վերամշակում, մեղվաբուծություն).

4) տվյալ տարում արտադրված արտադրանքի խմբաքանակի համարը և քանակը (քաշը).

5) արտադրանքը ճանաչվել է օրգանական, թե անցումային շրջանի օրգանական.

6) սերտիֆիկացման մարմնի անվանումը, գտնվելու կամ գործունեության իրականացման վայրը, հավատարմագրման վկայականի համարը.

7) սերտիֆիկացման մարմնի կողմից տնտեսավարող սուբյեկտի մոտ իրականացված դիտարկումների օրերը.

8) սերտիֆիկացման մարմնի կողմից կիրառված տեխնիկական կանոնակարգերը և ստանդարտները.

9) սերտիֆիկացման մարմնի տնօրենի ստորագրությունը և կնիքը.

10) սերտիֆիկացման մարմնի նույնականացման նշագիրը, եթե այն առկա է.

11) սերտիֆիկատի գործողության ժամկետը:

4. Սերտիֆիկացման մարմինն օրգանական գյուղատնտեսությամբ զբաղվող տնտեսավարող սուբյեկտներին օրգանական գյուղատնտեսությամբ զբաղվող տնտեսավարող սուբյեկտների պետական գրանցամատյանում գրանցելու, գրանցումից հանելու, սերտիֆիկատի գործողությունը կասեցնելու կամ դադարեցնելու դեպքում` եռօրյա ժամկետում պաշտոնական գրությամբ տեղեկացնում է գրանցամատյանը վարող պետական կառավարման լիազոր մարմնին:

5. Սերտիֆիկացման մարմինը գրանցամատյանը վարող պետական կառավարման լիազոր մարմին է ներկայացնում հետևյալ տեղեկատվությունը՝

1) տնտեսավարող սուբյեկտ իրավաբանական անձի անվանումը կամ ֆիզիկական անձի, այդ թվում՝ անհատ ձեռնարկատիրոջ անունը, ազգանունը.

2) իրավաբանական անձի և անհատ ձեռնարկատիրոջ դեպքում՝ գտնվելու և գործունեության իրականացման վայրերը, իսկ ֆիզիկական անձի դեպքում՝ բնակության ու հաշվառման վայրը (եթե տարբեր են) և գործունեության իրականացման վայրը.

3) տնտեսավարող սուբյեկտի հեռախոսահամարը.

4) իրավաբանական անձի պետական գրանցման կամ անհատ ձեռնարկատիրոջ հաշվառման համարը.

5) օրգանական գյուղատնտեսական արտադրանքի համապատասխանության սերտիֆիկատի համարը.

6) օրգանական (անցումային շրջանի օրգանական) ճանաչված արտադրանքի արտադրման ամսաթիվը, տեսակը, խմբաքանակի համարը և քանակը (քաշը).

7) սերտիֆիկատի գործողության կասեցման կամ դադարեցման ամսաթիվը:

(5-րդ կետը լրաց. 27.04.17 N 440-Ն)

Հայաստանի Հանրապետության կառավարության աշխատակազմի ղեկավար

Դ. Սարգսյան

Ձև

Հ Ա Յ Տ

ՕՐԳԱՆԱԿԱՆ ԳՅՈՒՂԱՏՆՏԵՍՈՒԹՅԱՆ ՈԼՈՐՏՈՒՄ ՍԵՐՏԻՖԻԿԱՑՄԱՆ ՄԱՍԻՆ

Խնդրում եմ տրամադրել օրգանական գյուղատնտեսության ոլորտում համապատասխանության սերտիֆիկատ

1. _________________________________________________________

(իրավաբանական անձի անվանումը, ֆիզիկական անձի անունը, ազգանունը)

2. _________________________________________________________

(իրավաբանական անձի և անհատ ձեռնարկատիրոջ դեպքում` գտնվելու և գործունեության իրականացման վայրերը, հեռախոսահամարը,

___________________________________________________________

իսկ ֆիզիկական անձի դեպքում` հաշվառման և բնակության վայրը (եթե տարբեր են) և գործունեության իրականացման վայրը, հեռախոսահամարը)

___________________________________________________________

___________________________________________________________

Իրավաբանական անձի պետական գրանցման/անհատ ձեռնարկատիրոջ հաշվառման համարը   □□□□□□□□□

