600.0201.29.07.26
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ
|
29 հուլիսի 2026 թվականի |
N 201-Ն |
Ո Ր Ո Շ ՈՒ Մ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2019 ԹՎԱԿԱՆԻ ԴԵԿՏԵՄԲԵՐԻ 25-Ի N 522-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները` Հայաստանի Հանրապետության հանրային ծառայությունները կարգավորող հանձնաժողովը որոշում է.
1. Հայաստանի Հանրապետության հանրային ծառայությունները կարգավորող հանձնաժողովի 2019 թվականի դեկտեմբերի 25-ի «Հայաստանի Հանրապետության էլեկտրաէներգետիկական շուկայի հաղորդման ցանցային կանոնները հաստատելու և Հայաստանի Հանրապետության հանրային ծառայությունները կարգավորող հանձնաժողովի 2017 թվականի մայիսի 17-ի N 161-Ն որոշումն ուժը կորցրած ճանաչելու մասին» N 522-Ն որոշման հավելվածում (այսուհետ՝ ԷՀՑ կանոններ) կատարել հետևյալ լրացումները և փոփոխությունները.
1) ԷՀՑ կանոնների 99-րդ կետի 7-րդ ենթակետում, 151.1-ին կետի 1-ին ենթակետի «բ» պարբերությունում, 28.2-րդ գլխի վերնագրում, 183.11-րդ և 183.16-րդ կետերում «ՎԷԱ» բառից առաջ լրացնել «1 ՄՎտ-ից ավելի դրվածքային հզորությամբ» բառերը,
2) ԷՀՑ կանոնների 145-րդ կետում «: Սույն կետում նշված ցուցանիշը կարող է պակաս լինել Համակարգի օպերատորի Կարգավարման կարգադրություններով պայմանավորված սահմանափակումների դեպքում» բառերը փոխարինել «, որը չի ներառում ԷՀՑ կանոնների համաձայն Համակարգի օպերատորի Կարգավարման կարգադրություններով պայմանավորված սահմանափակումները» բառերով,
3) ԷՀՑ կանոնների 183.14-րդ կետում «էներգիայի» բառից հետո լրացնել «քանակը,» բառը, «Կարգավարման կարգադրության սզբից» բառերը փոխարինել «մեկ անգամ տվյալ օրվա Կարգավարման կարգադրության սկզբից» բառերով, «ՎԷԱ» բառից առաջ լրացնել «1 ՄՎտ-ից ավելի դրվածքային հզորությամբ» բառերը, իսկ «Շուկայի օպերատորը» բառերից հետո լրացնել «՝ ՇԿԾ-ի միջոցով» բառերը,
4) ԷՀՑ կանոնների 183.15-րդ կետում «ՎԷԱ» բառից առաջ լրացնել «1 ՄՎտ-ից ավելի դրվածքային հզորությամբ» բառերը, իսկ «շեղումը» բառը փոխարինել «գերազանցումը» բառով,
5) ԷՀՑ կանոնների 235-րդ կետում «համակարգի» բառից հետո լրացնել «(այսուհետ՝ ԲԷԱՀ)» բառերը,
6) ԷՀՑ կանոնների 260-րդ կետում «Բաշխողի էլեկտրական էներգիայի հաշվառման ավտոմատացված համակարգի» բառերը փոխարինել «ԲԷԱՀ-ի» բառով:
2. Սույն որոշումն ուժի մեջ է մտնում 2026 թվականի օգոստոսի 1-ից։
|
Հայաստանի Հանրապետության հանրային ծառայությունները կարգավորող հանձնաժողովի նախագահ` |
Մ. Մեսրոպյան |
|
ք. Երևան 29 հուլիսի 2026թ. |
Պաշտոնական հրապարակման օրը՝ 31 հուլիսի 2026 թվական:
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|