ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀՀ ԳՅՈՒՂԱՑԻԱԿԱՆ, ԳՅՈՒՂԱՑԻԱԿԱՆ ԿՈԼԵԿՏԻՎ ՏՆՏԵՍՈՒԹՅՈՒՆՆԵՐԻ, ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ ՈՒ ՊԱՀՈՒՍՏԻ ՀՈՂԱՏԱՐԱԾՔՆԵՐՈՒՄ ԵՂԱԾ ԾԵՐԱՑԱԾ, ԱՐՏԱԴՐԱԿԱՆ ՆՇԱՆԱԿՈՒԹՅՈՒՆԸ ԿՈՐՑՐԱԾ, ՈՉ ԼԻԱՐԺԵՔ ԽԱՂՈՂԻ ՈՒ ՊՏՂԱՏՈՒ ԱՅԳԻՆԵՐԻ ԴՈՒՐՍԳՐՄԱՆ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

31 դեկտեմբերի 1994 թ. N 611

Քաղ. Երևան

Ընդունել պատգամավորների Արարատի, Արմավիրի, Աշտարակի, Էջմիածնի, Կապանի, Մասիսի, Նաիրիի, Տաուշի, Կոտայքի, Նոյեմբերյանի ու Մարտունու շրջխորհուրդների գործկոմների առաջարկությունները` համաձայնեցված Հայաստանի Հանրապետության էկոնոմիկայի նախարարության, ֆինանսների նախարարության, արդարադատության նախարարության ու գյուղատնտեսության նախարարության հետ, և Հայաստանի Հանրապետության հողային հաշվեկշռից դուրս գրել նշված շրջանների գյուղացիական, գյուղացիական կոլեկտիվ տնտեսությունների, պետական ձեռնարկությունների ու պետական պահուստի հողատարածքներում եղած ծերացած, արտադրական նշանակությունը կորցրած, ոչ լիարժեք 504,84 հեկտար խաղողի և 1530,44 հեկտար պտղատու այգիներ, համաձայն հավելվածի*), դրանք դասելով վարելահողերի շարքը:

_____________________

*) Հավելվածը չի բերվում:

ՀԱՅԱՍՏԱՆի հանրապետության վարչապետ

Հ. ԲԱԳՐԱՏՅԱՆ

ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐիչ

Ս. ՄԱՆԱՍԱՐՅԱՆ