ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
22 հոկտեմբերի 2026 թվականի N 1511-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2023 ԹՎԱԿԱՆԻ ԱՊՐԻԼԻ 21-Ի N 595-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Պետական գույքի կառավարման մասին» օրենքի 6-րդ հոդվածի 1-ին մասի 1-ին և 9-րդ կետերով, «Նորմատիվ իրավական ակտերի մասին» օրենքի 33-րդ հոդվածի 3-րդ և 34-րդ հոդվածի 1-ին մասերով` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2023 թվականի ապրիլի 21-ի «Պետական գույքի անհատույց օգտագործման տրամադրման կարգը և պայմանները սահմանելու մասին» N 595-Ն որոշման N 1 հավելվածում կատարել հետևյալ լրացումները՝
1) 4-րդ կետի 4-րդ ենթակետը վերջում լրացնել հետևյալ նախադասությամբ՝
«Հայաստանի Հանրապետության կառավարության առանձին որոշմամբ կարող է այլ կազմակերպությանը բնական գազի մատակարարման համար նախատեսված և գազասպառման համակարգի մաս կազմող գույքի անհատույց օգտագործման տրամադրումն իրականացվել առանց սույն ենթակետով և սույն որոշման N 4 հավելվածով սահմանված պայմանների կիրառման:».
2) 19-րդ կետի 2-րդ ենթակետը «ծրագրերը» բառից հետո լրացնել «, բացառությամբ սույն կարգի 4-րդ կետի 4-րդ ենթակետով սահմանված՝ Հայաստանի Հանրապետության կառավարության առանձին որոշմամբ գույքի անհատույց օգտագործման տրամադրման դեպքերի» բառերով:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
|
Հայաստանի Հանրապետության |
Ն. Փաշինյան |
|
Երևան |
|
22.10.2026 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ |
Պաշտոնական հրապարակման օրը՝ 22 հոկտեմբերի 2026 թվական: