ՀՀ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ ՈՐՈՇՈՒՄԸ «ԵՐԵԽԱՆԵՐԻ ԵՐԿԱՐԱԺԱՄԿԵՏ ՇՈՒՐՋՕՐՅԱ ԽՆԱՄՔ ՏՐԱՄԱԴՐՈՂ ՀԱՍՏԱՏՈՒԹՅՈՒՆՆԵՐԻ ԳՈՐԾՈՒՆԵՈՒԹՅԱՆ ՄԱՍԻՆ» ՁԵՎ 1-ԽՆԱՄՔ (ՏԱՐԵԿԱՆ) ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ՀԱՍՏԱՏԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

«ԵՐԵԽԱՆԵՐԻ ԵՐԿԱՐԱԺԱՄԿԵՏ ՇՈՒՐՋՕՐՅԱ ԽՆԱՄՔ ՏՐԱՄԱԴՐՈՂ ՀԱՍՏԱՏՈՒԹՅՈՒՆՆԵՐԻ ԳՈՐԾՈՒՆԵՈՒԹՅԱՆ ՄԱՍԻՆ» ՁԵՎ 1-ԽՆԱՄՔ (ՏԱՐԵԿԱՆ) ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պաշտոնական վիճակագրության մասին» օրենքի 10-րդ հոդվածի 3-րդ մասի 1-ին կետի և 18-րդ հոդվածի 4-րդ մասի դրույթներով՝ Հայաստանի Հանրապետության վիճակագրության պետական խորհուրդը որոշում է.

1. Հաստատել «Երեխաների երկարաժամկետ շուրջօրյա խնամք տրամադրող հաստատությունների գործունեության մասին» Ձև 1-խնամք (տարեկան) վիճակագրական հաշվետվության ձևը՝ համաձայն հավելվածի 1-ի:

2. Հաստատել «Երեխաների երկարաժամկետ շուրջօրյա խնամք տրամադրող հաստատությունների գործունեության մասին» Ձև 1-խնամք (տարեկան) վիճակագրական հաշվետվության լրացման հրահանգը՝ համաձայն հավելվածի 2-ի:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը։

Նախագահ՝   20 օգոստոս 2026 թ.

Ս. Մնացականյան

Հավելված 1  Հայաստանի Հանրապետության վիճակագրության պետական խորհրդի 2026 թվականի օգոստոսի 20-ի թիվ 05-Ն որոշման

ՁԵՎ 1-խնամք (տարեկան)

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐԱԿԱՆ ԿՈՄԻՏԵ

ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ

ԵՐԵԽԱՆԵՐԻ ԵՐԿԱՐԱԺԱՄԿԵՏ ՇՈՒՐՋՕՐՅԱ ԽՆԱՄՔ ՏՐԱՄԱԴՐՈՂ ՀԱՍՏԱՏՈՒԹՅՈՒՆՆԵՐԻ ԳՈՐԾՈՒՆԵՈՒԹՅԱՆ ՄԱՍԻՆ

Ղեկավար`	___________________________ (Ազգանուն, անուն)	_______________________ (Ստորագրություն)
Լրացնող (լիազորված անձ)`	___________________________ (Ազգանուն, անուն)	_______________________ (Ստորագրություն)
	« ____ » ____________  _____թ.

Բաժին 1. Շենքային պայմանները

միավոր

Բաժին 2. Շենքի և դրան կից կամ ամրակցված այլ տարածքների ընդհանուր մակերեսը

քառ. մ

Բաժին 3. Երեխաների թվաքանակի սեռատարիքային բաշխվածությունը և շարժը

մարդ

Բաժին 4. Աշխատակազմի թվաքանակն՝ ըստ սեռի և կրթական մակարդակի

Հավելված 2  Հայաստանի Հանրապետության վիճակագրության պետական խորհրդի 2026 թվականի օգոստոսի 20-ի թիվ 05-Ն որոշման

 Հ Ր Ա Հ Ա Ն Գ

«ԵՐԵԽԱՆԵՐԻ ԵՐԿԱՐԱԺԱՄԿԵՏ ՇՈՒՐՋՕՐՅԱ ԽՆԱՄՔ ՏՐԱՄԱԴՐՈՂ ՀԱՍՏԱՏՈՒԹՅՈՒՆՆԵՐԻ ԳՈՐԾՈՒՆԵՈՒԹՅԱՆ ՄԱՍԻՆ» ՁԵՎ 1-ԽՆԱՄՔ (ՏԱՐԵԿԱՆ) ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Սույն հրահանգով կարգավորվում է «Երեխաների երկարաժամկետ շուրջօրյա խնամք տրամադրող հաստատությունների գործունեության մասին» Ձև 1-խնամք (տարեկան) վիճակագրական հաշվետվության (այսուհետ՝ Հաշվետվություն) լրացման հետ կապված հարաբերությունները:

2. Հաշվետվությունը ներկայացնում են երեխաների երկարաժամկետ շուրջօրյա խնամք տրամադրող հաստատությունները, որոնք այդ մասին իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

3. Հաշվետվությունը ներկայացվում է Վիճակագրական կոմիտե՝ մինչև հաշվետու ժամանակաշրջանին հաջորդող տարվա մարտի 1-ը: Տվյալները լրացվում են հաշվետու ժամանակաշրջանի վերջին օրվա դրությամբ:

4. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

2. ԵՐԵԽԱՆԵՐԻ ԵՐԿԱՐԱԺԱՄԿԵՏ ՇՈՒՐՋՕՐՅԱ ԽՆԱՄՔ ՏՐԱՄԱԴՐՈՂ ՀԱՍՏԱՏՈՒԹՅՈՒՆՆԵՐԻ ՇԵՆՔԱՅԻՆ ՊԱՅՄԱՆՆԵՐԸ

5. Բաժին 1-ում լրացվում են երեխաների երկարաժամկետ շուրջօրյա խնամք տրամադրող հաստատությունների շենքային պայմանների վերաբերյալ տվյալները: Պատասխաններն ընտրելիս հաշվի առնել հետևյալը.

1) «100.1»-«100.9» ծածկագրերով տողերում նշվում է շենքի ընդհանուր վիճակի վերաբերյալ տվյալները,

2) «110.1»-«130.9» ծածկագրերով տողերում նշվում է ջրամատակարարման, տաք ջրամատակարարման և կոյուղացման վերաբերյալ տվյալները,

3) «140.1»-«140.9» ծածկագրերով տողերում նշվում է ջեռուցման վերաբերյալ տվյալները,

4) «150» ծածկագրով տողում լրացվում է երեխաների երկարաժամկետ շուրջօրյա խնամք տրամադրող հաստատության նախագծային հզորությունը (նախատեսված տեղերի քանակը, այլ ոչ թե փաստացի զբաղեցված տեղերի կամ երեխաների թվաքանակը):

5) Սույն հրահանգի 5-րդ կետի տվյալները լրացվում են համապատասխան պայմաններ ունեցող շենքերի քանակի թվով:

3. ՇԵՆՔԻ ԵՎ ԴՐԱՆ ԿԻՑ ԿԱՄ ԱՄՐԱԿՑՎԱԾ ԱՅԼ ՏԱՐԱԾՔՆԵՐԻ ԸՆԴՀԱՆՈՒՐ ՄԱԿԵՐԵՍԸ

6. Բաժին 2-ում լրացվում են.

1) «200» ծածկագրով տողում՝ տվյալներ երեխաների երկարաժամկետ շուրջօրյա խնամք տրամադրող հաստատությունների շենքերի ընդհանուր մակերեսի վերաբերյալ,

2) «210» ծածկագրով տողում՝ երեխաների երկարաժամկետ շուրջօրյա խնամք տրամադրող հաստատություններին շենքերին կից կամ ամրակցված այլ տարածքների ընդհանուր մակերեսի վերաբերյալ:

4. ԵՐԵԽԱՆԵՐԻ ԹՎԱՔԱՆԱԿԻ ՍԵՌԱՏԱՐԻՔԱՅԻՆ ԲԱՇԽՎԱԾՈՒԹՅՈՒՆԸ ԵՎ ՇԱՐԺԸ

7. Բաժին 3-ում լրացվում են.

1) «300», «330»-«360» ծածկագրերով տողերում՝ երեխաների երկարաժամկետ շուրջօրյա խնամք տրամադրող հաստատություններում գտնվող երեխաների թվաքանակի և նրանց սեռատարիքային բաշխվածության վերաբերյալ տվյալներ,

2) «310»-«310.8», «320»-«320.2» ծածկագրերով տողերում՝ հաշվետու տարվա ընթացքում երեխաների քանակական շարժի մասին տվյալներ,

3) «310» ծածկագրով տողում ինքնաշխատ արտացոլվում է «310.1»-«310.8» ծածկագրերով տողերի գումարը,

4) «320» ծածկագրով տողում ինքնաշխատ արտացոլվում է «320.1»-«320.2» ծածկագրերով տողերի գումարը,

5) «330» ծածկագրով տողում ինքնաշխատ արտացոլվում է «330.1»-«330.2» ծածկագրերով տողերի գումարը:

5. ԱՇԽԱՏԱԿԱԶՄԻ ԹՎԱՔԱՆԱԿՆ՝ ԸՍՏ ՍԵՌԻ ԵՎ ԿՐԹԱԿԱՆ ՄԱԿԱՐԴԱԿԻ

8. Բաժին 4-ում լրացվում են.

1) «400» ծածկագրով տողում՝ երեխաների երկարաժամկետ շուրջօրյա խնամք տրամադրող հաստատությունների ամբողջ աշխատակազմի վերաբերյալ տվյալներ` ըստ նրանց սեռի և կրթական մակարդակի,

2) «400.1»-«400.6» ծածկագրերով տողերում՝ երեխաների երկարաժամկետ շուրջօրյա խնամք տրամադրող հաստատությունների երեխաներին սպասարկող աշխատակազմը,

3) «400» ծածկագրով տողում ինքնաշխատ արտացոլվում է «400.1», «400.2»-«400.6» ծածկագրերով տողերի գումարը,

4) «400.1» ծածկագրով տողում ինքնաշխատ արտացոլվում է «400.1.1»-«400.1.6» ծածկագրերով տողերի գումարը:

Պաշտոնական հրապարակման օրը՝ 10 սեպտեմբերի 2026 թվական: