ՀՀ ՎԱՐՉԱՊԵՏԻ ՈՐՈՇՈՒՄԸ ՖՐԱՆԿՈՖՈՆԻԱՅԻ ԽԱՂԵՐԻ ԱԶԳԱՅԻՆ ԿՈՄԻՏԵ ՍՏԵՂԾԵԼՈՒ ԵՎ ԴՐԱ ԿԱԶՄԸ ՀԱՍՏԱՏԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

N 332-Ա

Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասը`

1. Ֆրանկոֆոնիայի 10-րդ հոբելյանական խաղերը 2027 թվականին Հայաստանի Հանրապետությունում անցկացնելու հետ կապված կազմակերպական աշխատանքները համակարգելու նպատակով ստեղծել Ֆրանկոֆոնիայի խաղերի ազգային կոմիտե (այսուհետ՝ ազգային կոմիտե) և հաստատել դրա կազմը` համաձայն հավելվածի:

2. Ազգային կոմիտեի նախագահին` մինչև 2027 թվականի հուլիսի 1-ը ամենամսյա պարբերականությամբ Հայաստանի Հանրապետության վարչապետի աշխատակազմ ներկայացնել հաշվետվություն Հայաստանում Ֆրանկոֆոնիայի 10-րդ միջազգային խաղերի նախապատրաստական աշխատանքների ընթացքի վերաբերյալ:

(2-րդ կետը խմբ. 11.09.26 N 904-Ա)

Հայաստանի Հանրապետության վարչապետ	Ն. Փաշինյան
Երևան

15.04.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ վարչապետի N 332-Ա որոշման

ՀՀ կրթության, գիտության, մշակույթի և սպորտի նախարար (ազգային կոմիտեի նախագահ)

ՀՀ արտաքին գործերի և միջազգային առևտրի նախարարի տեղակալ

ՀՀ առողջապահության նախարարի տեղակալ

ՀՀ բարձր տեխնոլոգիական արդյունաբերության և արհեստական բանականության նախարարի տեղակալ

ՀՀ էկոնոմիկայի նախարարի տեղակալ

ՀՀ ներքին գործերի նախարարի տեղակալ

ՀՀ շրջակա միջավայրի նախարարի տեղակալ

ՀՀ տարածքային կառավարման և ենթակառուցվածքների նախարարի տեղակալ

Երևանի քաղաքապետի տեղակալ (համաձայնությամբ)

ՀՀ ազգային անվտանգության ծառայության տնօրենի տեղակալ

ՀՀ պետական եկամուտների կոմիտեի նախագահի տեղակալ

ՀՀ քաղաքաշինության կոմիտեի նախագահի տեղակալ

ՀՀ կրթության, գիտության, մշակույթի և սպորտի նախարարի՝ համապատասխան ոլորտը համակարգող տեղակալ (ազգային կոմիտեի քարտուղար)

Հայաստանի հանրային հեռուստաընկերության գործադիր տնօրեն

Հայաստանի ազգային օլիմպիական կոմիտեի օլիմպիական շարժման և ծրագրերի իրականացման բաժնի պետ (համաձայնությամբ)

«Կ. Դեմիրճյանի անվան մարզահամերգային համալիր» ՓԲԸ-ի տնօրեն (համաձայնությամբ)

(հավելվածը խմբ. 11.09.26 N 904-Ա)