3. Իմ կողմից գործունեություն ծավալած տարածքում Հայաստանի Հանրապետության կառավարության 2009 թվականի ապրիլի 30-ի N 451-Ն որոշմամբ հաստատված անվանացանկում չընդգրկված նյութ վերջին անգամ օգտագործվել է ............. թվականին:

4. Հայտին կից ներկայացվող փաստաթղթերն են`

1) անձնագրի պատճենները, իսկ գյուղացիական արտադրանք արտադրելու նպատակով համատեղ գործունեության պայմանագիր կնքած ֆիզիկական անձանց դեպքում` պայմանագրի և անձնագրի պատճենները.

2) օրգանական գյուղատնտեսական գործունեության վարման տարածքի (հողատարածք, պահեստ, արտադրամաս և այլն) սեփականության, վարձակալության կամ անհատույց օգտագործման իրավունքները հավաստող փաստաթղթերի պատճենները.

3) տեղեկանք առկա բուսատեսակների, կենդանիների և մեղվափեթակների քանակությունների մասին:

Հայտնում եմ, որ ներկայացված փաստաթղթերը և դրանցում նշված տեղեկությունները ճիշտ են, որի համար ստորագրում եմ:

5. Տալիս եմ իմ համաձայնությունը՝ հայտում նշված անձնական տվյալները գյուղատնտեսության ոլորտում Հայաստանի Հանրապետության կառավարության լիազոր մարմնին փոխանցելու համար □

(լրացվում է միայն անհատ ձեռնարկատեր չհանդիսացող ֆիզիկական անձանց կողմից):

___________________	___________________
(ստորագրությունը)	(անունը, ազգանունը)
____ _____________ 20 թ.

(ձևը լրաց., փոփ. 27.04.17 N 440-Ն)

(հավելվածը փոփ. 29.03.12 N 367-Ն, փոփ., լրաց. 27.04.17 N 440-Ն)

Հավելված N 2 ՀՀ կառավարության 2009 թվականի հունիսի 26-ի N 704-Ն որոշման

Ձև

1. «Հայաստան օրգանական» տարբերանշանը հանդիսանում է հայկական օրգանական արտադրանքի հավաստման և նշագրման հիմնական խորհրդանիշը, որն ընդգծում է Հայաստանի մշակութային և ազգային ինքնությունը, ինչն արտահայտվում է նռան պատկերով՝ որպես պտղաբերության և հարստության ավանդական խորհրդանիշ:

2. Խորհրդանիշը – տարբերանշանի կենտրոնական հատվածում տեղադրված է երեք նուռ, որոնք խորհրդանշում են Հայաստանի բնորոշ ազգային պտուղներից մեկը՝ նուռը։ Նուռը հայկական մշակույթում և պատմության մեջ ավանդաբար խորհրդանշում է առատությունն ու հաջողությունը, ինչպես նաև երկրի բերքատու և բնական ռեսուրսներով հարուստ լինելը։ Նռների բազմությունը տարբերանշանի կենտրոնում ստեղծում է առատության և բարգավաճման պատկեր, ինչը համընկնում է օրգանական արտադրանքի գաղափարի հետ։

3. Գույնը - օգտագործված հիմնական գույները՝ կանաչը և կարմիրը, ունեն հատուկ նշանակություն։ Կանաչը ներկայացնում է բնության հանդեպ հարգանքն ու պարտավորվածությունը՝ խորհրդանշելով օրգանական գյուղատնտեսությունը և շրջակա միջավայրի պահպանությունը։ Կարմիրը՝ նռան պտուղների գույնը, խորհրդանշում է Հայաստանի ուժը, ավանդույթները և այն հարուստ մշակութային ժառանգությունը, որից բխում է օրգանական արտադրանքի գաղափարը։

4. Գրվածքը - հայերենով գրված «Հայաստան օրգանական» արտահայտությունը, ինչպես նաև "Armenia Organic" անգլերեն գրառումն ամբողջացնում են տարբերանշանի ազգային ու միջազգային դիմագիծը՝ այն դարձնելով հասկանալի և ընդունելի ինչպես տեղական, այնպես էլ միջազգային շուկայում։

