ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀՀ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ ՋՐԵՐԻ ՎՆԱՍԱԿԱՐ ՆԵՐԳՈՐԾՈՒԹՅՈՒՆԸ ԿԱՆԽՈՂ ԲՆԱՊԱՀՊԱՆ ՄԻՋՈՑԱՌՈՒՄՆԵՐԻ ՖԻՆԱՆՍԱՎՈՐՄԱՆ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

19 ապրիլի 1994 թ. N 177

Քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ ՋՐԵՐԻ ՎՆԱՍԱԿԱՐ ՆԵՐԳՈՐԾՈՒԹՅՈՒՆԸ ԿԱՆԽՈՂ ԲՆԱՊԱՀՊԱՆ ՄԻՋՈՑԱՌՈՒՄՆԵՐԻ ՖԻՆԱՆՍԱՎՈՐՄԱՆ ՄԱՍԻՆ

Գյուղատնտեսական արտադրության մեջ օգտագործվող հողերը հեղեղումներից, ջրածածկումներից և ողողումներից պաշտպանելու, ինչպես նաև հողերի մելիորատիվ վիճակը պաշտպանող միջոցառումներն իրականացնելու նպատակով Հայաստանի Հանրապետության կառավարությունը որոշում է.

1. Ջրերի վնասակար ներգործությունը կանխող բնապահպան միջոցառումների կատարման պատվիրատու սահմանել Հայաստանի Հանրապետության բնության և շրջակա միջավայրի պահպանության նախարարությունը:

2. Հայաստանի Հանրապետության բնության և շրջակա միջավայրի պահպանության նախարարությանը` սահմանված կարգով ընտրել կապալառու կազմակերպություն և պահանջվող ժամկետներում կատարել նշված աշխատանքները:

3. Հայաստանի Հանրապետության ֆինանսների նախարարությանը` գյուղատնտեսության մեջ օգտագործվող հողերը ջրածածկումներից և ողողումներից պաշտպանելու, ինչպես նաև հողերի մելիորատիվ վիճակը պահպանելու նպատակով կոլեկտորադրենաժային համակարգերի մաքրման միջոցառումների իրականացման համար, ներկայացված հաշվարկների հիման վրա Հայաստանի Հանրապետության բնության և շրջակա միջավայրի պահպանության նախարարությանը 1994 թվականին հատկացնել 81,08 մլն դրամ, այդ թվում առաջին կիսամյակում` 50 տոկոսի չափով` 6 ամիս հետո փոխհատուցելու պայմանով:

ՀԱՅԱՍՏԱՆի հանրապետության վարչապետ

Հ. ԲԱԳՐԱՏՅԱՆ

ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐիչ

Ա. ԽԱՉԱՏՐՅԱՆ