ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՌՈՂՋԱՊԱՀՈՒԹՅԱՆ ՆԱԽԱՐԱՐ
|
«28» սեպտեմբեր 2026 թ. |
N 67-Ն |
Հ Ր Ա Մ Ա Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2022 ԹՎԱԿԱՆԻ ՓԵՏՐՎԱՐԻ 1-Ի N 06-Ն ՀՐԱՄԱՆՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները՝
ՀՐԱՄԱՅՈՒՄ ԵՄ`
1. Հայաստանի Հանրապետության առողջապահության նախարարի 2022 թվականի փետրվարի 1-ի «Բնակչության առողջության պահպանման և բարելավման ծրագրերի, առողջության համընդհանուր ապահովագրության շրջանակներում տուբերկուլոզային բժշկական օգնության և սպասարկման կազմակերպման և իրականացման չափորոշիչը հաստատելու, Հայաստանի Հանրապետության առողջապահության նախարարի 2013 թվականի հոկտեմբերի 14-ի թիվ 59-Ն հրամանն ուժը կորցրած ճանաչելու մասին» N 06-Ն հրամանի 1-ին կետով հաստատված հավելվածում կատարել հետևյալ լրացումները և փոփոխությունները.
1) 5-րդ կետից հետո լրացնել հետևյալ բովանդակությամբ նոր` 5.1-ին կետ.
«5.1. ՏԲ կաբինետի կողմից սպասարկվող տուբերկուլոզով պացիենտի կոնտակտավորների մասնագիտական խորհրդատվությունը և հետազոտությունն իրականացնում է ՏԲ կաբինետը` առանց ԱԱՊ բժշկական կազմակերպությունների մասնագետների (ընտանեկան բժիշկ, թերապևտ, մանկաբույժ) ուղեգրման:».
2) 15-րդ կետի առաջին նախադասությունը շարադրել նոր խմբագրությամբ. «Արտահիվանդանոցային պայմաններում բուժում ստացող պացիենտների, ինչպես նաև տուբերկուլոզի կանխարգելիչ բուժում ստացող պացիենտների բուժման ընթացիկ վերահսկումն իրականացվում է ՏԲ կաբինետի մասնագետի կողմից՝ ամիսը մեկ անգամ պացիենտի այցելությամբ:».
3) 58-րդ կետում «հետազոտությունն իրականացվում է» բառերը փոխարինել «մասնագիտական խորհրդատվությունը և հետազոտությունն իրականացվում են» բառերով.
4) 4-րդ, 22-րդ, 62-րդ, 64-րդ և 65-րդ կետերում «ցանկը», իսկ 51-րդ կետում «ցանկի» բառից առաջ լրացնել «կողմնորոշիչ» բառը:
2. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:
|
|
Ա. ԱվանեսՅԱՆ |
Պաշտոնական հրապարակման օրը՝ 7 հոկտեմբերի 2026 թվական:
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|