5. Շրջանակը - տարբերանշանն ունի կլորացված շրջանակ, որն ընդգծում է «կնիքի» գաղափարը, ինչը նշանակում է հավաստում և երաշխիք։ Շրջանակի դիզայնը ստեղծում է պաշտոնականության և վստահության զգացում՝ ցույց տալով, որ «Հայաստան օրգանական» տարբերանշանն իրականում հանդիսանում է օրգանական արտադրանքի հավաստագիր։

6. Կիրառումը - տարբերանշանի կենտրոնական գաղափարը հիմնված է Հայաստանի օրգանական արտադրանքը ճանաչելի դարձնելու վրա։ Այս տարբերանշանը հուշում է, որ ապրանքը համապատասխանում է «Օրգանական գյուղատնտեսության մասին» օրենքի պահանջներին, անցել է համապատասխան ստուգումներ և ունի օրգանական գյուղատնտեսական արտադրանքի համապատասխանության սերտիֆիկատ։ Նշանը, որը կներկայացվի օրգանական արտադրանքների վրա, հանդիսանում է հուսալիության և որակի բարձր ցուցիչ։

7. Հիմնական տարբերանշանը - հիմնական տարբերակը ներկայացված է կանաչ շրջանակով և կարմիր նռներով, նախատեսված է օգտագործման համար միայն բաց գույնի հիմնագույնի վրա՝ ապահովելով տարբերանշանի ճանաչելիությունն ու ընթեռնելիությունը։ Այս տարբերակն է առաջարկվում օգտագործել, երբ հնարավոր է կիրառել ամբողջական գունավոր տարբերակը՝ առանց համադրման խնդիրների։

8. Երկրորդական տարբերանշանը - երկրորդական տարբերակը նախատեսված է մուգ կամ կանաչ հիմնագույների համար, որպեսզի պահպանվեն տարբերանշանի ընթեռնելիությունը և տեսանելիությունը։ Այս տարբերակում շրջանակը և տեքստը ներկայացված են սպիտակ գույնով, իսկ նռները մնում են կարմիր։ Այս տարբերակը ստեղծվել է տեսանելիություն և ընթեռնելիություն ապահովելու համար մուգ հիմնագույներով պիտակների կամ փաթեթավորման կիրառման դեպքում։

9. Միագույն տարբերակը - նախատեսված է այն դեպքերում, երբ տարբերանշանը տպագրվում է միայն մեկ գույնով՝ արտադրության կամ տեխնիկական պահանջների պատճառով։

10. Սպիտակ տարբերանշանը՝ մուգ հիմնագույնի վրա - կիրառվում է մուգ գույնի հիմնագույների վրա՝ տարբերանշանը դարձնելով ընթեռնելի։

11. Կանաչ տարբերանշանը՝ բաց հիմնագույնի վրա - նախատեսված է բաց գույների վրա օգտագործելու համար։

12. Սև տարբերանշանը՝ բաց կամ մուգ հիմնագույնի վրա - նախատեսված է միագույն և բազմագույն տպագրությունների համար։

13. Սև տարբերանշանը՝ բաց հիմնագույնի վրա - տարբերանշանի սև գույնի տարբերակը նախատեսված է միագույն և բազմագույն տպագրությունների համար, որտեղ հիմնագույնը բաց է կամ սպիտակ։

14. Սպիտակ տարբերանշանը՝ մուգ հիմնագույնի վրա - տարբերանշանի սպիտակ գույնի տարբերակը նախատեսված է միագույն և բազմագույն տպագրությունների համար, որտեղ հիմնագույնը մուգ է կամ պարունակում է մուգ գույնի պատկեր։

15. Տարբերանշանի անթույլատրելի կիրառումը - տարբերանշանի ձևի փոփոխությունները, գունային տարբերությունները կամ ակնհայտ փոփոխությունները խստորեն արգելվում են։

16. «Հայաստան օրգանական» տարբերանշանը հանդիսանում է պետական հավաստագիր և ճանաչելի խորհրդանիշ, որում արտահայտվում են Հայաստանի օրգանական արտադրանքի որակի չափանիշները և բնապահպանական հավատարմությունը։ Տարբերանշանի օգտագործման ձևի փոփոխությունը կարող է վնասել դրա ճանաչելիությանը և արժեզրկել այն, ինչն ի վերջո կարող է տարակուսանք առաջացնել սպառողների շրջանում:

