«Վավերացնում եմ»
Հայաստանի Հանրապետության
Նախագահ Ռ. Քոչարյան
18 փետրվարի 2007 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
18 հունվարի 2007 թվականի N 142-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ՕԳՈՍՏՈՍԻ 10-Ի N 741 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության քաղաքացիական օրենսգրքի 67-րդ հոդվածի 2-րդ մասի 1-ին ենթակետին համապատասխան` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2001 թվականի օգոստոսի 10-ի «Հայաստանի Հանրապետության նախնական և միջին մասնագիտական կրթության համակարգի ռացիոնալացման ծրագիրը հաստատելու մասին» N 741 որոշման մեջ կատարել հետևյալ փոփոխությունները`
որոշմամբ հաստատված ծրագրի`
ա) 55-րդ կետի 3-րդ սյունակից հանել «միացնելով Ախուրյանի N 85 ՄՏՈՒ-ն» բառերը.
բ) 56-րդ կետի 3-րդ սյունակում «Վերակազմակերպել` միացնելով Շիրակի պետական գյուղատնտեսական քոլեջին» բառերը փոխարինել «լուծարել» բառով:
2. Հայաստանի Հանրապետության Շիրակի մարզպետին` Հայաստանի Հանրապետության օրենսդրությանը համապատասխան ապահովել Շիրակի մարզի Ախուրյանի N 85 ՄՏՈՒ-ի լուծարումը:
3. Հայաստանի Հանրապետության Շիրակի մարզի Ախուրյանի նախկին N 85 ՄՏՈՒ-ի հաշվեկշռում գտնվող` 578 քառ. մետր ընդհանուր մակերեսով ու 6838,0 հազ. դրամ սկզբնական հաշվեկշռային արժեքով ուսումնական մասնաշենքը և 600 քառ. մետր ընդհանուր մակերեսով ավտոտնակներն անհատույց օգտագործման իրավունքով ամրացնել «ՀԳԱ-ի Ախուրյանի հենակետային վարժարան» պետական ոչ առևտրային կազմակերպությանը:
4. Հայաստանի Հանրապետության Շիրակի մարզպետին և Հայաստանի Հանրապետության կրթության և գիտության նախարարին` մեկամսյա ժամկետում ապահովել սույն որոշման 3-րդ կետում նշված անշարժ գույքի հանձնման-ընդունման աշխատանքների կատարումը:
5. Հայաստանի Հանրապետության կառավարությանն առընթեր պետական գույքի կառավարման վարչության պետին` երկամսյա ժամկետում «ՀԳԱ-ի Ախուրյանի հենակետային վարժարան» պետական ոչ առևտրային կազմակերպության հետ համատեղ ապահովել սույն որոշման 3-րդ կետում նշված անշարժ գույքի անհատույց օգտագործման համապատասխան պայմանագրի կնքումը և գույքային իրավունքների պետական գրանցումը` այն իրականացնելով «ՀԳԱ-ի Ախուրյանի հենակետային վարժարան» պետական ոչ առևտրային կազմակերպության միջոցների հաշվին:
6. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
|
Հայաստանի Հանրապետության |
Ա. Մարգարյան |
|
|