ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
31 դեկտեմբերի 1994 թվականի N 609
Քաղ. Երևան
1995 ԹՎԱԿԱՆԻ ՍԵՎԱՆԱ ԼՃԻՑ ՋՐԻ ԲԱՑԹՈՂՄԱՆ ՉԱՓԱՔԱՆԱԿՆԵՐԻ ՄԱՍԻՆ
Ի փոփոխումն Հայաստանի Հանրապետության կառավարության 1994 թվականի օգոստոսի 19-ի «1994 թվականին Սևանա լճից ջրի բացթողման չափաքանակների հաստատման մասին» N 382 որոշման 1-ին կետի, Հայաստանի Հանրապետության կառավարությունը որոշում է.
1. Էներգետիկ կարիքների համար Սևանա լճից բացթողնվող ջրի քանակը 1995 թվականի հունվարի 1-ից մինչև ապրիլի 16-ը սահմանել օրական մինչև 2 մլն խոր. մետր:
2. Թույլատրել էներգետիկ կարիքների համար բացառության կարգով Սևանա լճից բացթողնվող ջրի քանակը 1994 թվականի դեկտեմբերի 31-ին ավելացնել 1,5 մլն, իսկ 1995 թվականի հունվարի 1-ին` 2 մլն խոր. մետրով:
Հայաստանի Հանրապետության էներգետիկայի և վառելիքի նախարարությանը` Սևանա լճից լրացուցիչ բացթողնված 3,5 մլն խոր. մետր ջրի քանակը փոխհատուցել մինչև 1995 թվականի հունվարի 15-ը:
|
ՀԱՅԱՍՏԱՆի հանրապետության վարչապետ |
Հ. ԲԱԳՐԱՏՅԱՆ |
|
ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐիչ |
Ս. ՄԱՆԱՍԱՐՅԱՆ |