17. Գույները - տարբերանշանի գունային ներկապնակը հիմնված է երկու հիմնական գույների վրա՝ Արարատյան կանաչ և Նռան կարմիր։ Տարբերանշանի գույները պետք է խստորեն պահպանվեն և օգտագործվեն համապատասխան գունային մոդելների՝ RGB, CMYK և HEX կոդերով։

18. ԱՐՋԻԲԻ (RGB), (կարմիր, կանաչ, կապույտ) – նախատեսված է թվային կրիչների համար, օրինակ՝ կայքեր, սոցիալական մեդիա և այլ թվային հարթակներ։ ԱՐՋԻԲԻ գունային մոդելը լավագույնս ներկայացնում է գույների պայծառությունն էկրանների վրա։

19. ՍԻԷՄՈՒԱՅՔԵՅ (CMYK) – նախատեսված է տպագրության համար, ներառյալ փաթեթավորում, պիտակներ և ցանկացած տպագիր նյութեր։ ՍԻԷՄՈՒԱՅՔԵՅ գունային մոդելն ապահովում է ճշգրիտ գույնի վերարտադրությունը տպագրության ժամանակ։

20. Էյջիէքս (HEX) – կիրառվում է վեբ դիզայնի և ցանկացած ԷՅՋԹԻԷՄԷԼ (HTML) կամ ՍԻԷՍԷՍ (CSS) կոդավորման համար։ Էյջիէքս HEX գույնն ապահովում է գունային միատարրությունը թվային միջավայրում։

Նռան կարﬕր

RGB: 232 / 39 / 62

CMYK: 0 / 100 / 80 / 0

HEX: #E8273E

Արարատյան կանաչ

RGB: 50 / 163 / 60

CMYK: 80 / 10 / 100 / 0

HEX: #32A33C

21. Տառատեսակ - տարբերանշանում կիրառվում են երկու հիմնական տառատեսակներ, որոնցից յուրաքանչյուրն ունի հատուկ նպատակ՝ ապահովելու թե՛ տարբերանշանի տեսողական ազդեցությունը, թե՛ տեխնիկական տեղեկությունների ընթեռնելիությունը։

22. Բրեինդ Քափշոն (Braind Caption) - Այս տառատեսակն օգտագործվում է տարբերանշանի հիմնական տեքստի համար՝ ընդգծելով բրենդի ինքնությունն ու ազգային առանձնահատկությունը։ Այս տառատեսակը ներդաշնակ է տարբերանշանի գունային և տեսողական տարրերի հետ՝ փոխանցելով վստահության և հուսալիության զգացում:

23. Մարդոթո (Mardoto) - Տառատեսակը կիրառվում է տեխնիկական տեղեկությունների համար, ինչպիսին է հավաստագրի, սերտիֆիկատ տվող մարմնի մասին տեղեկատվությունը։ Այս տառատեսակն ապահովում է հեշտ ընթեռնելիություն՝ մանր տպագիր տեքստերի համար՝ պահպանելով բրենդի պրոֆեսիոնալ և պաշտոնական բնույթը։

24. Համատեղ կիրառում այլ տարբերանշանների հետ - տարբերանշանը կարող է կիրառվել այլ տարբերանշանների հետ, ինչպիսին է «ԵՄ օրգանական» տարբերանշանը։ Համատեղ կիրառման դեպքում անհրաժեշտ է ապահովել, որ երկու տարբերանշաններն էլ ունենան համապատասխան տարածություն և հստակ տեսանելիություն՝ պահպանելով դրանց կիրառման անհատական չափանիշները։

25. Հեռավորությունը - «Հայաստան օրգանական» և մյուս տարբերանշանների միջև տարածությունը պետք է լինի ոչ պակաս, քան տարբերանշանի ներքին սպիտակ շրջանի կեսը։ Այս հեռավորությունն ապահովում է տարբերանշանների ինքնուրույնությունը և ընթեռնելիությունը՝ կանխելով դրանց միաձուլումը։

26. Չափսերը - համատեղ օգտագործման ժամանակ «ԵՄ օրգանական» կամ այլ տարբերանշանների բարձրությունը պետք է լինի փոքր-ինչ փոքր «Հայաստան օրգանական» տարբերանշանից։ Մասնավորապես, այդ բարձրությունը որոշվում է տարբերանշանի ծաղկային դիզայնի ստորին կետի մակարդակից։

27. Սերտիֆիկացման տեղեկատվության տեղադրում տարբերանշանի հետ - «Հայաստան օրգանական» տարբերանշանի կողքին կամ ներքևում պարտադիր է նշել հավաստագրման վերաբերյալ տեղեկատվությունը՝ նշելով հավաստագրող մարմնի իրավաբանական անվանումը: Տեղեկատվությունը կարող է տեղադրվել տարբերանշանի բոլոր կողմերում, սակայն առավել ցանկալի է այն տեղադրել աջ կողմում՝ հորիզոնական դիրքում, կամ անմիջապես ներքևում՝ ուղղահայաց դիրքում։ Հորիզոնական դիրքի դեպքում տեքստի բարձրությունը պետք է կազմի տարբերանշանի բարձրության 40%-ից մինչև 50%-ը՝ ապահովելով համաչափություն։

28. Սերտիֆիկացման տեղեկատվության տեղադրում տարբերանշանի հետ, ուղղահայաց կիրառում - ուղղահայաց դիրքում տեքստը պետք է կազմի տարբերանշանի բարձրության 20%-ից մինչև 40%-ը՝ պահպանելով տարբերանշանի և տեղեկատվության միջև համաչափ տեսողական հավասարակշռությունը։

29. Կիրառման օրինակներ - «Հայաստան օրգանական» տարբերանշանը պիտակների վրա օգտագործելու ժամանակ անհրաժեշտ է հետևել որոշակի չափորոշիչների, որոնք ապահովում են դրա ճանաչելիությունը և ընկալելիությունը։ Տարբերանշանը պետք է լինի պարզ և հստակ, անկախ այն ձևից կամ չափից, որտեղ այն կիրառվում է։

(հավելվածը խմբ. 21.05.26 N 694-Ն)

Հավելված N 3 ՀՀ կառավարության 2009 թվականի հունիսի 26-ի N 704-Ն որոշման

Ձև

Սույն սերտիֆիկատը վկայում է, որ գործելով _______________________________

______________________________________________________ոլորտում,

(գործունեության ոլորտը)

____________________________________________________________

(տնտեսավարող սուբյեկտի հաշվառման կամ գտնվելու վայրը, անունը, ազգանունը (անվանումը)

կողմից 20   թ. արտադրված ___________________________________________

(խմբաքանակի համարը և քանակը (քաշը)

____________________________________________________________

(արտադրանքի տեսակը)

ճանաչվել է _____________________________________________ արտադրանք:

(օրգանական (անցումային շրջանի օրգանական)

Սերտիֆիկացման մարմնի`

Անվանումը ____________________________________________________

Գտնվելու կամ

գործունեության

իրականացման վայրը ______________________________________________

Հավատարմագրման վկայականի համարը __________________________________

Տարվա ընթացքում կատարվել է ______ դիտարկում

___________________________________________________________

(դիտարկումների օրերը)

___________________________________________________________

___________________________________________________________

(նշումներ սերտիֆիկացման մարմնի կողմից կիրառված տեխնիկական կանոնակարգերի կամ ստանդարտների մասին)

Տնօրեն ___________________	___________________
(ստորագրությունը)	(անունը, ազգանունը)
Կ.Տ.
Տրված է … ……………. 20   թ.	Ուժի մեջ է մինչև …. ………....20   թ.

(հավելվածը խմբ. 21.05.26 N 694-Ն)

Հավելված N 4 ՀՀ կառավարության 2009 թվականի հունիսի 26-ի N 704-Ն որոշման

Ս Ե Ր Տ Ի Ֆ Ի Կ Ա Տ

ՕՐԳԱՆԱԿԱՆ ԳՅՈՒՂԱՏՆՏԵՍՈՒԹՅԱՆ ՈԼՈՐՏԻ ԱՐՏԱԴՐՈՒԹՅԱՆ ՄԵԹՈԴԻ ՀԱՄԱՊԱՏԱՍԽԱՆՈՒԹՅԱՆ
(հավելվածն ուժը կորցրել է 27.04.17 N 440-Ն)